ARGIA.eus

2022ko abuztuaren 15a

Piztuta eta bizi jarraitzen du Zarrakazteluko suteak

  • Goiz honetan, oraindik ez dute sutea kontrolpean. Larrialdietarako babes zibileko planaren 2. alerta maila ezarri du Nafarroako Gobernuak eta sare sozialetan gogorarazi du asteartean sute arriskua “muturrekoa” izaten jarraitzen duela.

Zarrakazteluko sutea. Argazkia: Nafarroako Suhiltzaileak, @bomberos_na Twitterren.
2022ko uztailaren 26a

Uztailaren 25ean piztu da sutea Zarrakaztelun, Nafarroan. Labore lur batzuen alboan piztu da sutea eta pinudi batera hedatu da. Nafarroako Babes Zibil eta Larrialdietako Zerbitzua Twitterren ari da sutearen nondik norakoen berri ematen.

Larrialdietako Zerbitzuak adierazi duenez, gauean zehar suhiltzaileek egindako lanei eta baldintza meteorologiko mesedegarriari esker suteak hartu duen lur-eremua ez da gehiegi handitu. Hala ere, astearte goiz honetan oraindik ez dute sutea kontrolpean, nahiz eta astelehen arratsaldean kontrakoa adierazi zuten.

Zarrakaztelu inguruan nekazariak ibili dira eremua ureztatzen haien traktoreekin, sutea hedatu ez dadin.

Luzerako dator beroa

Hilabete luze daramate Nafarroan hainbat suteri aurre egiten. Beroak bere horretan jarraitzen du eta suteak pizteko arriskua ez da amaitu.

Munduko Meteorologia Erakundeak adierazi zuen, bero-egoera honek gutxienez 40 urtez iraungo du eta planetak berotzen jarraituko du, aldaketa klimatikoa gelditzea lortu ala ez. Sute benetan suntsitzaileak ikusten ari gara eta datozen urteetan halako gehiagorako prestatu behar dugula dio Scientific Reports aldizkariko azterketa batek.

Kanal hauetan artxibatua: Suteak  |  Nafarroa

Suteak kanaletik interesatuko zaizu...
Biriatuko muga itxi dute kamioientzat sute larri batengatik eta auto-ilarak eragin ditu

A-8 eta A-63 autobideen arteko pasabidea ixtean auto-ilarak sortu dira. 6.200 hektareatik gora erre ditu abuztuaren 10ean Girondan (Frantzia) piztutako suteak. Landerara ere iritsi da eta 10.000 lagun inguru ebakuatu behar izan dituzte.


2022-08-09 | ARGIA
Zanbranan berriz pizturiko sutea itzaltzea lortu dute

Igandean Zanbranan piztutako sutea kontrolatutzat eman bazuten ere astelehen goizean, iluntzean berriz abiatu zen, haize indartsuak hauspotuta. Suteen arriskua gora dago Euskal Herriko leku ezberdinetan, eta hainbat neurri dituzte bideraturik, aurre egiteko.


Zanbranako sutea kontrolpean dago

30 urtetan Txulato mendi ingurua bigarren aldiz erre dela salatu du bere sare sozialetan herriko alkate Aitor Abeciak, eta Eusko Jaurlaritza kritikatu du, helikopterorik ez duelako bidali suteei aurre egiteko.


Plastikoa birziklatzen duen lantegi bat erre da Sondikan

03:00etan hasi da sutea eta enpresak dituen hiru industria-nabeetatik bat guztiz suntsitu da.


Bero-boladek gutxienez beste 40 urte iraungo dutela adierazi du Munduko Meteorologia Erakundeak

Asteartean Erresuma Batuan 40,2ºC-ko tenperatura errekorra egon da. Artean, Munduko Meteorologia Erakundeak (MME) abisatu du gutxienez 2060 urtera arte planetak berotzen jarraituko duela, aldaketa klimatikoa gelditzea lortu ala ez.


Irakurrienak
Argia buletina
Egunaren laburpena
zure e-postan
Eguneraketa berriak daude