"Potentzia handiko" bi jaialdi, Hondarribiko Psilocybenearen 30. urteurrena ospatzeko

  • 30. urteurrena ospatzeko bi jaialdi antolatu ditu elkarteak uztail eta abuzturako. Mundu osoko musika elektronikoa eta rocka izango dira nagusi.


2023ko uztailaren 14an - 10:44
Elkartekoekin batera izan ziren asteazkenean Igor Enparan alkatea, Ortzi Alonso zinegotzia eta Estitxu Urtizbera zinegotzia.

Aurten, 30 urte beteko dira Psilocybenea aretoak lehen kontzertua jaso zuenetik. Urteurren biribil hori behar bezala ospatuko du elkarteak, 25 kandela itzali zituztenean bezalaxe. Aurtengoa «xumeagoa» izango dela azaldu zuten asteazkeneko agerraldian elkarteko kideek, baina halere, «handitasunez» ospatzea erabaki dute, «potentzia handiko bi festa» antolatu baitituzte uda honetarako.

Lehen hitzordua uztailaren 22an izango da (larunbata da), eta bigarrena berriz, abuztuaren 25 eta 26an egingo dute (ostiral eta larunbatean). Uztailekoa motorrak berotzen hasteko hitzordua izango dela dio Egoitz Alcaraz Psilocybeneako kideak. «Honetan musika elektronikoa izango da nagusi. Abuztuko jaialdian, estiloari dagokionez, oso markatuta dago, rocka izango da batez ere. Elkartea bera ere beste estilo batzuetara zabaldu da azken urteetan, eta hutsune hori betetzea erabaki dugu». Hortaz, 12 orduko festa egingo dute San Markos parkean, musutruk. Mr Chubachuba, Gorks & Nafo, Mauli, Alffte, Costas, Red Moon eta Lola Mento DJek dantzan jarriko dituzte bertaratutakoak.

Abuztuaren 25 eta 26an izango da jaialdi nagusia. Bi agertoki izango ditu abuztukoak, eta mundu osotik etorritako taldeak igoko dira oholtza horietara. «Kanpoko taldeak ekarri nahi izan ditugu, Los Angelesetik dator bat, adibidez. Baina ez ditugu hemengo taldeak alde batera utzi nahi izan. Azkenean jaialdiaren eta elkartearen oinarria beti izan dira bertako taldeak, bertako talderik gabe ez baitago elkarterik», erantsi du Nestor Urangak. Sasquatch, Joseba B Lenoir, Tzar, Txavvö, Imago 4, Bala, The Capaces, Lif, Naica, Horzdun eta Midnight Sinners taldeen txanda helduko da abuztukoan. Kiroldegiko aparkalekuan egingo dute jaialdia eta larunbatekoa bazkari herrikoi batekin biribilduko dutela aurreratu dute.

Igor Enparan alkatea ere jaialdiaren aurkezpenean izan zen, eta Psilocybeneak dituen hiru balio nabarmendu zituen: sorkuntza, konpromisoa eta autokudeaketa. «Eredu zarete, herri baliabideak herritarren ekienez funtzionatu dezaketela erakutsi duzuelako. Bidelagun izan nahi dugu datozen urteetan».

Aurki emango dute bi jaialdien ordutegien berri. Horien informazioa jaso bezain laster jakinaraziko du HITZAk.


Kanal honetatik interesatuko zaizu: Musika
2024-05-20 | Estitxu Eizagirre
Hauek dira Ziburuko 5. Euskal Liburu eta Disko azokan aurkeztuko diren liburuak

Ekainaren 1ean izango da Baltsan elkarteak eta ARGIAk elkarlanean antolatzen duten euskara hutsezko azoka, eta oparo dator bosgarren edizioa. Aurten 41 argitaletxe izango dira bertan (inoizko gehien) eta egitarauan ordu erdiro izango da ekitaldiren bat musikaz eta literaturaz... [+]


Freskotasuna eta barietatea

Azken denboraldietan ohikoa izan den moduan, OLBEk errezitaldi polita prestatu du denboraldiko azken titulurako, preludio gisa balio izan duena.

Opera eta zarzuela nahastea ideia bikaina izan da. Izan ere, askok uste dugu ez litzatekeela ideia txarra izango noizbait genero... [+]


2024-05-14 | Lander Arretxea
Musika iruditan (II)
Bideoklipak: aurpegia ala gurutzea

Musikariaren lana musika sortzea eta jotzea da. Baina soilik hori? Irudiak eta sustapenak gero eta pisu gehiago dute alor gehienetan, eta musikariak ere ez dabiltza zurrunbilo horretatik aparte. Bideoklipa bilakatu da abesti edo disko bat kaleratzeko euskarri (ia) ezinbestekoa... [+]


Mikel Kazalis (Anestesia)
"Nire burua duela 20 urte bezain indartsu ikusten dut"

'Azken heriotza' biraren eskutik, Anestesia taldeak kontzertua emanen du larunbatean Atarrabiako Totem aretoan.


2024-05-08 | Iker Barandiaran
Bazen ordua iraultzeko

Gaztetxotan Eskorbutin itxura hartzen nion arren, Aramaion jaiotako Antton Carreterok beti izan du begirada luzeagoa: punka bai, jakina, eta kinya bada hobe, baina beste estilo askori erreparatzen die aurreiritziei paso eginda; canallagoei, sentikorragoei… Horiek guztiek... [+]


Eguneraketa berriak daude