Saioa Sanchez preso politikoak haurra izan, eta aitari ez diote ama-alabak ikusten utzi
Egun osoan instituzio batetik bestera mugitzera behartu ostean, azkenean, Sanchezekin egotea eta jaioberria ezagutzea ukatu zioten atzo haurraren aitari.
aurre egingo dieten hedabide independenteak
Atzo, irailak 2, haurra izan zuen Saioa Sanchez preso politikoak. Berangarra Nantesko kartzelan dute gatibu gaur egun, eta asteartean eraman zuten ospitalera, erditzea zela eta. Gedar Langile Kazetak jakin ahal izan duenez, "ondo" daude ama-alabak. Dena den, haurraren aitari ukatu egin zioten haiek ikustea.
Lehendabizi, COVID-19aren harira hartutako neurriak tarteko, aitak ezin izan zuen erditzean izan. Gero, ospitalean zegoela, esan zioten Nantesko espetxean eskatu beharko zuela umea eta haren bikote Sanchez ikusteko baimena. Antza, horren ostean, baimena Poliziari helaraziko lioke kartzelak.
Nantesko presondegira joan zen orduan jaioberriaren aita, eta handik pare bat ordura jaso zuten kartzelaren baimena ospitalean zeuden poliziek. Dena den, orduan, polizien buruak esan zuen prefeturak eman behar zuela baimen hori, eta ez espetxeak. Aitak kartzelara joan behar izan zuen berriro, prefeturari eskaera egitea galdegiteko. Espetxearen erantzuna, ordea, honakoa izan zen: prefeturara berak jo beharko zuela esan zioten haurraren aitari, administrazio desberdinak direla argudiatuta.
"Prefeturara joatean, ez zekiten zertaz ari nintzaien", adierazi du aitak. E-mail helbide bat eman zioten hara idatzi zezan, baina mezu bat igorri ostean, helbidea gaizki zegoela ohartu zen. Helbidea berriro eskatu behar izan zuen eta beste mezu bat bidali, baina ez zuen erantzunik jaso. Goiz guztia leku batetik bestera igaro ostean, ospitalera itzuli zen aita.
Arratsaldean, poliziek jakinarazi zioten Nantesko presondegiari eskaera egin ziotela, baina ez zutela erantzunik jaso. Aurrerantzean polizia-etxearengana jo beharko zuela esan zioten, baina hara deitu zuenean, "errieta" egin zioten, "hori ez baita leku aproposa gai horietarako", azaldu du haurraren aitak.
Berriro espetxera deitu behar izan zuen orduan, eta telefonoaren beste aldean zegoen pertsonak adierazi dio auto judiziala eskatu beharko zuela Sanchez eta jaioberria ikusteko. "Nire erantzunak gustatu ez zaizkionez, telefonoa eskegi du".
Argazki bidez
Aitak 18:30ean alde egin du ospitaletik, baina bueltatzea erabaki du 19:00etan, "Saioa ikusten ez banuen ere, alaba ikusteko eskubidea aldarrikatzera". "Txakurrak agertu ziren, eta presondegiaren esku egonda jaio denez, baimenik lortu ezean ezin izango nuela ikusi esan zidaten", dio haren aitak.
"Azkenik, errelebo horretan zegoen arduradunetako batek nire telefonoarekin umeari argazki batzuk ateratzea eskaini zidan. Nik onartu nuen, umea ikusteko eta, horrela, Saioak ere jakin zezan ospitalean bueltaka nenbilela, bisita lortzen saiatzen. Ospitalean dagoen bitartean ezin du deirik egin", adierazi du.
Guatemala da. baina izan zitekeen El Salvador edo Honduras. Erdialdeko Amerikako kaleak husten ari dira, segurtasunaren eta herrialdearen garapenaren izenean, eta kartzelak bete. Munduan, proportzioan, preso gehien dituzten herrialdeen artean daude. Baina ziegetan ez daude... [+]
Pablo Gonzalez Polonian atxilotu zuten 2022an espioitza leporatuta. 2024ko abuztuan aske utzi zuten baina ez zuten bere prozesua itxi. Orain, prozesua berriz ireki eta epaileek 2025eko udazkenean epaitu nahi dute Gonzalez.
Nafarroako Gobernuak espetxeetako osasun zerbitzuaren eskumena eskuratu zuenetik, baliabideak “indartu” dituzten arren, presoek nabarmendu dute ez diela sobera eragin egunerokoan.
Espetxeetako funtzionarioek lanuzte partzial bat egingo dute ekainaren 9tik 15era bitartean.
Nafarroako espetxean dauden pertsonen bizi baldintzak aztertu ditu elkarteak. Ondorioztatu du Nafarroako Gobernua kartzelaren kudeaketaz arduratu beharko litzatekeela.
Nafarroako espetxe egoeraren mapatzea txostena aurkeztu du elkarteak Nafarroako Parlamentuan, 2024. urtean jasotako datuekin eta Iruñeko espetxeko presoen testigantzekin. Presoek salatu dute pilatuta dituztela moduluetan, eta batzuetan jipoiak eman dizkietela espetxeko... [+]
“Saihestu egingo dira giza eskubideen, ordenamendu juridikoaren eta espetxeetako tratamendu psikosozialaren aurkako balioak eta jarrerak babestea, justifikatzea eta goratzea ekar dezaketen adierazpenak”, dio, besteak beste, agiriak. Azaroan Eusko Jaurlaritzako... [+]
34 edo 35 urteko gizonezkoa, gasteiztarra eta alaba baten aita, ostegunetik ostiraleko gauean hil zen, Salhaketak jakinarazi duenez. Elkarteak gogoratu du Jaurlaritzak espetxe eskumena hartu zuenetik hiltzen den bederatzigarren presoa dela, eta egiturazko aldaketak eskatu ditu... [+]
Torturaren kontrako eguna baliatuz, Aske antolakundeak prentsaurrekoa egin du Bilboko Justizia Jauregian. Gaur egun ere tortura gauzatzeko baldintzek bere horretan jarraitzen dutela salatu dute.
Aiaraldeako Ideien Faktorian egindako hitzaldia da honakoa, Eztizen Artolaren Gurpilak liburua aitzakia hartuta. Bertan hitza hartu zuten eleberriaren egileak, Joxe Blanco euskal preso politiko ohiak, Ilazki Ussia motxiladun umeak eta Ainhoa Ayesta presoen aldeko elkartasun... [+]
Alarma jo du, beste urte batez, OIP Presondegien Nazioarteko Behatokiak. Abenduaren lehenean marka berri bat hautsi zen frantses estatuan, 80.792 pertsona atxiloturekin. Espetxe-administrazioaren aitzinikuspenen arabera, gainera, 86.000 baino gehiago izan litezke 2027an egungo... [+]
Hainbat euskal presok salatu duenez, Zaballako espetxezainek "ezkutuko greba" hasi dute, haien erdiak gaixotasun baja hartuta. "Ezkutuko greba honen bitartez, 'zerbitzuaren gabeziak' salatzea dute helburu, baina benetako greba bati ekin ez, eta preso... [+]
Nafarroako Salhaketak jakinarazi duenez, laguntza hori ezinbestekoa zen preso egondako pertsonek "gutxieneko oinarri ekonomiko bat" eduki zezaten, "askatasunean bizitzen hastera igarotzean". 480 eurokoa baino ez zen subsidioa.
Presoa ziegan aurkitu dute hilik ostegun iluntzean. Eusko Jaurlaritzak esan du suizidio kasu baten aztarnak dituela. Gainera, Jaurlaritzak 2021ean espetxeen eskumena jaso zuenetik hiltzen den zazpigarren presoa da.
Ostiralean aurkitu zuten hilotz, “gaindosi” zantzuekin, Naiz-ek argitaratu duenez. Jaurlaritzak ez du heriotza baieztatu asteartera arte, eta autopsiaren emaitzen zain dagoela adierazi du. EAEko espetxeen eskumena hartu zuenetik espetxean hiltzen den seigarren presoa... [+]
