Preso politikoak: bi Euskal Herriratze, bi hurbilketa eta hirugarren gradu bat
Espainiako Kartzela Erakundeak ostiral honetan jakinarazi duenez. Bi preso Madrildik beherako espetxeetatik Madril ingurukoetara. Madrildik gora zeuden beste bi Euskal Herriratu dituzte. Beste bati hirugarren gradua eman diote.
Iñaki Bilbao Zueratik (Zaragoza) Basauriko espetxera ekarriko dute eta eta Mikel Arrieta Soriatik Donostiako Martuteneko espetxera. Hurbilduko dituztenak Granadako espetxetik aterako dituzte, Imanol Miner Dueñasera (Palencia) eta Unai Bilbao Darocara (Zaragoza). Horrela, hurbilketa hauek egiten direnean Granadan ere ez da euskal preso politikorik geratuko
Hirugarren graduan jarri dutena Luis Mari Carrasco da, Zaballako Espetxean dago eta Langraitz bidea-n zegoen. Langraitz bidea 2008tik aurrera jarritako bidea da, Espainiako Gobernuak hainbat presori eskainitako bidea eta ekimen horren ondorioz dozenaka preso atera dira kalera. EPPK presoen kolektiboak bide hori ukatu izan du eta hari atxikitutako presoak EPPKtik kanpo utzi ohi dituzte. Larrun-ek 2011n egindako elkarrizketa honetan, ekimen honetako zenbait presok espetxean bizi zuten egoeraz eta Euskal Herriko egoera politikoari buruz jardun zuten.
Etxeratek astean zehar jakinarazi duenez, halaber, Irantzu Gallastegi berangotarra eta Xabier Garcia galdakoztarra Huelvatik Estremerara (Madril) eraman zituzten. Hauek lehentik iragarritako lekualdatzeak dira.
Espainiako Auzitegi Nazionaleko Manuel Carcía Castellón epaileak sei pertsona epaituko ditu Ongietorrien auzian: Antton López Ruiz Kubati, Kai Saez de Egilaz, Pipe San Epifanio, Haimar Altuna, Oihana Garmendia eta Oihana San Vicente. Guztiak Sortuko kideak... [+]
Astelehenean jakinarazi du albistea Etxerat elkarteak. Otxandioko preso politikoa baldintzapeko askatasunean zegoen 2023ko martxoaz geroztik.
Kontzertuen bidez euskal preso eta iheslariak laguntzea da xedea. Aurten, Rakatapunk, Xutik eta Esne Beltza dira egitarauan.