Petronorreko lan baldintza txarrak salatu dituzte larunbatean langile bat hil ostean

  • Muskizko Petronorrek azpikontratatutako Masa enpresako Antonio Benito Anido hil da findegiaren funtzionamendu orokorra aztertzeko etenaldian. Lan erritmo altua eta lanaldi luzeak –hamabi ordukoak– azpimarratu ditu langile batzordeak larunbateko heriotzaren harira.


2017ko otsailaren 14an - 16:44

Petronorrek eman dituen azalpenen arabera, gaueko txandan lanean hastear zela hil zen langilea, lanarekin lotura ez duten arrazoi naturalengatik. Fabrikaren funtzionamendua aztertzeko egindako etenaldian 1.000 langile aritu ziren eta azpikontratatutako 55 enpresa.

2017an adostutako ordutegia eta lanaldien luzera Petronorreko zuzendaritza ez direla errespetatzen ari salatu dute langileek. "Egia da lortu dugula hamabi orduko atsedenaldiak egitea, baina era berean egia da ohiko lanaldiak ere hamabi ordukoak direla. Industriako lan arriskutsuetan dagoen tentsioak eta ahalik eta azkarren lana amaitzeko beharrak, batzuetan horrelako ondorio larriak eragiten dituzte".

Azken urteotan, antzeko egoeretan, lau lankide hil direla gogorarazi dute. Denek zortzi ordutik gorako lanaldia zutela adierazi dute. Etenaldietako lanak oso prekarioak direla azaldu dute, "ez dago lanera huts egiterik ezta medikuarenera joateko ere, eta gaixotuz gero are okerragoa da, oso litekeena da berriz langile hori ez kontratatzea".

Enpresa-batzordeak eta azpikontratatutako enpresetako ordezkariek 24 orduko dolu-eguna antolatu dute gaurko.


Kanal honetatik interesatuko zaizu: Lan istripuak
2024-02-27 | ARGIA
Langile bat hil da Arrasaten; urtea hasi denetik, 17

Astelehen arratsean gertatu da ezbeharra, Arrasaten, hiru metroko sakonerara erorita.


2024-02-15 | ARGIA
Langile bat hil da Olaztiko zementu-enpresa batean

Ostegun eguerdian gertatu da ezbeharra Cementos Portland enpresan, Olaztin. Urtea hasi denetik 15 langile hil dira Euskal Herrian.

 


Hiru egunetik behin langile bat hil da Euskal Herrian, urtea hasi zenetik

Durangon 47 urteko langilea hil da asteartean eta jadanik istripuz hildako 14. behargina da aurten Euskal Herrian, LABek emandako datuen arabera. Fumbarri lantegiko teilatuan lanean ari zela erorita hil da langilea eta azpikontrataturiko enpresa batentzat ari zen. Sindikatuek... [+]


2024-01-22 | ARGIA
Lau langile hil ziren Euskal Herrian aurreko astean

Urizaharreko harrobian lanean ari zela hil zen behargin bat joan den ostiralean, makina batek harrapatuta. Urtea hasi denetik, zortzi langile hil dira.


2024-01-18 | ARGIA
Behargin bat hil da Errenterian aldamio batetik erorita, urteko zazpigarrena

Urtea hasi denetik lanean hildako zazpigarren langilea da. Astebeteko epean, bost behargin zendu dira.


Eguneraketa berriak daude