Uxue Barkosek esan du poliziaren indarkeria "erabat neurrigabekoa" izan dela


2017ko urriaren 02an - 11:07

Uxue Barkos Nafarroako Gobernuko presidenteak adierazi du Kataluniako egoera bere onera ekartzeko "ezinbestekoa" dela elkarrizketari heltzea. Poliziaren indarkeria "erabat neurrigabekoa" izan dela gaineratu du.

Elkarrekin Podemos taldeak proposamena aurkeztu du Eusko Legebiltzarrean. Agirian adierazpen instituzional bat onartzeko eskatzen du alderdi moreak: urriaren 1ean Katalunian erabilitako "neurrigabeko eta legez kontrako indarkeria" salatzeko eta Espainiako Gobernuak Kataluniako auziaren aurrean izan duen kudeaketa gaitzesteko.

Alfonso Alonso EAEko PPko buruak txalotu egin du Iñigo Urkullu lehendakariak elkarrizketaren bidea irekita mantentzeko erabakia berretsi izana. Azaldu du, EAeren kasuan, lehentasunezkoa dela EAJ eta PPren arteko akordioek emandako "egonkortasuna" mantentzea.

Iñigo Urkullu EAEko lehendakariak adierazi duenez, "inor ez dela garaile atera". Poliziaren jarduna "guztiz neurrigabea" izan zela esan du, eta Mariano Rajoyri eskatu dio Kataluniako gatazka "irteerarik gabeko bidetik elkarrizketa-mahaira" eramateko.

EH Bilduko senatari Jon Iñarrituren hitzetan, igandean Katalunian bizitakoa errealitate dosia da euskal politikagintzarentzat. "Elkarrizketa bideak eta aldebikoak parez-pare ixten dira soilik indarkeria baliatuta erantzuten jakin duen estatuaren aurrean; ez da onargarria", esan du.

Idoia Mendia PSE-EEko idazkari nagusiak adierazi du Katalunian gertatutakoak "politikaren porrota" islatzen duela. Azaldu du sozialistak prest daudela "desberdinarekin akordioetara heldu eta arerioarekin itunak sinatzeko", ez Rojoyk ezta Generalitateak ere egitea lortu ez dutena. "Sozialistok ez dugu banderarik baliatuko lotsak ezkutatzeko, eta ez dugu norbareren herrian herritar izateko eskubidea ukatzen duen hautestontzirik asmatuko".


Kanal honetatik interesatuko zaizu: Kataluniako erreferenduma
Ponsati ez da agertu Auzitegi Gorenean zeukan hitzordura

Proces auziarekin lotutako Kataluniako kontseilari ohiari desobedientzia delituagatik auzipetzeko erabakia jakinarazi behar zion epaileak. Ponsatik argudiatu du astelehenean ezin izan dela agertu, Europako Parlamentuan lana daukalako.


2022-09-14 | ARGIA
Espainiako Defentsa Ministerioa harrapatu dute Kataluniako erreferendumaren Wikipediako erreferentzia bat moldatzen

Carla Simóm zuzendariaren Alcarràs filma arrakasta izaten ari da, eta asteartean jakinarazi zen Oscar sarietarako hautagaia dela. Berria ezagutu eta gutxira, filmari izena ematen dion Kataluniako herriari buruzko Wikipedia orrian Urriaren 1ari buruzko... [+]


2022-08-31 | ARGIA
Kataluniako buruzagi independentisten eskubideak urratu zituen Espainiako Estatuak, NBEren arabera

Oriol Junqueras, Raül Romeva, Josep Rull eta Jordi Turull politikarien kargugabetzeak Eskubide Zibil eta Politikoen Nazioarteko Ituna urratu zuela ondorioztatu du NBEk.


2022-05-25 | ARGIA
Kataluniako presoen indultuak berrikusiko ditu Espainiako Epaitegi Gorenak

Gorenaren hirugarren aretoak iritzia aldatu du eta indultuari jarritako helegiteak aztertzea erabaki du orain. PSCk “espero du” indultatuak espetxera ez bueltatzea, eta Carme Forcadellek adierazi du “edozer gauza” espero duela Gorenetik.


Eguneraketa berriak daude