Presoen alorrean urratsak emateko eskatu diote ezker abertzaleari Langraitz bideko bi kidek


2013ko uztailaren 08an - 00:00
Azken eguneraketa: 2015-02-26 13:37:33
Urrusolok eta Caridek diote Aske Gunean atxilotuek kartzela baimenak hartu ahalko lituzketela.

Testuan, Urrusolok eta Caridek adierazi dute Donostiako Aske Gunean atxilotu zituzten gazteek bost eta sei urteko kartzela zigorrak beteko dituztela, baina bi baino gehiago dagoeneko bete dituztenez, baimenekin ateratzen hasi ahalko liratekeela. Euren ustez, momentuz ez dute halakorik planteatuko presoen kolektiboak aukera hori blokeatzen duelako.

Iheslariak ere aipatu dituzte artikuluan eta galdetu dute ea zergatik ez diren Euskal Herrira itzuli horretarako legezko arazorik ez daukatenak.

Urrusolok eta Caridek adierazi dute ezker abertzaleko buruzagiak “makurtzen” ari direla “borroka armatuarekin tematu zen sektorearen planteamenduekin”. Euren iritziz, sektore horren jarrera eragozpena da preso eta iheslari asko etxera itzultzeko.


Kanal honetatik interesatuko zaizu: Langraitz bidea
2021-06-30 | Mikel Asurmendi
Antton Hariñordoki
"Preso kritikoen ahotsa entzun behar da eztabaida sustatzeko"
Baigorri, 1970. Banka herrikoa da. Historia eta euskal filologia ikasia. AEKn eta Seaskan aritu zen irakasle. Uztaritzeko Ikas-en –dokumentazio zentro pedagogikoa– ari da lanean orain. Demoak (Demokrazia Euskal Herriarentzat) taldeko bozeramailea da. Demoek sustatzen... [+]

2019-10-04 | ARGIA
‘Langraitz 2’ bidea martxan jartzeaz hitz egin du Jesus Loza Espainiako Gobernuaren ordezkariak; gero atzera egin du

Espainiako Gobernuaren EAEko ordezkari Jesús Lozak "Langraiz 2" posible bati buruzko adierazpenak egin ditu Ser irrati katean. Ondoren, adierazpen horiek “bere iritzia” direla esan du ñabardura gisa, eta ez dela “Langraiz 2”... [+]


2016-07-06 | Mikel Asurmendi
Joseba Urrusolo Sistiaga Preso politiko ohia
“Gure borrokaren erradikaltasuna oso artifiziala izan da”

Pasaia 1957. Herria utzi zuenetik 35 urte iragan dira. 16 urte eman zituen klandestinitatean eta 19 espetxean: “Preso izan denarentzat ahalegin itzela da hedabideen aurrean jartzea, niri ez dit plazerik ematen”, esan digu ETAko kide ohi honek. Preso direnekiko... [+]


Carmen Gisasola aske utzi du Espainiako Auzitegi Nazionalak

Carmen Gisasola aske geratu da astelehenean, kartzelan 24 urte eman ondoren. 1990. urtean atxilotu zuten Gaskoiniako Landetan (Okzitania) eta azken urteetan Zaballako (Araba) kartzelan zegoen preso. Langraitz bideari helduta, hirugarren graduan zegoen Gisasola.


50 euskal preso inguru aske geratu daitezke Frantziako espetxealdia kontuan hartuta

Espainiako Auzitegi Nazionala 50 preso ingururen kaleratzea aztertzen ari da Frantzian igarotako espetxealdia aintzat hartuta, Noticias taldeko egunkariek argitaratu dutenez. Langraiz bideko Josu Garcia Corporales presoa izan daiteke aldaketak eragindako lehena; tramite... [+]


Eguneraketa berriak daude