'Pitzatu, Gazte Boterez Euskal Herria eraikitzen' liburua aurkeztu dute

  • ‘Pitzatu, Gazte Boterez Euskal Herria eraikitzen’ Ernai eta Ipesen artean ekoiztutako hausnarketa, eztabaida eta ekinbiderako gonbita bat da. Azken bi urteotan elkarlanean aritu dira, emeki emeki, gazte boterearen gaineko ariketa berri bati gorputza ematen. 

Uriola.eus @uriolaeus
2018ko abenduaren 06a

Bilbon, Iruñean, Gasteizen eta Baionan eztabaidak egin zituzten hainbat gazterekin 2016 urtearen hondarrean eta iaz, UEUko Udako Ikastaroen baitan lan saioa izan zuten Iruñean berriz. Gerora, Ernairen ‘Inurritegia’ eztabaida prozesuan ekarpenez josia izan da eta amaitzeko, liburuxka hau ekoizteko lanetan izan dira eskuz esku.

Hausnarketa, eztabaida eta ekinbiderako gonbita da ‘Pitzatu, Gazte Boterez Euskal Herria eraikitzen’ liburua, beraz, azaldu dutenez: "Ez genuke apalategia apaintzeko edota oheak dantzarik ez egiteko erreminta bat izaterik nahi. Alderantziz, forma errektangularra mantentzerik ez duen liburu erabili bat izatea nahiko genuke, azpimarraz eta apuntez josia barruan. Irakurria eta eztabaidatua izateko jaio da liburu hau, eta baita -edo beraz-, ekintzarako bide izateko, Gazte Boterea indartzeko bide, Euskal Herria eraikitzeko bide."

Liburua gaur arratsaldean aurkeztu dute Durangoko Azokan, eta bertan 5 eurotan salgai egongo da. Hortik aurrera, IPESen lanak aurkitu daitezkeen tokietan egongo da. Aste honetan, adibidez, Durangoko Azokako Goienkaleko 63. zenbakian aurkituko dituzue.

Albiste hau Bilboko Uriola-k argitaratu du eta CC-by-sa lizentziari esker ekarri dugu ARGIAra.

 

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Bilbo

Bilbo kanaletik interesatuko zaizu...
2018-12-09 | Malen Aldalur
Hoteletako garbitzaileak
Bost izarreko esplotazioa

Tolesdurarik gabeko izara zuriak eta garbiak ohe gainean, usain goxoa, norbere etxean topatzea zaila den txukuntasuna. Halako ezaugarriak dituzte sarri hoteletako gelek, baina zer ezkutatzen da irudi horren atzean?  Feminizazioa eta prekarietatea. Hala uste dute Mari Cruz Elkoro (Durango, 1969) ELAko zerbitzu federazioetako idazkari nagusiak eta Sonia San Vicente (Bilbo, 1968) Constant enpresarentzat hoteletako gelak garbitzen dituen langileak.


Erabakitzeko eskubidea: abertzaleok ez ote denbora galtzen ari?

Noizean behin irteten diren gaien artean, hau da Bilboren periferian azken bi hamarkadatan abertzale munduaren inguruan ibili garen adiskideen artean dugun hizketa gaietako bat. Hasi gintezke nazioartean dauden aukerez, Kataluniaz edo guztiz agerikoa den Estatuaren krisi orokorraz, gure begiradak ordea ez dira hain urrutira iristen. Kaleko harremanak, laneko elkarrizketak, familiako zailtasun eta ilusioak dira gure oinarri. Bilborako metroko joan etorriak gure soziologia laborategia... [+]


2018-12-06 | ARGIA
Euskal Errepublika aldarrikatu dute Bilbon

“Euskal Errepublika” lelopean, jendetza batu da Bilbon EH Bilduk deituriko manifestaziora. Espainiako Konstituzioak 40 urte egin dituen honetan, argi dute ekitaldiaren bultzatzaileek: Euskal Herri aske, demokratiko eta justua aldarrikatzeko momentua da.


Bizkaiko Simply supermerkatuetako langileek lan-baldintza prekarioak salatu dituzte

Asteazkenean eta ostiralean egun osoko lan-uzteak egingo dituzte, enpresaburuek langileei “entzun” diezaieten. “Gure osasuna beste edozeren gainetik dago”, aldarrikatu dute.


2018-11-28 | ARGIA
MTVren San Mameseko kontzertuan 550.000 euro gastatu zituzten Bizkaiko Aldundiak eta Bilboko Udalak

Azaroaren 3an Bilboko San Mames estadioan antolaturiko MTVren kontzertuak eragindako gastuen berri eman du Bizkaiko Foru Aldundiko Lurralde eta Ekonomia Garapeneko diputatu Imanol Pradalesek.


2018-11-28 | ARGIA
Kalejiran aterako da Bilboko Mujika Eskola, Udalari euren eskaerak entzunarazteko

Bilboko Alde Zaharreko ikastetxeak dituen hainbat arazoren aurrean Udala luzamendutan ari dela adierazi zuten gurasoek ekainean. Orduko hartan kalejiran atera ziren, eta ostegunean bigarrenez aterako dira kalera.


2018-11-27 | ARGIA
Emakumeen aurkako indarkeriaren kontrako egunean jazotako hiru eraso matxista salatu dituzte Bilbon

Azaroaren 25ean, Emakumeen aurkako indarkeriaren kontrako egunean bertan gertatu dira hiru erasoak.


2018-11-27 | LAB sindikatua
Bulego eta langeletako langileek Arantxa Tapiaren hitzaldia eten dute Bilbon

Bilboko Euskalduna jauregian inauguratu dituzte gaur Basque Industry 4.0 jardunaldiak, eta bertan egin dute protesta Bizkaiko bulego eta langeletako langileek, hitzarmen duin baten defentsan. Hain zuzen ere, oihuen artean eten dute Ekonomia Garapenerako eta Azpiegituren kontseilari Arantxa Tapiaren hitzaldia. Ondoren, protesta kanpoaldera eraman dute, elkarretaratze baten bitartez.


9 kiloko prekarietatearen motxila

Industria garaia ia-ia ahaztuta genuenean, 1997ko Guggenheim Museoaren ate-irekitzea izan zen Bilbo hiria munduko mapan apurka-apurka kokatzen hasi zuena. 


Azkenak
EGILEA
Eguneraketa berriak daude