Pintaketa, kartel, pankarta, pegatina eta gisakoen esposizioa erregulatzeko neurriak hartu ditu EAJk eta PSE-EEk osatutako Arrasateko Udalak. Herriko gune publikoak “garbi mantendu” eta “giro atsegin bat sortzea” da bultzatzaileen asmoa. Arau berriak “adierazpen askatasuna eta errespetuan oinarrituriko bizikidetza” bultzatu nahi du, Oscar Garcia Horrillo (PSE-EE) zinegotziaren esanetan.
“Kalean, etxebizitza pribatu zein publikoetan, hiri altzarietan, zuhaitz, estatua, monumentu, eta, orokorrean, herriko kanpo-elementu orotan” pintadak egiteko debekua dakar ordenantza berriak. Neurria errespetatzen ez duenak 151 eta 250 euro bitarteko isuna jaso dezake. Bestalde, ordenantzak ez ditu muralak debekatzen, betiere, egileak eskuartean aurrez eskatutako baimena duen kasuetan. Adierazpen askerako gune artistikoa sortzea aurreikusten du ordenantzak.
Ordenantzaren baitan, kartelak aurretiko baimena izan gabe jartzea ahalbidetuko duten gune bereziak sortuko ditu Arrasateko Udalak. Kartelak eremu horietatik kanpo jarri nahi dituenak baimenaren beharra izango du. Gainera, “eduki erasokorra” edo pertsona zein kolektiboen eskubideen aurkako mezuak helarazten dituenak 250 eta 1.000 euro arteko isuna jaso dezake.
EH Bildu ez dago ados ordenantza berriarekin. Herritarrek beren mezuak helarazteko udalari baimena eskatu behar izatea herritarren askatasunaren aurka doala salatu du alderdiak: “Zentsura da. Adierazpen askatasunaren aurkako eraso politikoa”. Udal mailako Mozal Legearen etiketa jarri dio EH Bilduk.
Talde kontserbadore batek salatu du institutua, Muguruza hitzaldi bat ematera gonbidatzeagatik. Bellreguardeko Udaleko zinegotzi ohi batek esan du ez zela hitzaldirik egon. Institutuko zuzendaritza taldeak hilaren 26an deklaratu beharko du guardiako... [+]
Otsailaren 28an bi urte bete dira Pablo Gonzalez kazetaria Polonian atxilotu zutela. Errusiako espioia izatea leporatu zioten hango zerbitzu sekretuek, baina oraindik ez dute horren froga edo zantzu ñimiñoena erakutsi.
Iruñeko abeslaria bere abestietako letrengatik kartzelaratuko dute, besteak beste, udaltzainen kontrako "gorrotoa eta indarkeria" sustatzea leporatuta.
Josep Miquel Arenas Beltrán ‘Valtònyc’ rap kantari mallorcarrari hiru urte eta sei hilabeteko kartzela-zigorra ezarri zion Espainiako Auzitegi Gorenak bere kantuetan “terrorismoa goratzea” eta Espainiako koroari “irain egitea”... [+]
Donostiako Groseko jaietan larunbatean antolatu zen grafiti erakusketan sutan zegoen Ertzaintzaren furgonetaren irudia erakutsi zuten, eta Ertzaintza azaldu zen kentzera. Segurtasun sailburu Josu Erkorekak “gorroto eta indarkeria bultzatzen duen irudia” dela adierazi... [+]