Mikel San Jose eta Beñat Etxeberriak pairatutako eraso euskarafoboei erantzuteko kontzentrazioa deitu dute
Mobilizazioa deitu dute ostiralean eguerdian Bilboko San Mames estadioaren aurrean, "Euskarari erasorik ez! Kirolean ere euskaraz bizi nahi dugu!" lelopean. Horrekin Mikel San Jose eta Beñat Etxeberria Athleticeko jokalariek pairatu dituzten eraso euskarafoboak salatu, aurre egin eta bi jokalariei elkartasuna adieraziko diete.
Mikel San Jose eta Beñat Etxeberriak beren agur oharra euskara hutsean argitaratu dutelako, ehunka eraso jaso dituzte irain eta mehatxu forman sare sozialetan. "Errespetu falta iruditzen zait, jar ezazu gaztelaniaz ez baitugu denok ulertzen euskaraz", "Ustel zaitezte baskongadoak asmatutako zuen hizkuntzarekin eta sineskeria paganoekin" edo "Ez dakit zer jartzen duen, baina gora GAL" egoera ilustratzeko balio duten adibideak besterik ez dira.
Horren aurrean, Gu ere bai plataformak elkarretaratzea deitu du. "Ostiral honetan kirolarien hizkuntza eskubideen aldeko agerraldia egingo dugu San Mames aurrean. Euskaltzaleak, kirolzaleak gure jokalarien alde agertuko gara. Euskararen aldeko mezuekin, ahoa maskarillarekin estalita eta ikurriñarekin", adierazi dute.
Mikel San Josek, kikildu barik, halako kontu garrantzitsuak bere ama hizkuntzan errazago ateratzen zaizkiola idatzi die, baita batua.eus itzultzaile neuronala gomendatu ere.
Para quienes no hayáis podido entender nuestro comunicado, recomendamos para esta u otras ocasiones https://t.co/pcsSZK3wip, traductor de nivel. En ningún caso hemos querido excluir a nadie, pero para algo tan personal preferíamos expresarnos en nuestra lengua. Aupa Athletic!
— Mikel San José (@mikelsanjo6) June 29, 2020
Azpian San Joseren aurkako erasoak eragin zituen mezua.
LABek ohartarazi du Gipuzkoako Foru Aldundiko behin-behineko 119 langileak egonkortzeko egin den bidea bertan behera gelditu daitekeela, hizkuntza eskakizuna ezarri izanagatik helegitea aurkeztu dutelako. LABek eta ELAk elkarretaratzea deitu dute otsailaren 16rako, Donostian.
Errenteria-Oreretako Aurrera tabernako zerbitzariak euskararekiko "mespretxuz" eta oldarkor erantzun zion euskaraz eskatu zuen bezero bati euskalgintzako hainbat kidek salatu dutenez.
Zizurko Udalaren obretako langile lanpostu baten euskarazko profila atzera bota du Iruñeko Administrazioarekiko Auzien 3. Epaitegiak. Erabaki horren aurka elkarretaratzera deitu dute hainbat eragilek. Hizkuntza Eskubideen Behatokiko zuzendari Agurne Gaubekaren aburuz,... [+]
Nafarroako Justizia Auzitegi Nagusiaren aurrean elkarretaratzea egin dute Zizur Nagusiko Udalaren aurka eman den azken epaia salatzeko. Udalak langile lanpostu batean ezarritako hizkuntza eskakizuna atzera bota du epaitegiak.