Balmasedako sutea kontrolpean dago Bizkaiko eremuan
Gaua sutea mendean hartzeko lanetan eman ostean, Bizkaian egoera kontrolpean dago. Arratsaldetik aurrera arriskuak murriztera jo beharko luke, Euskalmet-en arabera haizeak baretzera joko baitu. Burgos (Espainia) iparraldera hedatu da sua, eta uneotan bertan dago egoera okerren.
Tenperatura beroek, haizeak eta lurraren idortasunak eraginda, sutea piztu zen larunbatean Balmasedan (Bizkaia). Zehazki, Arbalitzako basoan sortu zen sua, Arabako mugatik gertu, eta inguruetara zabaldu. Bizkaian, Balmaseda ez ezik Zalla eta Goredexola ere kaltetu ditu suak, eta momentuotan Burgoseko (Espainia) iparraldean dago egoera okerren. Bertara bidali ditu baliabide materialak eta pertsonalak Jaurlaritzak, behin Bizkaian egoera kontrolpean hartuta.
Larunbatean piztutako sua kontrolpean zen igandea orduko, baina igandeko haizeteek egoera berriz kontrolpetik aterarazi zuten. Bizkaiko Foru Aldundiaren arabera, 77 suhiltzaile aritu dira lanean igandetik astelehenerako gauez Balmaseda inguruetan. Egoera berriz kontrolpean badago ere, Bizkaiko Basozainek gogorarazi dute arrisku oso handiko eguna izango dela astelehena ere. Pedro Izaga Bizkaiko Foru Aldundiko Larrialdi eta Babes Zibilerako zuzendariak astelehen goizeko lehen orduan Onda Vasca irratiari egindako adierazpenen arabera, Zallako Basoaga eta Malabrigo auzoen inguruak dira ardura gehien sorrarazten dutenak, bertako sua baita errazen atera daitekeena kontroletik. Arratsaldetik aurrera arriskuak murriztera jo beharko luke, Euskalmet-en arabera haizeak baretzera joko baitu. Halere, sutea "amatatzeko luzea izango da", gogorarazi dute suhiltzaileek.
Orain arte egindako kalkuluen arabera, 500 hektareatik gora kiskali ditu suteak. Berriak jaso duenez, suak hiru baserri erre ditu, eta gutxienez hamabi familia atera behar izan dituzte beren bizilekuetatik. Balmasedako kiroldegian artatu dituzte, eta dagoeneko ia denak itzuli ahal izan dira beren etxeetara; familia bakarra dago oraindik ezin itzulirik. Burgosko Bortedo eta Antuñano herrietan ere, hainbat pertsona ebakuatu behar izan dituzte bart. Errepideen mozketak ere eragin ditu egoera: BI-636 errepidea moztu beharra egon da Zalla eta Balmaseda artean, eta baita A-624 errepidea ere, Artziniega parean, Burgosekin mugan.
Bizkaiko Suhiltzaileek sareetan zabaldu dute sutea itzaltzera bidean grabatutako bideoa:
https://twitter.com/BomberosBizkaia/status/1584243811710296064?s=20&t=0Kwx9qlFxAYTo-uO0K8ATA htps://twitter.com/BomberosBizkaia/status/1584243811710296064?s=20&t=0Kwx9qlFxAYTo-uO0K8A
Imágenes dotación de #Bomberos en trayecto a su lugar de trabajo en el frente #Balmaseda
Balmasedako sute frentean lan egiteko emandako lekura heltzen garbatutako irudiak #Suhiltzaileak pic.twitter.com/n9iyMJSwwH
— Bomberos Bizkaia (@BomberosBizkaia) October 23, 2022
Ostiraletik aurrera ur murrizketak ezarriko dituzte Euskal Hirigune Elkargoak barne hartzen dituen eta alerta egoeran dauden 158 herritan, eta metereologia zerbitzuek abisu horia ezarri dute trumoien arriskuagatik. Hego Euskal Herrian, berriz, leku ugaritako termometroek 40... [+]
Suhiltzaileek itzaltze lanetan jarraitzen duten arren, egonkortu dute kontrolik gabeko sutea. Espainiako Gobernuak larrialdi aurreko faserako plana onartu du, autonomia erkidegoen eta Espainiako Gobernuaren arteko komunikazioa hobetzeko; dena den, larrialdien kudeaketa autonomia... [+]
Larunbat gauean hasi zen sutea Zarrakaztelu eta Figerol lotzen dituen errepideko pinudi batean. Herritarrentzat arriskurik ez dago momentuz, gobernuak adierazi duenez. Gizakiek eragindako sutea dela jakinarazi du gobernuak.
338 hektarea erre ditu astearteko suteak. Nekazarien sindikatuak haserre agertu dira Nafarroako Gobernuak suteak saihesteko ezarritako murrizketekin. Asteazkenean beste sute bat piztu da Artaxoa eta Añorbe artean, baina hura ere kontrolpean dute suhiltzaileek.
Suhiltzaileek kontrolpean dute Ibarbeibar ibarreko sutea, Eneritz, Muruzabal, Añorbe eta Obanos herrietan egondakoak hain zuzen ere. Nafarroako Gobernuak behin-behineko debekua ezarri dio nekazaritzan sua erabiltzen duen edo sor dezakeen makineriari.
-(1).jpg)
Brasilen suteek 30,86 milioi hektarea baso eta eremu natural suntsitu zituzten iaz, Italia osoaren azalera baino gehiago. Suteek %79ko igoera izan zuten 2023arekin alderatuta, Fire Monitorren ikerketa batek agerian utzi duenez.
AEBko eta munduko hiri handienetakoa den Los Angeles sute ikaragarriek harrapatu dute eta jadanik 150.000 lagun lekuz aldatu behar izan dituzte agintariek. Alkateak larrialdi egoera ezarri du, garrek ehundaka etxe kiskali dituzte hainbat auzotan, eta haizete gogorrek ez dute... [+]
Astelehen gauean su hartu du Donamartiriko (Nafarroa Beherea) ikastolako eraikin batek. Ez da zauriturik izan, baina kalte material handia eragin du suteak.
Portugaleteko eta Sestaoko bizilagunek leihoak itxi behar izan dituzte, suhiltzaileek hala ohartarazita.
Gutxienez 10.000 hektarea kiskali dira Atenasetik gertu, eta dozenaka etxe eta enpresa kiskali dira, EFEk jaso duenez. Greziako Gobernuak suteei aurre egiteko laguntza eskatu dio Europar Batasunari.
Suak geroz eta leku gehiago hartzen du albisteetan. Azken urteetan sute askok partida irabazi digu, planeta osoan zehar. Egungo suteak ez dira lehengoak bezalakoak, erasokorragoak dira eta planeta sakonki aldatzen ari dira: Pirozenoa dei genezakeen garaiaren atarian jarri... [+]
Alerta gorria ere jarri dute eskualde batzuetan: zehazki, Bizkaiko eta Gipuzkoako kostaldeetan, Ebro ondoko eskualdean, Bizkaiko eta Gipuzkoako barnealdeetan eta Arabako erdialdean.
Sute arrisku handia aurreikusi dute egunotarako Nafarroan. Babes zibil eta larrialdietako zerbitzuak, suhiltzaileak, Poliziaren ingurugiroaren babes brigada, ingurugiroaren departamentua, Guardia Zibila eta Estatuko Agentzia Meteorologikoaren Nafarroako delegazioa abuztuaren... [+]
Tenperatura altuek eta lur eremu lehorrek eragin dituzte suteak asteartean. Ondorengo herrialdeak izan dira kaltetuenak: Kroazia, Aljeria, Tunisia, Siria, Italia, Grezia eta Frantzia. Azken orduetan, Portugalen eta Kanariar Uhartean ere zabaldu dira suteak.