Sanferminetako talde bortxaketa grabatu zuten bi gizonei, hiru urteko kartzela zigor erantsia
Bortxaketa iruditan jasotzeagatik, intimitatearen aurkako delitua leporatu diete bost erasotzaileetako biri. Epaileak absolbitu egin ditu beste hirurak.
2016ko Sanferminetan emakume bat taldean bortxatzeagatik hamabost urteko espetxe zigorra ezarri zien bost gizoni Espainiako Auzitegi Gorenak. Auzibideak, baina, beste epai berri bat ekarri du: Nafarroako Auzitegiak hiru urte eta hiru hilabeteko kartzela zigor erantsia ezarri die bortxatzaileetako biri —Antonio Manuel Guerrerori eta Alfonso Cabezuelori—, baita 5.670 euroko isuna ere.
Zazpi bideo grabatu eta bi argazki atera zituzten emakumea bortxatu bitartean. Bortxaketaren irudiak jasotzeagatik, intimitatearen aurkako delitua leporatu diete. Herri akusazioek eta akusazio partikularrak eginiko zigor eskaera kontutan hartu dute epaia ematerako orduan, eta delitu horrengatik eskatu daitekeen zigorrik handiena ezarri.
Akusatuek helegitea jarri ahalko dute. Bortxaketan parte hartu zuten gainontzeko bost gizonak absolbitu egin ditu epaileak, honen iritzitan ezin baitzaie intimitatearen aurkako deliturik leporatu.
Eremu digitalak, gizakion dinamiketatik edaten duen heinean, gizarte eredu ezberdinetan aurkitu ditzakegun antzeko arazoak ditu. Pertsonen arteko arazo asko botere kontua izan ohi da; botere arazoek indarkeria dakarte zenbaitetan. Esate baterako, indarkeria matxista.
Eremu... [+]
Bizkaiko Foru Aldundiko Emakumeak Babesteko eta Familiei Laguntzeko zerbitzuan, lau psikologotik hiru kendu dituzte. Are gehiago, langileek salatu dute indarkeria matxistaren biktimak artatzeko plan berriak emakume ugari uzten dituela kanpoan.
Emakumea oso larri dago erietxean, Sud Ouest egunkariak jakinarazi duenez. Haren bikotekidea izan daitekeen gizona fidantzarik gabeko atxiloaldian sartu dute, aurrekariak dituelako.
Indarkeria matxistaren datu "onartezinak" salatu ditu Txibite presidenteak. Izan ere, Nafarroan erregistratutako salaketen %17 sexu-indarkeriagatik dira. Hartara, bihar zabalduko duten Sexu Indarkerien Arreta Integraleko Zentro "seguru eta konfidentzialaren"... [+]