Pintaketa matxistak egin dituzte Barakaldoko Argitan talde feministaren egoitzan
Astelehen gaualdean pintaketa matxistak egin dituzte Barakaldoko Argitan taldeak duen egoitzan. Gorroto delitutzat jo ditu Argitanek eta salaketa jarri dute.
Elkarte feminista barakaldarraren egoitzako horman eta atean 'Aski da, umeak zaindu, save the children' mezuak idatzi dituzte. Argitanek adierazi duenez, itxura guztien arabera, pintaketa horiek zerikusia izan dezakete igandean Barakaldon gertatu den kasuarekin: herriko emakume bat bere seme-alabak hiltzen eta ondoren bere buruaz beste egiten saiatu da. Argitanek gogorarazi du ez dagoela inolako harremanik kolektiboaren eta kasuaren artean. "Uste dugu norbaitek egoera baliatu duela mugimendu feministaren lanari eraso egiteko, diskurtso negazionistak ugaritzen ari dira, emakumeek sufritzen dituzten desberdintasunak ukatzen dituztenak, eta horiek era guztietako aitzakiak aprobetxatzen dituzte indarkeria matxistaren aurkako borroka baliogabetzeko. Gure lanak molestatzen baditu, zerbait ondo egin dugunaren seinale da", adierazi du Mireia Saizek Herri Irratian. Sare sozialen bidez jasotako babesa eta elkartasuna eskertu dituzte.
Pintaketak gorroto delitua direla iritzita, asteartean salaketa jarri dute kolektibo feministako kideek Ertzaintzaren aurrean. Pintaketak egin dituztenak zeintzuk diren argitu baino, areago joatea eskatu dute: emakumeek egunerokoan sufritzen dituzten desberdintasun estrukturalen gainean kontzientzia sortzea. Udalak pintaketak ezabatu ditu jada.
27 urte lanean
Barakaldoko Argitan Emakumeentzako Aholku Etxeak Barakaldoko mugimendu feministako erreferentziarik ezagunena da. 1996an sortutako elkartea da, eta ordutik emakumeen eskubideen alde lan egin du, fokua jarriz gehien bat egoerarik zaurgarrienean dauden emakumeengan, tartean indarkeria matxista pairatu dutenengan. Aholkularitza juridiko-laborala eta arreta psikologiko indibidualizatua eskaintzen ditu, autoestimu-taldeak antolatu ditu, eta ikuspegi feministatik landutako hamaika jarduera egiten ditu (tailerrak, ikastaroak, hitzaldiak, eztabaidak, salaketa publikoak, aldarrikapenak... ).
Uda honetan, gutxienez hemeretzi erailketa matxista izan dira, eta horietatik gutxienez hiru kasutan, poliziak edo polizia ohiak dira hiltzaileak. Donostian, gainera, erailketa saiakera bat ere izan da ertzain baten partetik: bere bikotekidea hiltzen saiatu zen abuztuan.
Gasteizko sententzia horrez gain, asteburuan gutxienez beste lau sexu eraso salatu dituzte; hiru Gasteizen eta bat Donostian.
Ehun bat pertsona bildu ziren larunbatean Luhusoko plazan Itaia emazte antolakundeak eta Luhusoko besta komiteak jakinarazi duten bortxaketa salatzeko.
Osteguneko lehen minutuetan jazo dira gertaerak Mina del Morro inguruan, Santutxu auzoan, 00:20 orduak aldera, eta ustez, 34 urteko gizon batek 31 urteko bikotekidea hil du.
76 urteko emazteak zauri larriak ditu. Eusko Jaurlaritzako Segurtasun Sailak adierazi duenez, ostiral goizaldean egin dio eraso eta Ertzaintzak senarra atxilotu du emaztea hiltzen saiatzeagatik.
Emakumeen Aurkako Indarkeriaren Bilboko bi Epaitegiek neurri hori onartu dute. Bilboko epaile dekano Aner Uriartek neurria emakumeak babesteko eta ez birbiktimizatzeko helburuarekin hartu dela esan du, baina Bilboko Abokatuen Elkargoak salatu du kolokan jartzen dituela ikertuen... [+]
Neska gazteak agertzen dira irudietan eta Telegram bidez zabaltzen dituzte. Irailaren 1ean kanpaina bat abiatuko dute sare sozialen bidez, gobernuak neurriak hartu ditzan.
Hil arte bizirik sentitzearen beharraz ari da Olatz Mercader. Gaixorik egon izan delako bere bertsio gutxitua hurbilegi ikusi duenak badaki zein garrantzitsuak diren konpromisoa, grina eta desioa.
Ertzaintzak 27 urteko gizon bat atxilotu du Donostian, abuztuaren 18ko goizaldean, Aste Nagusiko azken gauean, Parte Zaharrean emakume bati sexu erasoa egitea egotzita. Eraso matxista horrez gain, beste batzuk ere publiko egin dira hirian azken asteotan, eta horiek guztiak... [+]
Bilboko epaile dekano Aner Uriarteren arabera neurria “nor den nor” identifikatzeko eta emakumeak babesteko eta ez birbiktimizatzeko da. Bizkaiko Abokatuen Elkargoak salatu du ez direla errespetatzen errugabetasun printzipioa eta “duintasuna”.
Gertaera abuztuaren 18ko goizaldean izan zen Donostiako Alde Zaharreko kalezulo batean, Ertzaintzak adierazi duenez. Egun horretan emakume batek beste sexu-eraso bat salatu zuen Donostian, gizon batek “diskoteka baten inguruan ukituak egin zizkiola” esanez.
Joan den astean izan ziren Burlatako jaiak eta aste honetan jakin da adingabeko neska gazte batek izandako sexu erasoa. Espainiako Poliziak, halaber, jakinarazi du erasoarekin lotutako 18 urteko gazte bat atxilotu zuela joan den igandean.
Bingen Zupiria Eusko Jaurlaritzako Segurtasun sailburuak adierazi du: “Ertzaintzako barne arautegiak hutsegite larritzat eta botatzeko arrazoi posibletzat ditu horrelakoak”. Gainera, Gipuzkoako Fiskaltzak eskatu dio instrukzioko epaitegiari auzia genero indarkeria... [+]