Procésa epaitzearen aurkako Madrilgo manifestaziora joateko autobusak antolatu dituzte
ANC Asanblea Nazional Katalanak antolatuta, manifestazioa egingo dute martxoaren 16an Madrilen, Procésaren kontrako epaiketa salatzeko. Euskal Herritik ere autobusak antolatu dituzte, Zutabe Antifaxista lelopean. Bilbon, Iruñean eta Gasteizen eman daiteke izena.
Amnistia, autodeterminazioa eta antifaxismoa aldarri, Madrilgo manifestazioa jendetsua izatea denon mesedetan izango dela dio Zutabe Antifaxistak: “Estatu espainolak zapaldutako herri eta langile guztion interesen aldeko ekintza historiko bezala ulertu behar dela uste dugu guk. Izan ere, elkartasun internazionalista ‘huts’etik harago doan betebeharra da honakoa, 1939an hiru urteko Herri Erresistentzia Antifaxistaren ondotik boterean ezarritakoen erregimenaren jarraikortasuna zein, honen ondorioz, estatutaren faxismoak zapaldutakoon arteko elkartasun eta batasun premia langileriaren eta herri sektore aurrerazale guztien bistara dagoelako”.
“Espainolismoa da estatu honetan legala eta onartua den faxismoaren forma nagusietakoa”, diote, eta beraz, “baieztatu dezakegu gaur egun hemen, kapitalismoaren eta espainolismoaren aurkako herri borroka antifaxistak eskutik doazela”.
Izena non eman
Bilboko Antepara tabernan (Barrenkalen), Iruñeko Ezpala tabernan (Iturraman) eta Gasteizko Mi tabernan (Tenerias kalean) eman daiteke izena, autobusa hartzeko.
Proces auziarekin lotutako Kataluniako kontseilari ohiari desobedientzia delituagatik auzipetzeko erabakia jakinarazi behar zion epaileak. Ponsatik argudiatu du astelehenean ezin izan dela agertu, Europako Parlamentuan lana daukalako.
Carla Simóm zuzendariaren Alcarràs filma arrakasta izaten ari da, eta asteartean jakinarazi zen Oscar sarietarako hautagaia dela. Berria ezagutu eta gutxira, filmari izena ematen dion Kataluniako herriari buruzko Wikipedia orrian Urriaren 1ari buruzko... [+]
Oriol Junqueras, Raül Romeva, Josep Rull eta Jordi Turull politikarien kargugabetzeak Eskubide Zibil eta Politikoen Nazioarteko Ituna urratu zuela ondorioztatu du NBEk.
Gorenaren hirugarren aretoak iritzia aldatu du eta indultuari jarritako helegiteak aztertzea erabaki du orain. PSCk “espero du” indultatuak espetxera ez bueltatzea, eta Carme Forcadellek adierazi du “edozer gauza” espero duela Gorenetik.