Sabin Arana Bilbao zendu da, frankismoan errepresialiatua
Sabin Arana Bilbao (Sestao, 1944-Gasteiz 2013) hil da, gaixotasun baten ondorioz. Frankismo garaian atxilotua eta torturatua, politikan militatu zuen bizitza guztian, langileen eskubideen eta abertzaletasunaren alde. Euskararen aldeko makina bat ekintza eta proiektutan ere hartu zuen parte.
ETA Veko kide izateagatik atxilotu zuten Arana, 1968an. Lau egunez tortura gogorrak jasan ostean, erizaindegitik kartzelara eraman, preso sartu eta bederatzi urte eman zituen espetxean, harik eta 1977ko amnistiarekin kanpora atera zen arte.
Ondoren ere, ez zuen militantzia politikoa baztertu: 80ko hamarkadan, Auzolan alderdian (Euskadiko Ezkerraren eszisioa) aritu zen, alderdietatik at langileen eskubideen eta abertzaletasunaren alde jarraitu zuen borrokan eta iaz, Goldatu elkartearen sorreran hartu zuen parte, Frankismoan errepresaliaturiko beste hainbat kiderekin batera. Francoren diktadura ikertzea eta auzitara eramatea du xede elkarteak.
Euskararen alorrean ere lan ugari egindakoa zen Sabin Arana. Hala nola, Gasteizko udal euskaltegian aritu zen irakasle eta zuzendari, jarduera askotan hartu zuen parte eta Geu Gasteiz aldizkariaren sortzaileetako bat izan zen, 90eko hamarkada hasieran.
Gaur arratsaldeko 17:00etan, agur ekitaldia egingo diote lagun eta senitartekoek, Gasteizko Lauzirica beilatokian.
1971n hainbat euskal abadek Zamorako espetxe hartatik ihes egiteko plana bertan behera geratu zen, poliziek tunela deskubritu ondoren. Nicanor Acosta abade-ohi komunistak Apaiz Kartzela dokumentaleko egileei elkarrizketa batean esan zien Santiago Carrillo izan zela salatzailea:... [+]
Hiru urteko lanaren emaitza jaso du Iruñeko Udalak sinatutako dekretuak. Auzotik sortutako ekimenari esker, zazpi kale eta hiru plaza izendatuko dituzte.
Fuerteventura (Kanariar Uharteak), 1954ko otsailaren 11. Tefiako Nekazaritza Kolonia abian jarri zuten uharteko aireportu abandonatuan, basamortuaren erdian. Nekazaritza kolonia eufemismoaren atzean, praktikan, kontzentrazio eremua izan zen Tefia, nagusiki LGBTI komunitateko... [+]
1936ko Gerra amaitzear zela, Franco diktadoreak Pirinioetan milaka bunker eraikitzea agindu zuen. Mendian horiek ikusten aspaldi ohituak gaude, baina ez genekien defentsarako lerro erraldoi bat osatzen zutela, eta azken urteetan berreskuratzeko ekimenak jarri dira abian. Izan... [+]