Sanferminetako bortxaketaren epaiketa: eztabaida Twitterren Espainiako hedabideen ikuspegiagatik

  • Astelehenean hasi da iazko Sanferminetako talde bortxaketari buruzko epaiketa. Ateak itxita egingo da, eta hedabideek ezingo dute epaiketa gelara sartu. Hala ere, indarkeria matxistaren inguruan sortzen den “show telebisiboa” dela medio, Iruñeko epaitegia hedabidez josita dago.


2017ko azaroaren 14an - 13:05
Eraso sexisten aurkako elkarretaratzea sanferminetan. (Arg.: Euskalerria Irratia)

Epailearen aurreko deklaraziorik ezean, kazetariei eginiko adierazpenak urrea bailiran hartu dituzte hedabideek. Bost akusatuen– horien artean Guardia Zibil bat eta militar bat – abokatuak  adierazi du erasotzaileak errugabeak direla eta errua emakumearena dela. Hitzok nahikoak izan dira Espainiako hedabide nagusientzat gertakaria itxuraldatzeko; erasotzaileak biktimizatu eta emakumeak jasandako erasoa ezbaian jarri dute. Epaiketaren inguruan albistegiak ematen ari diren tratamendua salatu dute hainbat Twitter erabiltzailek.

Antena 3 izan da kritika gehien jaso dituen katea. Espejo Público programan goiz osoa pasa dute epaiketari eta erasoari buruz hizketan; erreportaje bat ere egin dute, orain dela urtebete gertatutakoa azaltzeko asmoz. Ikusi ez dutenentzat, #LaManadaAJuicioA3N traolan irakurri daiteke elkarrizketatutako polizia, abokatu eta aditu guztiak gizonezkoak direla, eta azaldutako ikuspuntutik erasotzaileak sortutako zirku mediatiko guztiaren biktimatzat jotzen dituela. Irantzu Varela ekintzaile feministak bortxaketaren aldeko kultura sustatzea leporatu dio Antena 3i txio bidez.

 

 

Hala ere, indarkeria matxista zalantzan jarri duen azkena Nacho Abad Antena 3eko kazetaria izan da. Goizean goiz jarritako txio batean, emakumeak jasandakoa bortxaketa edo bi aldeek adostutako sexu harremana izan zen galdetu du. Jaso duen kritika zaparrada berehalakoa izan da.

 


Kanal honetatik interesatuko zaizu: Indarkeria matxista
Materialismo histerikoa
"Mario Lopez" eta "Gernika"

Krimen matxistak, mediatizatzen direnean, emakumeontzat lezio bilakatu ohi dira, eta bizirik badago, biktimarentzat. Nerea Barjola ikertzaileak Alcasserko kasuaren bidez azaldu zigun hori. Eta Nagore Laffageren hilketak ere lezio astun bilakatzeko arriskua izan zuen, lezioa... [+]


Diego Yllanesi ukatu egin diote haren inguruko albisteak ezabatzea

Nagore Laffagen hilketaren harira, Diego Yllanesek ahaztua izateko eskubidea aldarrikatu du. Espainiako Auzitegi Nazionalak eskaerari uko egin, eta erabaki du informazio eta adierazpen askatasuna gailentzen zaizkiola.

 


Epailearen aurrera eraman dute bikotekide ohia giltzaperatu eta eraso egiteagatik atxilotutako gizona

Ertzaintzak jakinarazi duenez, gizonak Gasteizko Alde Zaharreko lonja batean bahituta izan du emakumea zenbait orduz, eta hainbat alditan egin dio eraso. Gizonak urruntze agindua zuen, aurrez egindako tratu txarrak tarteko. Astelehen goizean atxilotu zuen Ertzaintzak, eta... [+]


2024-03-15 | ARGIA
Gizon bati Iruñerriko institutu batean eta saltoki batzuetan emakumeak grabatzea leporatu diote

2023ko urrian jarritako salaketa baten harira, gizonaren etxeko gailu informatiko eta elektronikoak ikertzen ari da Foruzaingoa, eta material horretan aurkitu dituzte institutu bateko emakumeen komunetan egindako grabazioak, eta hainbat saltokitako aldageletakoak. Adimen... [+]


Gasteizen atxilotutako gizona espetxera bidali dute, bikotekidea labankadaz hiltzen saiatzeagatik

Astearte honetan, herritarrek eta erakundeek erasoa gaitzetsi dute udaletxe aurrean egindako elkarretaratzean.


Eguneraketa berriak daude