PPren Hauteskunde Legea botereari eusteko presazko trikimailutzat jo du oposizioak
PPren Hauteskunde Lege berriak udal hauteskundeetan botorik gehien lortzen duen indarrak gehiengo osoa izatea du helburu. Oposizioko alderdi guztiak aurka azaldu dira eta "hauteskunde iruzurtzat” jo dute. Diotenez, ezkerreko koalizioei ateak ixteko eta botereari eusteko presazko trikimailua da.
Ekainean eman zuen PPren gobernuak hauteskunde sistema aldatzeko asmoaren berri. Helburua datorren maiatzeko udal hauteskundeetarako indarrean egotea da. Hori betetzen bada, botorik gehien jaso dituen alderdiko zerrendaburua zuzenean izendatuko da alkate.
Oposizioko alderdiek erreforma aurkezteko unea eta modua ere kritikatu dute. Gobernuak irailean Kongresuko taldeekin elkartuko dela iragarri du, baina adostasuna lortzen ez bada ere, aurrera jarraituko dutela diote.
Euskal Herrira baino, Espainiara begira egina
Azken inkestetako eta Europako bozetako emaitzak aintzat hartuta, erreforma Euskal Herrira baino, Espainiara begira egindakoa dela ondorioztatu daiteke, Hodei Iruretagoienak Berria-n argitaratutako analisian dioen moduan.
EAJ eta EH Bilduren indarrak Euskal Herrian eragina txikiagoa izatea eragingo luke. Hegoaldeko udalerri gehienetan EAJk eta Bilduk lortuko lituzkete boto gehien, gaur egun baino udal gehiago eskuratuz.
Hala ere, PPk boto emaile gehiago dituen lekuetan mesede egingo die aldaketak haiei eta UPNri, Gasteizen eta Iruñean kasu. Arabako hiriburuan, PPk agintean jarraituko luke gehiengo osoz. Halaber, Iruñean UPNk botereari eutsiko lioke; nahiz eta EH Bilduk, esaterako, nahikoa izango lukeen Ezkerraren edo Podemosen babesa alkatetza lortzeko.
Espainiako botere guneak galtzeko PPren mehatxurik handiena PSOE, Podemos eta IUren arteko aliantza litzateke. Egungo sistemarekin, besteak beste, urteetan euren agindupean egon diren 100.000 biztanletik gorako 28 hiriburu galduko lituzkete, ez ordea erreforma indarrean jarrita.
Valentziako Hezkuntza Kontseilaritzak 16 hizkuntzetatik bederatzitan murrizketak jakinarazi dizkie Hizkuntza Eskola Ofizialei, eta euskal hizkuntza da okerren geratu dena.
El Diario egunkari digitalak argitaratu du Ertzaintzaren txostena. Honela dio: “Espainiako Inteligentzia Zerbitzuak beraien Gasteizko langileak mobilizatu zituen ETA Al Qaedarekin lotu ahalko zuen informazio bila”. Dokumentuaren arabera, Italiako web orri bat... [+]
Gustavo Antépara Gasteizko Alde Zaharrean pisu turistikoak baimenik gabe ustiatu dituela eta bertan obra “klandestinoak” egin dituela argitaratu zuen ARGIAk 2023ko apirilean. Maiatzeko hauteskundeen osteko berregituraketan, Arabako eta Gasteizko PPko kide... [+]
Pedro Sánchezen eta Amnistia Legearen aurka antolatu dituzte manifestazioak, “espainiarren berdintasuna” aldarrikatzeko. Hego Euskal Herriko jendetsuena Iruñekoa izan da: 6.000 elkartu dira. Bilbon gizon bat atxilotu dute eta beste hiru identifikatu.
Sei urteko atzerapenaren ondoren, "kongresu demokratikoa" egingo du Euskadiko Alderdi Popularrak abendua heldu baino lehen. Laura Garrido eta Javier de Andrés dira hautagaiak.