Portugalgo sutean dagoeneko 60tik gora dira hildakoak

  • Sua kontrolatu nahian jarraitzen dute suhiltzaileek Portugalen. Larunbatean piztu da sua itxuraz tximistak jotako zuhaitz baten erruz, poliziak azaldu duenez, eta dagoeneko 61 dira hildakoak; horietako gehienak garretatik ihesi errepidean harrapatuta.

Itsaso Zubiria Etxeberria @itsasozubiria
2017ko ekainaren 19a
Suak kiskalitako kotxea (argazkia: Paulo Novais, EFE agentzia).

Azken hogei urteetan mundu osoan hildako gehien eragin dituen sutea da, eta litekeena da zifrek ondorengo orduetan gora egitea agintarien arabera. Zauritu asko daude eta baita desagertuak ere. Figueiro dos Vinhos eta Castanheira de Pera herriak zeharkatzen dituen errepidean hil dira zendutakoen erdiak. Beroa eta haizete gogorrak medio garra oso bizkor hedatu zen eta ibilgailuak harrapatuta geratu ziren sutan zeuden eukaliptoz eta pinuz inguratuta zegoen bidean.

700 suhiltzaile ari dira itzaltze lanetan eta Espainiatik eta Frantziatik ere Portugali laguntza bidaltzen ari dira. 

Hiru dolu egun ezarri dituzte.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Portugal  |  Ingurumena

Portugal kanaletik interesatuko zaizu...
Eguneraketa berriak daude