PSOEk lan erreformaren indargabetzeari emandako babesa erretiratu du, bozketa errepikatzeko eskatu ostean

  • 2012ko lan erreforma indargabetzea eskatuz EH Bilduk zuzenketa aurkeztu zuen asteazkenean Espainiako Kongresuan. Berau onartu eta ordubetera, PSOEk bozketa errepikatzea eskatu eta emandako babesa erretiratu zuen.


2020ko uztailaren 02an - 10:16
Berraktibatze Ekonomikorako taldea (Argazkia: congreso.es)

Asteazken gauez, EH Bilduk 2012ko lan erreforma indargabetzeko zuzenketa aurkeztu zuen Espainiako Kongresuan. Alderdiak proposatzen zuen 2012ko lan erreforma hori “langileen eskubideekin justuagoa eta garantista” litzatekeen legedia berri batengatik ordezkatzea. Bozketa bidez, COVID-19aren harira Espainiako Kongresuan eratutako Berreraikitze Komisioko Berraktibatze Ekonomikorako taldeak onartu egin zuen zuzenketa; Unidas Podemosek eta PSOEk berretsi egin zuen maiatzean lan erreforma indargabetzeko hartutako akordioa, osasun krisiaren ostean berregituratze ekonomiko eta soziala xede.

Bozketa egin eta ordubetera, baina, PSOEk beren diputatu eta komisioko koordinatzaile María Luz Martínez-Seijori bozketa errepikatzeko eskakizuna egin zion, lehenik Pedro Casares bozeramailearen bidez eta ostean Rafael Simancas idazkari nagusiaren bitartez. Azken honek adierazi zuenez, taldeen artean adostu zuten gehiengoa ordezkatzen duten taldeek proposatuz gero, eztabaidatu eta bozkatutako gai baten bozketa berrikusi ahal dela. Bozkaketa berriz gauzatzea lortu ostean, alderdiak aurretiaz lan erreforma indargabetzeari emandako babesa erretiratu egin zuen, PP, Ciudadanos eta Junts-ekin batera posizionatuz. EAJ abstenitu egin zen.


Kanal honetatik interesatuko zaizu: Espainiako lan erreforma
Finantza kontua edo justizia soziala?

Finantzen Euskal Kontseiluak pasa den urteko diru bilketaren berri eman du. 2020an baino gehiago bildu da, eta balorazio ezin baikorragoa da. Datorren urtean politika publikoak egiteko diru gehiago izango dute instituzioek. Ez dute gezurrik esan. Baina egin daiteke bestelako... [+]


Espainiako lan erreforma
2012 eta 2022: aurkitu zazpi diferentziak

Espainiako 2012ko lan erreforma derogatzeko baino, lege hori “berresteko” bozketa egin dute Espainiako Kongresuan –besteak beste Ciudadanosen aldeko botoekin–, hori salatu dute behintzat euskal sindikatu eta eragile ugarik. Izan ere, duela hamar urte... [+]


Analisia
Arrakala handitzen

Nafarroan hazi omen da gehien soldata handien eta txikien arteko aldea. KPIaren hazkundea azken hamarkadetako handiena izan da 2021ean, eta hitzarmen duinak dituzten langileek ez dute eros ahalmenik galduko, baina gehienentzat ez da horrela izango. Arrakalak gora egingo du... [+]


Shakespeare forala

Ba joan den osteguneko lan-erreforma yolandikoaren botazioak harrapatu ninduen Shakespeareren Hamlet irakurtzen –ez galdu Juan Garzia Garmendiak egindako itzulpena, beste galaxia batera darama irakurketaren plazera–; eta Madrilgo diputatuak, saiatu behintzat, saiatu... [+]


Eguneraketa berriak daude