ARGIA.eus

2020ko irailaren 24a

Samuel L. Jackson aktorearen mezua Trumpi, euskaraz: "Zoaz popatik hartzera!"

  • Samuel L. Jackson aktore ezagunak mezu argia igorri nahi izan dio Donald Trump AEBetako presidenteari, eta horretarako hamabost hizkuntza erabili ditu. Lehenik euskaraz egin du: "Zoaz popatik hartzera" esan dio, maskaran "bozkatu" hitz zeramala, azaroaren 3ko AEBetako hauteskunde presidentzialaren harira.

ARGIA @argia
2020ko irailaren 16a

Bere Twitter kontuan partekatu duen bideo batez igorri dio mezua Jacksonek AEBetako presidenteari. "Zoaz popatik hartzera!" esan du lehenik, eskuetan afixa bat erakutsiz esaldiarekin. Jarraian beste hamalau hizkuntza erabili ditu: nepaliera, esperantoa, ukrainiera, maoria edo katalana, besteak beste.

Asko dira hizkuntza horiek erabiltzeagatik eskerrak emateko erantzun dioten txiolariak.

Pull Fiction edo A Time to Kill bezalako filmetan parte hartu duen aktore ezaguna, buru-belarri dabil sartuta AEBetako politikagintzan eta beltzen eskubideen aldeko borrokan ibilbide luzea du egina. Barack Obamaren alde aritu zen 2008ko primarietan, Alderdi Demokratan.

Oraingoan, azaroaren 3ko hauteskunde presidentzialak direla eta 8 milioi inguru jarraitzaile dituen bere Twitter kontua erabili du presidente ultra-eskuindarrari pentsatzen duena adierazteko. Kamisetan Your Voice Matter (Zure ahotsak inporta du)  leloa darama eta maskaran "Bozkatu!" hitza agertzen da.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: AEB  |  Euskara  |  Zinema  |  Arrazakeria

AEB kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude