Rafa Diezi ongi etorri jendetsua egin diote Lasarte-Orian
Jendetza bildu da Lasarte-Oriako Okendo plazan Rafa Diez preso politiko ohiari harrera egiteko. Ostegunean goizean goiz aske utzi dute El Duesoko kartzelatik (Santoña, Espainiako Estatua) eta Muskizen lehen ekitaldia egin ostean 19:30ean iritsi da jaioterrira.
Ikurrinak, Presoen aldeko eta LABen banderak dituzten ehunka herritarrek pasabide egin diote Diezi iritsi denean. Bere argazkiarekin egindako eszenatokira igo dira Diez eta bere gertuko senideak. Alaia Martin bertsolariak parte hartu du eta ondoren herriko hainbat dantzarik ohorezko agurra dantzatu diote preso ohiari.
Diezek Muskizen egindako hitzartzearen ildo bera jarraitu du: euskal preso politikoak agurtu eta maitasuna bidali die haiei eta senideei. Imanol Vicente kidea eta hil berri den Kepa del Hoyori egin die aipamen berezia. Presoen auzia Espainiako Estatuak blokeatuta duela salatu du eta horri aurre egiteko prozesu soberanistan urratsak eman behar direla aldarrikatu.
Autonomismotik burujabetzara egin beharreko bidean “anbizio falta” sumatu arren “herri honetan indarra soberan” dagoela azpimarratu nahi izan du, bai Muskizen eta baita Lasarten ere.
Ekitaldiaren ostean Xirimiri elkartera joan dira bertan gerturatutakoak eta presoaren argazkia kendu dute. Diezen senideek hartu dute hitza eta beraiei emandako babes guztia eskertu dute, eta gainontzeko presoen senideak babestu eta zaintzeko deia egin dute.
Heldu da rafa Diez jendez josita dagoen Lasarteko Okendo plazara#RafaOngiEtorri #Kalera #FreeThemAll pic.twitter.com/8au3ahraJd
— Sortu (@sortuEH) 2017(e)ko abuztuak 17
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
Jaione Karrera euskal presoen abokatuak azaldu duenez, Xabier Sagardoi Barañaingo presoari hirugarren gradua eman diote eta Iruñeko espetxean da. Sagardoi apirilaren 6an libre geratuko da, 2013tik preso egon ondoren.
Etxerateko bozeramaileek 2019ko martxoaren 1ean egindako adierazpena entzun berri dugu, eta badakigu hori ez dela Etxerateko kiderik gehienen sentimendua.
Argi Iturralde eta Iñaki Balerdi lasarteoriatarrak auto istripuan hil zirenetik hamasei urte bete dira ostegunean. Semea eta anaia bisitatzeko asmoz Almeriako espetxera bidean zihoazela zendu ziren. Istripu berean Joxe Balerdi ere larri zauritu zen, bizi osorako ondorioak utzita. Txintxarrik eman du ekitaldiaren berri.
Duela bi urte Sara Majarenasen alaba Izar hiltzen saiatu zen gizona libre da otsailaren 15etik. Asteazken honetako bistan, Majarenasen eta alabaren defentsak eskatu du epaiketara arte gizona kartzelan mantentzeko, jakinik gainera erasotzaileak aitortu egin duela erasoa eta zigortu egingo dutela. Epaileak ordea ebatzi du aske segi dezakeela eta protesta-elkarretaratzea deitu du Donostian Sara Izarrekin plataformak, ostegun arratsalderako.
Sare Herritarrak adierazi duenez, orain arte presoek egindako gradu-aldaketa eskaeretatik soilik hiru onartu dituzte, eta atzera bota dituzte beste 69, gehienei, 43ri ez diete erantzuna eman oraindik.
Baldintzapean libre da otsailaren 15etik duela bi urte Sara Majarenasen alaba Izar hiltzen saiatu zen gizona: Stytianos Messinezis. Berriak eta Naizek jakinarazi dutenez, Picassent-eko (Herrialde Katalanak) instrukzio epaitegian asteazkenean berriz bista bat izango dute erabakitzeko akusatuak libre jarraituko duen ala bere aurkako prozesua amaitu arte espetxean izango den.
Igandean atera da espetxetik Julen Ibarrola gaztea, errotulkiarekin pintaketa egiteagatik urtebeteko zigorra bete ostean. Eguerdian egin diote ongi etorri ekitaldia Amurrion.
Latza da Oier, Euskal Preso Politikoa, joana izatea gure helburu nagusiak lortu gabe. Beste behin ere. Latza da berak emandakoa putre batzuek euren interesetara egin dutela ikusi ahal izatea. Beste behin ere. Latza da hainbeste gudari bidean eroriak Euskal Herriaren askatasun integrala oraindik ere eskuratu gabe.
David Pla eta Iratxe Sorzabal epaituko dituzte Parisen otsailaren 4an eta 5ean. 2015eko irailean atxilotu zituen Frantziako Poliziak Baigorrin.
Otsailaren 22an hasiko da Durangon 40 Minutu Rock jaialdia eta 23an bukatuko da. Landako gunean "kontzertu maratoia" egingo dute eta berariaz prestaturiko ikuskizuna ere izango da.
