Premia bereziko ikasleen kopurua %60 handitu da hamarkada batean EAEn
EAEko hezkuntza sistemaren diagnostikoa aurkeztu du Jokin Bildarratz sailburuak eta datu esanguratsu bat eman du: 2012an hezkuntza premia bereziekin diagnostikatutako 14.200 ikasle izatetik 2021 urtean 23.800 ikasle izatera igaro dira. Pedagogia Terapeutikoko (PT) irakasle gehiago jarriko dituztela iragarri du.
Zehazki, bederatzi urtetan %59,6 handitu da behar bereziak dituzten ikasleen kopurua EAEko ikastetxeetan, eta hori antzematean eta diagnostikoan egin den aurrerapenari egotzi dio Hezkuntza sailburuak. Gainera, antzemate programak adinean gero eta lehenago egiten direla gehitu du sailburuordeak. Hurrengo ikasturtean 65 PT irakasle gehiago arituko direla iragarri du Bildarratzek.
Sailburuak Eusko Legebiltzarreko Hezkuntza batzordean aurkeztu duen txostenaren beste puntu beroa ebaluazio diagnostikoen emaitzak izan dira. 2021-2022 ikasturtean Lehen Hezkuntzako 6. mailako eta Derrigorrezko Bigarren Hezkuntzako 4. mailako ikasleek egindako ebaluazioen emaitzak dira, eta 2018koekin alderatu ditu Eusko Jaurlaritzak –aurrez 2018koa baino ez da egin–. Hizkuntzen arloan, LH bukaeran euskarazko gaitasunak “egonkor” jarraitzen du eta apur bat hobetu da ingelesean; DBH amaieran zerbait hobea da euskarazko gaitasuna eta 2018ko emaitzen antzerakoak dira gaztelania eta ingelesean.
HH, LH eta DBHn %90etik gorakoa da D ereduan ikasten duten ikasleen kopurua eskola publikoan. Itunpeko zentroetan D eredua gero eta gehiago zabaltzen ari dela, baina igoera mantsoagoa dela adierazi du Bildarratzek.
Gainerako gaitasunetan, atzerakada arina izan dute LH bukaerako ikasleek, batez ere gaitasun zientifikoetan, eta DBHn atzerakada txiki bat sumatu dute matematikan. Gaitasun zientifikoak ezin izan dizkiete neurtu, akats bat medio.
Neskek mutilek baino emaitza hobeak izan dituzte ikasgai gehienetan, batez ere euskaran eta ingelesean, eta mutilek emaitza hobeak lortzen dituzte matematikan, baina azken azterketetan asko murriztu da aldea.
Eskola-porrota
Eskola goiz uzten duten ikasleen kopurua %4,8koa izan zen 2021ean. Europan %9,7koa eta Espainiako Estatuan %13,3koa dela argitu du sailburuak. Ikasle gehienek hezkuntza ibilbidea goi mailako ikasketetaraino luzatzen dutela nabarmendu du Bildarratzek –16 urterekin ikasleen %98,7k segitzen du eskolan; 17 urterekin, ikasleen %95,5ak–.
Etxeko panorama soziokulturalaren eragina azpimarratu du sailburuak; ikasturtea errepikatu duen ikasleen %67 indize sozio-ekonomiko eta kultural baxua duen ikastetxeren batean dago ikasten.
Bai Lanbide Heziketara bai unibertsitatera salto egiten duten ikasle kopurua hazten ari da. Datorren ikasturtean, %9,1eko igoera izango du Lanbide Heziketako ikasleen kopuruak; EAEko unibertsitate publiko eta pribatuek berriz, 28.000 ikasle gehiago lortu dituzte hamar urtetan.
Txostena aurrerapen moduko bat izan da, EAEko ikastetxeen %22ren emaitzak baino ez dituelako kontuan hartzen. Diru publikoa jasotzen duten ikastetxe guztien emaitzekin txosten osatuagoa iragarri du Jokin Bildarratz Hezkuntza sailburuak, datorren udazkenerako.
Kooperatibismo bat komunitateari begira UEUko topaketek, komunitatea ahaldundu eta lurraldeetako beharrei erantzuteko tresna direla gogorarazi ziguten. Halaxe da, bai, baina ekaina ez da kooperatibetan idealizaziorako garai egokiena, ez behintzat kooperatibetako kudeaketa... [+]
María del Cielo Galindo Puyalek EHUn Master Amaierako Lana aurkeztu du ostegunean, ekainaren 26an. Galindok kitxuaz hitz egin du epaimahaiaren aurrean, Boliviako emakume indigena meatzarien parte-hartze politikoaz. Lana kitxuaz eta gaztelaniaz idatzi du, eta bere anaiak... [+]
Zergatik eskaintzen dira Lanbide Heziketako hainbeste ziklo erdara hutsean EAEn? Zergatik jarraitu behar dituzte ikasketak gaztelaniaz ordura arte D ereduan euskaraz aritu diren ikasle andanak? Lanbide Heziketa euskalduntzeko behingoz plan estrategiko bat gauzatu dezala eskatu... [+]
Errektoretzaren erantzun ezan, ehun bat irakaslek berriz eskainiko diete ikasleei ahozko froga euskaraz pasatzeko aukera. Guraso elkarteek ere bat egin dute ekimenarekin, errektoretzaren inplikazioa eskatuz.
Ikastola 2013an sortu zuten eta ondoko urtean jarri zuten prefabrikatu bat herriko etxearen lursail batean bertatik bideratzeko ikaskuntza. 2022an eraikin sendo bat eraikitzeko proiektua aurkeztu zuten, baina herriko kontseiluak ez zuen horrelakorik onartu. Gatazka gogorra egon... [+]
Ekainaren 23aren eta uztailaren 2aren artean iraganen da ahozko azterketa. Frantsesez pasa beharreko azterketa izanda, Seaskako, sail publikoko eta pribatuko irakasle batzuek publikoki jakitera eman dute euskaraz bideratzeko aukera eskainiko dietela ikasleei.
Gasteizko Umandi ikastola duela 50 urte sortu zuten hainbat familia aski ausartek –herri ekimena, orduan ere–, euskararen transmisioa ardatz hartuta. Mende erdia joan da, ikastola hazi egin da, belaunaldi berriak hezi ditu ez gutxi, komunitate baten erreferente ere... [+]
Lanez lepo harrapatu dugun arren, eskuzabal hartu gaitu Eusko Jaurlaritzako Hezkuntza sailburuak; elkarrizketarako aurrez adostuta genuen denbora luzatzen utzi digu, luze jo baitu solasaldiak. Karguan urtebete egin duelarik, berrikuntzaz aritu gara Begoña Pedrosarekin,... [+]
“Lehenengo mailako ikasleek enpresetan egin dituzten praktikak existitu ez balira bezala jokatzeko eta notak aurreko sistemaren arabera jartzeko eskatu digute”, adierazi dio ARGIAri irakasle talde batek. Hori eta beste hainbat adibide eman dizkigute, azaltzeko modu... [+]
Animalia-etikaz mintzatuko dira EHUko ikastaroetako batean. Leire Morras Aranoak, ikastaroaren zuzendariak, hezkuntzan antiespezismoa lantzeko dauden hutsuneak eta aukerak nabarmendu ditu.
Udako Euskal Unibertsitateak hogei jardunaldi eta topaketa antolatu ditu ekainaren 11tik hasita hilabete batez, hausnarketari bide emateko eta "arnasgune akademikoa" izateko helburuarekin. Inguma datu-base berrituan unibertsitate mailako jakintza alor ugaritako ia 50.000... [+]
Espainiako Lanbide Heziketaren legeak egoera larria ekarri duela iritzita, kezka nagusiekin manifestua idatzi du irakasle talde batek eta jasotako sinadurak aurkeztu dizkio Eusko Jaurlaritzako Lanbide Heziketako Sailburuordetzari. “Joan garen ikastetxe guztietan bat egin... [+]
Eusko Jaurlaritzako Hezkuntza sailburuak iragarri duelarik hainbat ikastetxe eta zonaldetan sukaldeak jarriko dituztela, EHIGE gurasoen federazioak dio gaur egun catering-enpresen esku dauden eskola-jantokietako eredua bera aztertzea eta bestelako kudeaketa bat bultzatzea dela... [+]
Ehunka pertsona joan dira jaialdira, haien artean Begoña Pedrosa Hezkuntza sailburua, 60 milioi euroko inbertsioa iragarri duena Eskola Txikientzat.
EAEko Hezkuntza Sailak egindako “balorazio oso positiboa” ezbaian jarri du Arartekoak ebazpen batean. Bere esanetan, “neurri irmoagoak” hartu ezean, Ordiziako eskoletan dauden zaurgarritasun eta hizkuntza desoreka arazoak konpontzetik “urrun”... [+]