Rikardo Arregi Kazetaritza Sariak 25. edizioa izango du aurten. Andoaingo Udalak antolatzen duen lehiaketaren oinarriak aurkeztu dituzte asteartean Hizkuntza Politikako sailburuorde Patxi Baztarrikak, epaimahaiko zuzendari Ainara Rodriguezek eta Arantza Aguado idazkariak.
Kazetaritza sari honek 2012ko maiatzaren 7tik 2013ko maiatzaren 6ra bitartean argitaratu diren edozein mota eta generotako kazetaritza lanak sarituko ditu: erreportaje idatzi bakanak nahiz sortak, irrati edo telebistako erreportaje bat edo sorta bat, sekzio bat, programa bat edota kazetari bat edo talde bat izan litezke.
Hiru sari banatuko dira lehiaketan: Rikardo Arregi Kazetaritza sari nagusia (9.000 euro), Kazetari Berria saria (27 urtetik beherakoentzat, 3.000 euro) eta Epaimahaiaren Aipamen Berezia (Sari Nagusirako hautagaien artetik, epaimahaiak bereziki saritu nahi duen lanen bat, 4.000 euro). Sarituen izenak datorren ekainaren 29an emango dira aditzera Andoaingo Bastero kultur etxean
Rodriguezek, Rikardo Arregi Saria azken urteotan euskarazko komunikazioaren eta euskal kulturaren erreferentzia bihurtu dela aipatu du. Euskal kazetaritzako profesionalen artean lortu duen “errespetuak” eta “izen onak” euskarazko saririk garrantzitsuenetarikoa bihur dadin eragin duela gehitu du.
Bestalde, Baztarrikak azken bi hamarkadetan izan den euskarazko komunikabideen gorakada azpimarratu du. Izan ere, 1991n zortzi komunikabidek eskatu zioten Eusko Jaurlaritzari diru laguntza, eta aurten, aldiz, 120k.
Iazko Rikardo Arregi Sarian ARGIAko Beranduegi saioak irabazi zuen Epaimahaiaren Aipamen Berezia.
Nola ezar euskara, gal-bidean, ahal-bidean eta zabal-bidean? Galdera horri ihardukitzen entseatuko da Mattin Irigoien Zabalik elkarteko kidea, ostegun honetan eskainiko duen mintzaldian.
Non dago auzoa lekututa? Galdetzen du irudiak. Gure testuinguru eraikiak hartu duen deribagatik, irudian ikusten duguna aldirietako auzo berri bat izan ezean, kasu gehienetan ez dugu irudian identifikagarritzat jo dezakegun ezer topatuko. Tranpa batean sartu gaitu, erantzuna... [+]
Musikariaren lana musika sortzea eta jotzea da. Baina soilik hori? Irudiak eta sustapenak gero eta pisu gehiago dute alor gehienetan, eta musikariak ere ez dabiltza zurrunbilo horretatik aparte. Bideoklipa bilakatu da abesti edo disko bat kaleratzeko euskarri (ia) ezinbestekoa... [+]
Konturatu orduko apirila joan da, bere intentsitate eta kolore guztiekin. Egun beroak, epelak eta hotzak utzi dizkigu. Ostadarra eta izotza. Euri jasak eta bero sapa. Jaio berri diren arkume apurrak belardian dabiltzan bitartean, labanak eten egin du bizitza eman duten hiru... [+]
Herri-antzerki forma bat da pastorala. Sujet edo protagonista bat (hildakoa) hautatu eta bere bizia bertsotan ematen duena. Kantua ere presente dago emanaldian. Taula zuzendaria, taula gainean arituko diren arizaleak eta musikariak aritzen dira pastorala ematen den egunean... [+]