Emakumeak borrokan

Pilota ez da 2024ko Parisko Olinpiar Jokoetan izango

  • Parisko hautagaitzak skateboard, breakdance, eskalada eta surfa hautatu ditu kirol gonbidatuak izateko.

Ipar Euskal Herriko Hitza @iehkohitza
2019ko otsailaren 22a
Argazkia: Danbolin

Pilota ez da 2024ko Parisko Olinpiar Jokoetan izango. Antolatzaileek gaur jakinarazi dituzte zein kirol izango diren kirol gonbidatu eta pilota ez dago horien artean. Parisko hitzorduan pilota ere present izan dadin saiatu dira Xabier Cazaubon Nazioarteko Pilota Federazioko presidentea eta Lilou Etxeberria Frantziako Federazioko lehendakaria. Cazaubonek eta Etxeberriak pilota erakusketa kirol gisa onartua izateko egindako txostena aurkeztu zioten Tony Estanguet 2024ko Olinpiar Jokoetako Antolaketa Batzordeko presidenteari duela hiru aste, baina azkenean hark ez du babestu eskaera.

Pilota 1992ko Bartzelonako Olinpiar Jokoetan izan zen present azken aldiz, orduan ere erakusketa kirol moduan.

Eskalada, surfa, skateboarda eta breakdancea hautatu ditu Parisek. Lehen hiruak Tokion egingo diren Olinpiar Jokoetan estreinakoz jokatuko dira Olinpiar Jokoetan. Gazteak erakarri nahian, baina, Parisko Olinpiar Jokoetako Antolaketa Batzordeak beste pauso bat eman nahi du 2024ko. Batzorde horrek NOBri gaur proposatu dio ekitaldi horretan breakdancea kirol gonbidatua izan dadin. Estanguetek egin du eskaera, eta, azaldu duenez, asmoa dute breakdanceaz gain eskalada, surfa eta eskaladaren aldeko apustuari eusteko.

NOBk ekainean erabakiko du proposamenari baiezkoa eman edo ez. Iaz Gazte Jokoak egin zituzten Buenos Airesen, eta breakdancea presente izan zen.

Albiste hau Ipar Euskal Herriko Hitzak argitaratu du eta Creative Commons lizentziari esker ekarri dugu.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Pilota  |  Olinpiar Jokoak  |  Paris

Pilota kanaletik interesatuko zaizu...
2019-05-21 | ARGIA
Jarrera matxistagatik, bertan behera utzi dute Azkoitiko Pelotai Euneko mutilen txapelketa

Pelotai Euneko mutilen pilota txapeleketaren Whatsapp taldean emakumeen kontrako iruzkinak egin dituzte. Ondorioz, mutilen txapelketa bertan behera uztea erabaki du antolakuntzak.


2019-03-18 | Iņigo Igartua
Garai-Etxaniz eta Etxegarai-Oses bikoteak Emakume Master Cupeko txapeldun

Leire Garai eta Leire Etxanizek nagusitasun osoz irabazi dute lehen mailako txapela (22-5). Promozio mailakoa, Uxue Oses eta Madalen Etxegaraik osaturiko bikoteak eraman du (18-15), partidaren bigarren zatian markagailua irauli eta gero.


2019-03-06 | ARGIA
Pilota champion Bixintxo Bilbao was sanctioned for waving the Basque flag

The news spread around the Basque pilota world like gunpowder: “Bixintxo Bilbao has been punished for bringing out the ikurrina (the Basque flag) on the podium”. He was the world champion pilota player in 2018 along with partner Peio Larralde.


2019-02-28 | ARGIA
Bixintxo Bilbao pilotariari zigorra kendu dio Nazioarteko Federazioak

Munduko pilota txapelketako sari banaketan ikurrina erakusteagatik Bixintxo Bilbao ziburutarrari jarritako isuna, kendu egin dio Nazioarteko Pilota Federazioak.


Bixintxo Bilbao
"Batzuek gordea duten gorrotoa azaleratu du zigor honek"

Asteburu gazi-gozoa izan du Bixintxo Bilbaok, Munduko Pilota Txapelketan ikurrina erakusteagatik jasotako urtebeteko zigorraren atsekabea iritsi zaizkion babes mezu ugariek leundu baitiote. Egindakoaz harro dago, errepikatuko lukeela dio, eta ebazpenaren aurkako helegitea aurkeztuko du.


2019-02-25 | ARGIA
Bixintxo Bilbao pilotariak helegitea jarri dio ikurrina ateratzeagatik jarritako zigorrari

Iparraldeko nahiz hegoaldeko pilota mintzalekuetan sutautsa bezala zabaldu da berria: “Bixintxo Bilbao zigortua izan da Munduko Txapelketan ikurrina podiumean zabaltzeagatik”. 2018an munduko txapelduna izan zen Peio Larralde bikotekidearekin.


2019-02-08 | Euskal Telebista
Eskuak, zeru eta infernu
MULTIMEDIA - dokumentala

Esku-pilotari buruzko dokumental honek, pilota lagun, eskuek frontoiko kirol honetan duten garrantzia azpimarratzen du. Loria eta amets gaiztoa horien 'esku' dago. Abel Barriola, Jokin Altuna, Mikel idoate, Olatz Arrizabalaga eta Patri Espinar dira, besteak beste, dokumentalaren protagonistak.


2019-01-04 | Iņigo Igartua
Miguel Gallastegi pilotari ohia zendu da 100 urterekin

Hiru aldiz buruz buruko txapeldun izana, 1948,1950 eta 1951 urteetan, esku pilotaren mitoa izatera heldu da Gallastegi.


Eguneraketa berriak daude