ARGIA.eus

2022ko irailaren 25a

Poliziaren indarkeriaren biktimak aitortzeko batzordea martxan da Nafarroan

  • Lehen bilera egin dute batzordeko kideek, Ana Ollo Nafarroako Gobernuko Gizarte Harremanetarako sailburuarekin batera. Biktima izaera edukitzeko eskaerak aztertuko ditu, besteak beste.

Batzordeko kideak Nafarroako Jauregian; Ana Ollo sailburuak gidaturik bildu dira (argazkia: Nafarroako Gobernua)
Urko Apaolaza Avila @urkoapaolaza
2022ko irailaren 22a

Poliziaren eta eskuin muturreko taldeen indarkeria jasan duten biktimak aitortzeko batzordea Nafarroako Jauregian bildu da ostegun goizean, Ana Ollo sailburuak gidaturik. Batzordea 2019ko foru legearen bidez sortu da eta bere osaera Nafarroako Parlamentuan adostu dute PSN, Geroa Bai, EH Bildu, Podemos eta I-Ek aukeratutako lau kiderekin.

Mikel Berraondo Giza Eskubideen aholkularia, Marta Rodríguez soziologoa, Roldan Jimeno historialaria eta Soledad Barber legelaria dira lau kideak, eta horiez gain beste bost lagun izango dira batzordean: Martin Zabalza, Bake, Bizikidetza eta Giza Eskubideen zuzendaria izango da batzordeko buru, Nafarroako Memoriaren Institutuko Jose Miguel Gastonek idazkari lanak egingo ditu, eta Iñaki Pradini eta Mikel Urtiaga perituek, eta Silvia Galarreta soziologoak ere parte hartuko dute.

Barne arauen inguruan hitz egin dute lehen bileran, baita biktimak aitortzeko prozeduren inguruan ere, Nafarroako Gobernutik azaldu dutenez. Ollok "pauso garrantzitsutzat" jo du batzordea martxan jartzea: "Oztopo asko izan ditugu Estatuaren partetik eta eskuineko taldeen partetik biktimak aitortzeko", azaldi du sailburuak Diario de Noticias egunkariak jaso duenez.

Pasa den maiatzean lege proposamena atera zuten aurrera Nafarroako Parlamentuan, 2019ko foru legea moldatzeko. PSN, Geroa Bai eta Ahal Duguren ekimena izan zen, baina EH Bilduren eta Ezkerraren babesa ere izan zuen. Orain tramitazio fasean dago. Aurreko legeak bermatzen ez dituen hainbat alderditan sakondu nahi du proposamen berriak, hala nola: biktimei kalte ordain "zehatzak" ematea eta "segurtasun juridikoa" eskaintzea.

 


Justizia kanaletik interesatuko zaizu...
2022-09-22 | ARGIA
Ion Parot eta Jakes Esnal baldintzapean aske uztea onartu du Parisko Dei Auzitegiak

32 urtez espetxean izan diren bi euskal presoak askatzeko eskaera onartu du Parisko Dei Auzitegiak. Bake Bideak prentsaurrekoa eman ditu ebazpenaren inguruko xehetasunak eta balorazioa: "Etapa bat gainditu dugu".


Glovoren aurkako epaiketa: kontraturik ez langileentzat, zigorrik ere ez enpresarentzat

Iruñeko Justizia Jauregian hasi da Gizarte Segurantzaren Glovoren kontrako epaiketa, langileak autonomo bezala kotizatzera behartu dituelako. LAB sindikatuak salatu du multinazionalak "erabateko zigorgabetasuna" izaten jarraitzen duela, bere jokabidearen... [+]


2022-07-21 | ARGIA
Iparragirre eta Albisu "mendekuagatik" deitu dituzte Audientzia Nazionalera, defentsaren esanetan

Mikel Albisuk eta Marixol Iparragirrek ostegun honetan uko egin diote Espainiako Audientzia Nazionalean deklaratzeari, Miguel Angel Blanco PPko zinegotziaren hilketaren kasua dela-eta. Akusazioak "kautelazko neurriak" eskatu ditu Albisuren kontra, baina epaileak ez du... [+]


2022-07-21 | ARGIA
Fiskaltzak Jakes Esnal eta Ion Parot preso mantentzea eskatu du beste behin

Ostegun honetan aztertu dute bi euskal presoen kasua Parisko Dei Auzitegian eta irailaren 22an emango dute erabakiaren berri. Bake Bideak salatu du "segurtasun ikuspegi soilak itsuturik" daudela magistratuak eta dei egin du uztailaren 23an egingo den blokeoan parte... [+]


Memoria Demokratikoaren Legea: zer aldatuko den (eta zer ez) frankismoaren krimenak ikertu eta justizia egiteko

Espainiako Parlamentuaren onespena dauka lege proiektu berriak, Pedro Sánchezen gobernuak EAJren eta EH Bilduren babesa lortu ondoren. Besteak beste, frankismoaren krimenak 1983. urtera arte aztertzeko aukera emango du, eta 1977ko Amnistiaren Legea nazioarteko... [+]



Irakurrienak
Argia buletina
Egunaren laburpena
zure e-postan
Eguneraketa berriak daude