Prekarietatearen eta esplotazioaren kontrako manifestazioa egingo dute ostiralean Bilbon
Bilboko gazte prekarioen Eragin asanbladak deitu du mobilizaziora. Bizitza esplotaturik emateko laburregia dela argudiatuz, kalera irteteko deia egin dute.
Azaroaren 23an, ostiralean, izango da manifestazioa. Bilboko Plaza Biribiletik abiatuko da 21:00etan. Egungo egoera ekonomikoa “ez da krisia, iruzurra da” adierazi du asanbladak, eta “basakeria” honen aurrean borrokarako deia egin.
“Krisia” hasi zenetik lan politiken eta enpresarien aldetik gazteek “etengabeko lotsagabekeria pairatu” dutela adierazi dute. Horren adibidetzat jo dituzte hamar urtetan gazteen soldatak %20,5 murriztu izana, “administrazioak 'enplegua sustatzeko' aitzakiapean enpresariei dirua oparitzen dien bitartean”.
“Iruzurrak” langileei, eta batez ere gazteei, migratzaileei eta emakumeei eragin diela azaldu dute, eta azpimarratu “genero arrakala 1.000€ handitu dela azken urte hauetan Eusko Jaurlaritzen datuen arabera”. Guzti honi ematen ari den higiezinen burbuila gehitu diote, alokairuaren batez bestekoa gazteon soldataren batez bestekoa baino altuagoa dela salatuz.
“Hau ez da dagoena, ezta suertatu behar zaiguna. Eta borrokatzen ez badugu, geratzeko etorriko da”, adierazi dute.
LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]
Marka historikoak hautsi dituzte bi enpresek 2023an: Mercadonak lehen aldiz lortu du 1.000 milioi euroko irabaziak gainditzea.
Sindikatu deitzaileen arabera, ikasturte honetan Araba, Bizkaia eta Gipuzkoako sektore publikoan antolaturiko greben artean jendetsuena izan da asteartekoa, eta batez ere garraio publikoan, hezkuntzan eta udal esparruan izan du eragin handiena. Manifestazioetan 30.000 lagunek... [+]
Astelehen arratsean gertatu da ezbeharra, Arrasaten, hiru metroko sakonerara erorita.