Emakumeak borrokan

Plastiko birziklatua duten jostailuek toxiko arriskutsuak dituzte

  • Europako ikertzaile talde batek, Ekologistak Martxanekin elkarlanean, jatorria hondakin elektronikoetan duten toxiko arriskutsuak aurkitu dituzte birziklaturiko plastikoetan, hala nola, jostailu edota kontsumorako saltzen diren beste hainbat produktutan.

Ekologistak Martxan @ekologistak
2018ko urriaren 22a

Ekologistak Martxanek parte hartu duen txosten europear baten arabera, zenbait produktuk hondakin elektronikoen ondoriozkoak diren toxiko arriskutsuak izan ditzakete. Ingurugiroan iraunkortasun handia edukitzeagatik eta tiroide eta umeen bilakaera neurologikoan eragin zuzena duten disruptore endokrinoak izateagatik, antzemandako toxiko hauek munduko 28 toxiko arriskutsuenen artean daude.

Europako ikertzaile talde batek, Ekologistak Martxanekin elkarlanean, jatorria hondakin elektronikoetan duten toxiko arriskutsuak aurkitu dituzte birziklaturiko plastikoetan, hala nola, jostailu edota kontsumorako saltzen diren beste hainbat produktutan.

Aurkituriko toxikoak bi taldetan sailka daitezke: batetik ingelesezko PBDE deritzona, elketronikako kableak isolatzeko erabiltzen zena, eta bestetik ingelesezko HBCD siglez ezagutzen dena, auto zein elektronikarako plastikoetan erabiltzen zena. Bi substantzia hauek tiroidearen funtzionamendu ezegokiarekin eta zenbait kalte neurologikorekin zuzenean erlazionaturik daude. Gainera, Estokolmoko Hitzarmenean azaltzen diren munduko 28 toxiko arriskutsuenen artean daude.

Ikerketak europako herri desberdinetan erositako 109 jostailu, ilerako osagarri eta sukalde tresna aztertu ditu. Emaitzek adierazi dutenez, ikerturiko produktuen %98ak PBDE (polibromo difenil eteres) zuten eta %80ak berriz aipaturiko HBCD.

Europako legeriak kontsumorako diren produktuetan PBDE mailak mugatzen ditu. Fabrikazio berriko plastikoetan muga hori nabarmena den arren, birziklaturiko plastikoetan muga askoz ere zabalagoa da.

Estatu mailan ikerturiko produktuen maila toxikoa muga legalaren artean dagoen arren, emaitzek argi erakusten dute plastiko berrien eta birziklaturiko plastikoen artean onartzen diren toxiko mailen arteko desberdintasuna. Birziklaturiko plastikoen toxikoen maila fabrikazio berriko plastikoen toxikoen maila baino 100 aldiz altuagoa da. Honek kontsumitzailearengan sor daitezkeen mesfidantza arazoak argi uzten ditu, erositako produktua fabrikazio berrikoa edo birziklatua den ez dakielako, eta ondorioz produktuek duten maila toxikoa ere ezezaguna egiten zaie.

Emaitzek adierazten dutenez, hondakin elektronikoek dituzten suaren aurkako substantziak birziklaturiko plastikoetan ere mantendu egiten dira. Baita Estocolmoko Hitzarmenean debekatu ziren hainbat substantzia toxiko ere.

Honen aurrean talde ekologistak agintariei exijitzen die: plastikozko produktu berrien fabrikazioan onartzen diren toxiko maila baxuak eta birziklaturiko plastikozko produktuen toxiko maila berbera izatea.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Kutsadura kimikoa  |  Hezkuntza

Kutsadura kimikoa kanaletik interesatuko zaizu...
2019-05-02 | ARGIA
Euri uretan ere pestizidak daudela frogatu dute lehen aldiz Uruguain

Uruguaiko Paysandú departamentuan egindako ikerketa batean pestizida arrastoak aurkitu dituzte zerutik datorren euriko uretan. Hainbat ikerlarik laborategian aztertu dute ura eta intsektizidak eta fungizidak dituela ondorioztatu dute.


Arrainetan metatzen dira antidepresibo, antibiotiko eta eguzki-kremen osagaiak, EHUren ikerketa baten arabera

Ikertzaileak azaldu duenez, arrainetan metatzen diren kutsatzaileak gizakiengana heltzeko arriskua dagoen jakin beharra dago.


Abel Arkenbout (ToxicoWatch): "Erraustegi mondernoenek ere dioxinak isurtzen dituzte, hala erakutsi dugu Holandan"

Azken belaunaldiko erraustegiak seguruak dira ala badaukate arriskurik elikadura katea, ingurumena eta gizakiarentzat? Benetan kontrolatzen dira ala ez dioxina isuriak? Apirilaren 13an Hernanin (Gipuzkoa) izango da Abel Arkenbout toxikologoa jende aurrean azaltzen nola aurkitu dituzten agintariek aitortu gabeko dioxina isuri ezkutuak Harlingeneko erraustegian, Holandako Frisia eskualdean.

 


2019-04-09 | Zero Zabor
Abel Arkenbout toxikologoa Holandako erraustegi berriaren dioxinez mintzatuko da larunbatean Hernanin

Apirilaren 13an, larunbata, goizeko 10:00etan hasita, Hernaniko Biteri kultur etxean hitzaldi berezia emango du Holandako ToxicoWatch fundazioko Abel Arkenbout toxikologoak: "Dioxinak Harlingenen – Dioxinak Zubietatik? Honela kutsatzen dute erraustegi modernoenek”. Hernanin Zero Zabor eta Errausketaren Aurkako Mugimenduak antolatu dute hitzaldia, Hernaniko Udalaren babesarekin.


2019-03-20 | ARGIA
'Roundup'ak kantzerra eragiteagatik bigarren aldiz kondenatu dute Monsanto-Bayer AEBetan

San Franziskoko (Kalifornia, AEB) epaitegi batek ebatzi du Monsanto –gaur Bayer multinazionalak erosia– dela  Edwin Hardeman 70 urteko nekazariak nozitzen duen minbiziaren errua, bere linfoma Roundup (glifosatoa) erabiltzeak eragina.


2019-01-18 | Iņigo Igartua
Fiskaltzak Petronor ikertuko du lehen aldiz isuriengatik

Azaroaren 9 eta 16 bitartean, Muzkizko (Bizkaia) findegiko kabinetako batean "ohikoak baino bentzeno balore altuagoko" isuriak izan zirela aitortu du Petronor enpresak. Abenduaren 5ean argitaraturiko ingurumen ikuskapen baten arabera, egun gehiagotan ere gainditu dute baimenduriko isurien maila.


2018-12-10 | ARGIA
Pinudiak airetik oxido kuprosoz ez fumigatzea eskatu du Bilboko Mediku Zientzien Akademiak

1895ean sorturik 120 urte baino gehiago dituen BMZA Bilboko Mediku Zientzien Akademiak gaur kaleratu duen agirian Euskal Autonomi Elkarteko agintariei eskatu die ez dezatela oxido kuprosozko fumigaziorik erabili gaitzak jotako pinudien gainean, lekuko herritarren osasuna eta ingurumena kaltetuko dituelako. Administrazioari eskatu diote basogintza iraunkorrago baterako trantsizioari ekin diezaiotela, aldi berean hondamendiak jo dituen pinuen jabeei ekonomikoki lagunduz. 


"Mitxoletak nahi ditugu", pestizida guztiak orain debekatzeko aldarria

Urriaren 5ean milaka pertsona bildu dira Frantziako Estatuko hirurehun hiri eta herri baino gehiagotako udaletxeen aurrean, "Nous voulons des coquelicots" (Mitxoletak nahi ditugu) deialdiarekin bat egiteko. Bi urte iraungo duen kanpainaren antolatzaileek ez dute huskeria eskatzen: pestizida kimiko guztiak debekatzea eta oraintxe bertan. Bioaniztasunaren hondamendiari eta gizakien pozoiketari behingoz erremedioa jartzea aldarrikatuko dute hileroko lehen ostiraletan.


EAEn 'fracking'-a abiarazteko urrats berriak egin ditu Jaurlaritzak: zundaketak baimendu Bizkaia eta Gipuzkoan

Eusko Jaurlaritzak baimena eman du Bizkaia eta Gipuzkoako 1.300 kilometro koadrotan zehar lurpean egon daitezkeen erregaien bilaketan ikerlan eta zundaketak egiteko. Zundaketa lanetan "fracking" teknika erabiliko ez dela aipatu den arren, zundaketa berriok dira urrats garrantzitsu bat Ibarretxeren garaietatik teknika horrekin hidrokarburoak ustiatzeko Jaurlaritzak egindako apustua aurrera eramateko.


2018-09-26 | Nahia Ibarzabal
Monsantok sortutako glifosato herbizidaren ondorioz milaka milioi erle hil dira

AEBetako Texaseko Unibertsitatean egindako ikerketa baten emaitzek erakutsi dute, glifosatoak murriztu egiten dituela erleen hesteetako bakteria osasuntsuak.


Eguneraketa berriak daude