Presoen sakabanatze politika: lehenengo aldiz Giza Eskubideen Europako Auzitegian

  • Amaia Izko abokatuaren esanetan, ehunka kasu aurkeztuko dituzte Estrasburgoko epaitegian, sakabanaketak familia-bizitza eskubidea urratzen duela argudiatuz.


2017ko urtarrilaren 10an - 09:58
Sakabanatze politikaren aurkako protesta Bilbon (Arg: Etxerat)

Josetxo Arizkuren preso iruindarraren kasua da Estrasburgoko Giza Eskubideen Epaitegian aurkeztu duten lehenengoa. Sevilla, Cádiz eta Pontevedrako kartzeletatik igaro ondoren, Murtziako espetxean dago egun preso, Iruñetik 750 kilometrora. Kardiopatia iskemiko larria du, eta salatu izan duenez, ez du osasun arreta egokirik jasotzen.

Familia-bizitza eskubidea izan da, ordea, Arizkurenen defentsak Estrasburgora eraman duen argudio nagusia. Izan ere, sakabanatze politika “legez kanpokoa” dela adierazi du Amaia Izko abokatuak, eta familiarekin harremanak izateko “zailtasun handiak” dakartzala.

Espainiako Konstituzio Auzitegiak Arizkurenen kasua aztertzeko eskera ukatu zuen ekainean, eta Espainiako Estatuko auzitegietako ibilbidea agortuta, Giza Eskubideen Europako Auzitegira eraman dute lehenengo aldiz sakabanatze politikaren gaia. Euskal Preso Politikoen Kolektiboak (EPPK) iragarri duenez, beste ehunka eskaera egingo dituzte, presoak Euskal Herriratzea aldarrikatuz. Gaitz larriak dituztenen eta 70 urtetik gorakoen kasuak izango dira aurkeztuko dituzten lehenengoak.


Kanal honetatik interesatuko zaizu: Sakabanaketa
2023-12-07 | Ahotsa.info
Karmele Solaguren sakabanaketa politikaren biktima gogoratu dute Barañainen

Bere heriotzaren 19. urteurrenean, Karmele Solaguren gogoratu dute bere omenez herrian jarritako monolitoaren aurrean. Solaguren kotxe istripu batean hil zen, bere semea Ekain Gerra Madrilgo espetxe batera bisitatzera egindako bidai batean. Solaguren bezalako biktimen aitortza... [+]


Sara Fernandez preso politikoen senidea biktima gisa aitortzea eskatu dute

“Sara gogoan” plataformak preso politikoen senidea motibazio politikoko “biktima gisa” ofizialki aitortzeko beharrezkoak diren mekanismoak antolatzeko eskatu die Nafarroako erakunde nagusiei. Hura omentzeko memoria ekitaldia egingo dute azaroaren 28an.


2023-07-28 | Ilargi Manzanares
Hondartzetara eramango dute presoen eskubideen aldeko aldarria abuztuaren 6an

Bizkaia, Gipuzkoa eta Lapurdiko hamabost hondartzetan antolatu ditu mobilizazioak Etxeratek, Etxera lelopean.


Pili eta Fontsoren aitortza beharra aldarrikatu dute Laudion

Elkarretaratzea egin dute larunbata eguerdian Laudioko Herriko plazan, Pili Arsuaga eta Fontso Isasiren heriotzaren 33. urteurrena dela eta. Bi bizilagunak 1990ko uztailaren 1ean zendu ziren, Maribi Ramila euskal preso politikoa bisitatzera zihoazela izandako trafiko istripuan... [+]


2023-04-30 | Mati Iturralde
Hogeita hamalau urte igaro eta gero

Pasa den martxoaren 25ean ofizialki bukatu zen euskal presoen sakabanatzea. El Paíseko lerroburuaren arabera, "34 urte igaro eta gero, Espainiako Barne Ministerioak amaiera eman dio ETAko presoen sakabanatzeari". Euskal Herriko komunikabideek ere dataren berri... [+]


Eguneraketa berriak daude