Repsoli bizkarra eman diote Bartzelonako Unibertsitateko irakasleek, ikasleen presioen ondorioz
Bartzelonako Unibertsitatean Repsolek kudeatzen duen Trantsizio Energetikorako katedra badirudi ez dela berrituko, ez baita akademikorik aurkeztu erretiroa hartu duenari erreleboa ematera, Directa-k jakitera eman duenez. Ikasleek udazkenaz geroztik maiz egin dituzte protestak, tartean okupazio-ekintzak, erregai fosiletan gehien kutsatzen duen enpresa delako. EHUn ere badauka antzerako katedra bat.
aurre egingo dieten hedabide independenteak
"Lortu dugu Repsol enpresaren katedra erortzea; Espainiako Estatuko enpresarik kutsatzaileena den enpresa zuritzeko baino ez zuen balio", adierazi dio Directa aldizkariari Bartzelonako End Fòssil mugimenduko kide batek. Bartzelonako Unibertsitateak jarraitu asmo du Repsolekin duen lankidetzarekin, baina antza, ez dago inor prest joan den urte amaieran erretiroa hartu zuen irakasle katedratikoari erreleboa emateko.
Ikasleek presio egin dute azaroaz geroztik, eta Directa-k informatu duenez "kolokan" egon daiteke unibertsitatearen eta Repsolen artean sortutako Trantsizio Energetikorako katedra. Izan ere, ikasleen arabera Bartzelonako Unibertsitateak ez du "akordioa indargabetzeko asmorik", baina inork ardurak hartzen ez baditu "ez luke funtziorik beteko".
EHU eta Eusko Jaurlaritza
Bartzelonako Unibertsitatearekin "haustear" egon daiteke jardunbidea, baina Repsolek mantentzen du harremana unibertsitate gehiagorekin, tartean EHUrekin; Trantsizio Energetikoaren Gela izena du, eta EHUren arabera, "industriaren balio kateko ekonomia zirkularraren azterketara bideratuta dago".
2022ko apirilean aurkeztu zuten ekimena. Honela zioen Eva Ferreira EHUko errektoreak: “Ekonomia zirkularra eskuetan dugun tresnarik iradokitzaileenetako bat da energia sistemaren egitura aldaketan aurrera egiteko, eta aldaketa horri Garapen Iraunkorreko Helburuekin bat heldu behar diogu. Euskal Herriko Unibertsitateak maila goreneko ikerketa proiektuak ditu arlo horretan, eta gela hau, Repsol Fundazioarekiko lankidetzaz batera sortzeak, proiektuon garapena sendotu eta indartzeko aukera emango digu". Bide beretik, Repsoleko presidente Antonio Brufau: "Repsolen zirkularitatea ikuspegi bikoitzetik ulertzen dugu, alegia, hondakinak eraginkortasunez erabiltzeko kanal gisa eta deskarbonizazioaren konponbide gisa".
EHUrekin elkarlanean, besteak beste, energia trantsizioarekin eta jasangarritasunarekin loturiko Master Amaierako Lanak saritzen ditu Repsolek.
Horrez gain, EHUrekin ez ezik, iazko udan Eusko Jaurlaritzarekin ere sinatu zuen Repsolek "trantsizio energetiko inklusiboa" sustatzeko lankidetza hitzarmena.
Gehien kutsatzen duena, Repsol
Jasangarritasunaren Espainiako Behatokiak emandako datuen arabera (2022 amaiera), Repsolek jarraitzen du izaten gehien kutsatzen duen enpresa –urtean 10 milioi tona CO2 isuri adina kutsatzen du–. Haren atzetik daude, hurrenez hurren, Endesa (9 milioi tona), EDP energia enpresa (8 milioi tona), ArcelorMittal (5,6 milioi tona), Naturgy (4,8 milioi tona), Cepsa (4,8 milioi tona), FCC (3,4 milioi tona), Cemex (2,4 milioi tona) eta Iberdrola (2,4 milioi tona).
Ikerketa batek ondorioztatu du adituek uste baino AMOC korrontearen kolapsoa egoteko aukera handiagoak daudela. Korrontean aldaketa handiek eta azkenengo kolapso batek euri tropikaletan eraldaketa handiak eragingo lituzke, Europan negu oso hotzak eta uda lehorrak izango... [+]
Naturklima fundazioak kaleratutako Itsasoko eta kostako txostena-k argitara eman ditu klima aldaketa euskal kostaldean izaten ari den ondorioak: Bizkaiko Golkoko uren tenperatuta 0,22 gradu igo da hamarkada bakoitzean, 1981tik 2023ra, munduko uren tenperaturen batez besteko... [+]
Gaztetape (Getaria) eta Muriola (Barrika) hondartzak 2050. urterako desager daitezke Greenpeaceren txostenaren arabera. Itzurun (Zumaia), Karraspio (Mendexa), Isuntza (Lekeitio) eta Azkorri (Getxo) hondartzek hedaduraren erdia gal dezakete.
Azken asteko sapa lehergarri egunetan gure zereginen egitarauak aldatu beharrean aurkitu gara. Freskura erlatibo batek seietan atera gaitu ohetik, gosaldu eta lan gehienak bederatzietarako plegatu ditugu eta hamarretan jalgi gara oinezko ibilaldia egitera. Eta ez ginen bakarrak... [+]
Prekaritate global hirukoitza pairatzen dute Pakistanen, klimak, energia gabeziak eta finantza publiko arazoak elkarrekin eragindakoak, bakoitzak bertze bien kalteak areagotzen dituela. Halere, arazoaz jabetu dira bertako agintariak eta bideratu dituzte aldaketak, nahiz eta... [+]
2003ko udarekin batera, 1970etik beroena izan da aurtengoa. Europar Batasuneko "Copernicus" behategiak larrialdi klimatikoa dela-eta bero boladak "maizago" egongo direla dio, eta aurtengo ekainean bere ondorioak izan ditu: ehunka pertsona hil dira Europan.
Bero boladak ohikoagoak eta luzeagoak dira, azken bi mendeetan 20 zentimetrotan igo da itsas maila eta EAEko bataz besteko tenperatura 0,3 ºC igo da hamarkada bakoitzean.
Lurreko bi heren baino gehiago ura da; ur horretatik %96, ozeanoetako ur gazia. Eguzki izpiak ozeanoetako lehen 200 metroko sakonerara heltzen dira, eta bertan bizi dira munduko arrantza industriak ustiatzen dituen espezie ia guztiak. Aitzitik, zientziak gehiago erreparatu izan... [+]
Ehun konpainia multinazional baino ez daude baliabide naturalen erauzketarekin lotutako gatazka guztien % 20aren atzean, Bartzelonako Unibertsitate Autonomoak egin duen ikerketa baten arabera. Ikerketak agerian utzi du iparralde globaleko herrialdeetako konpainiak baliabideez... [+]
Berria izateari utzi dio: beroketa globalak bi graduak gaindituko ditu, eta gainditze horrek ondorio oso garestiak ditu. Klimaren gaia tabu bilakatzen ari den testuinguru berri honetan, banketxe handiek ez dute horri buruz komunikatzen, baina arazoaz ongi jabetu dira eta... [+]
Klima-aldaketari buruzko BC3 ikerketa-zentroak baieztatu duenez, Europako hiriak atzera geratzen ari dira klima-aldaketari egokitzeko neurrietan. Hain zuzen, nazioarteko beste zentro batzuekin batera egindako ikerketan frogatu dute egokitzapen klimatikoko planen ia % 70k ez... [+]
Apirilaren 28ko gauean Bartzelonako Badal Ramblako terrazak gainezka zeuden; hoztu gabeko garagardoak zerbitzatzen ziren, baina jendeak zoriontsu zirudien. “Munduaren amaierak iritsi behar badu, pozik harrapa gaitzala”, esaten zidan auzokide batek. Hamar ordu baino... [+]
Antonio Turiel fisikari eta CSICeko ikerlariak aspaldiko urteetan ez bezala bete zuen Hernaniko Florida auzoko San Jose Langilearen eliza asteazkenean. Zientoka lagun elkartu ziren Urumeako Mendiak Bizirik taldeak antolatuta Trantsizio energetikoaren mugak izeneko bere hitzaldia... [+]