Preso bat agertu da hilda Zaballako espetxean, abenduaren 25ean

  • 2020an Arabako espetxean hil den seigarren presoa da F.A, 50 urte ingurukoa. Salhaketak adierazi duenez, "5.moduluan egonda,  Zaballako makro-kartzelaren barruan arreta mediko faltagatik, arduragabekeriagatik, hiper medikalizazioagatik eta gainerako ankerkeriengatik hildakoen zerrenda makabroko azken presoa da. Bere gorpua abenduak 25eko goizean agertu zen". Salhaketak urtarrilak 12an elkarretaratzea deitu du.


2021eko urtarrilaren 05an - 13:24

Espetxeak berak eta espetxe erakundeek ez dute "inolako" argibiderik eman, Salhaketak nabarmendu duenez. Arduradunek "erantzun aktiborik" ez ematea "argi eta garbi, zigorgabetasun-estrategiaren parte da" salatu du. Gogoratu du kartzela kanpoan salatzeko baldintzak "gero eta mugatuagoak eta kriminalizatuagoak" direla, "salaketa- eta borroka-tresna guztiak debekatzen dituen alarma-egoera dela eta". Gehitu du pandemiak asko zaildu duela barruti-kanporako komunikazioa, "hortaz, nekeza egiten zaigu abusuak publiko egitea".

Pandemia kartzela barrutik

Salhaketak oroitarazi du pandemia garaian zein den presoen eta familien egoera: "Hilabete asko dira presoak kanpoan gertatzen direnetik erabat isolatuta daudela; ez dute inolako harreman zuzenik senideekin ezta babes ingurunearekin ere. (...) Inkomunikazio krudel honen aurrean antolatzen ari diren familiak egoera oso latzean daude". Hauek "eskubide minimoak" eskatzen dituztela aldarrikatu du, "barrukoekin gutxieneko kontaktua izateko; izan ere, heriotzek, beste behin ere, erabateko deskonexio horren ondorioak direla baieztatzen dute".

Zigor Olabarriak erreportaje honetan bildu ditu euskal presoek gutunez azaldu dituzten pandemiako bizipenak.

Salhaketak galderak hauek zuzendu dizkiete arduradunei: "zer egiteko asmoa dute Zaballako espetxeko arduradunek? Presazko prebentzio-neurriak hartuko dira gertaera oso larri horiek ez errepikatzeko, kasu guztietan aurreikus daitezkeenak eta saihestu daitezkeenak, ala presoek eskatutako harrera-pisuen eta arreta psikologiko eta sanitarioaren baliabideak ez inplementatzearen eta pasibotasunaren alde egiten jarraituko dute? Zer motatako profesionalen eskuetan daude espetxeratuak?".

Astebete barrurako deitu du elkarretaratzea: urtarrilak 12, 12:00etan Andra Maria Zuriaren plazan.

Irakurri "Zaballako Olentzerok (beste) hildako bat opari" artikulua.

 


Kanal honetatik interesatuko zaizu: Kartzela
Garaipen gazi-gozoak

Gure kuadrillan, gazteagotan, askotan komentatzen genuen galtzera ohituta geundela. Hamaika gatazka txiki zein handitan murgilduta ibili ginen, ia beti arrazoiz jantzita eta irudimen handiz, baina gehienetan galdu. Pentsa! Guggenheimen aurkako plataforman aritu ginen Guk geuk... [+]


"Kartzelak gaixotzen du eta kartzelak hiltzen du"

Espetxeetako osasun zerbitzuaren gabeziez mintzatu da Libertad Francés Lecumberri, Salhaketa Nafarroa elkarteko koordinatzailea: “Osasun arloko langileak espetxeko logikekin eta irizpideekin kutsatzen direnean, zenbait eskubideren bermatzaile izan beharrean,... [+]


Datorren urtean hustuko dute Martuteneko kartzela

Donostiako alkate Eneko Goiak azaldu duenez, datorren urtean hustuko dute Martuteneko espetxea, eta Txomiñeneako proiektuaren bigarren fasea martxan jarriko du udalak. Honela aurreratu du Goiak, Tokiko Gobernu Batzordearen ostean egindako prentsaurrekoan, datorren... [+]


Frantziako kartzeletako gainpopulazioa bukatzeko neurriak eskatu ditu Kartzelen Ikuskari Orokorrak

Abuztuaren 1ean 74.237 preso ziren 60.000 lekurentzat, 179 presondegitan banaturik. Baionako kartzelak, demagun, 75 leku ditu eta 135 preso daude gaur egun bertan. Gainpopulazio horren ondorioak zerrendatzen ditu bere oharrean CGLPL Frantziako Kartzelen Ikuskari Orokorrak:... [+]


Presoen suizidioa: zer gertatzen da kartzela barruan?

Preso dauden pertsonen artean portaera suizida areagotu egiten da, faktore psikologiko eta soziodemografikoengatik. Hego Euskal Herrian, 2023an, bi presok egin zuten beren buruaz beste astebetean. Orain gutxi, Eusko Jaurlaritzak “laguntzarako presoen” irudia... [+]


Eguneraketa berriak daude