Pertsona migratzaile baten bila ari dira Bidasoa ibaian
Apirilaren 18an, muga zeharkatu asmoz, ibaira eroritako pertsona baten bila ari dira Bidasoa ibaian. Iaz zazpi pertsonek galdu zuten bizia Frantzia eta Espainia arteko muga igarotzeko saiakeran, eta aurten batek. Bila ari diren pertsona aurtengo bigarren hildakoa izan liteke.
Bilaketa lanak abiatu dituzte asteazken goizean Bidasoa ibaian. Pasa den apirilaren 18an, muga zeharkatu nahian, ibaira jausitako pertsona migratzaile baten bila ari dira; desagertua beste bi pertsonarekin batera zioan Endarlatsa inguruetan (Lesaka, Nafarroa) ibaira erori zenean. Eitb-k jakinarazi duenez, desagertuarekin batera zioazen bi pertsonek eman zuten desagerpenaren berri asteartean, pertsona migratzaileei laguntzeko gobernuz kanpoko erakunde baten bitartez.
Eusko Jaurlaritzaren Larrialdiei Aurre Egiteko zerbitzua ari da operazio koordinatzen, eta erreskate lanetan dabiltza Ertzaintzaren Zaintza eta Erreskate Unitatea zein Hondarribiko Gurutzeko Gorria. Gipuzkoa eta Nafarroa arteko mugaren ingurua miatzen dabil Ertzaintza, eta Bidasoako bokalea eta Faisaien uhartean ari da bila Gurutze Gorria.
Frantzia eta Espainia arteko muga gurutzatzeko saiakeran zazpi pertsonek galdu zuten bizia iaz, eta urtea hasi denetik pertsona batek. Martxoan, 24 urteko Ibrahim Diallo itota hil zen Bidasoa ibaian, muga zeharkatu asmoz uretara erori ostean. Bila ari diren pertsona aurtengo bigarren hildakoa izan liteke.
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]
Espainiako Gobernuak dio "behin-behinekoa" izango dela itsasoaren erdian sortuko duten kartzela. 600 metroko luzera du uharteak, eta Almeriako kostaldearen eta Marokoko Tres Forcasen artean dago. Militarrek erabiltzen dute.
Rishi Sunak lehen ministroak jakinarazi du deportaziorako "baliabideak" prest dituela "legez kanpoko migratzaileak" kanporatzeko. Auzia etenda dago Auzitegi Gorenaren erabaki baten eraginez, baina parlamentuak Sunaken lege bat onartu berri du horren gainetik... [+]
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Hegoaldetik ekimena pertsona migratuei ekonomia sozial eraldatzailea hurbiltzeko jaio zen 2023ko ekainean, Enarak kooperatiba, OlatuKoop eta Lankiren eskutik. Geroztik ari da bidea egiten, formazio saioak eskaini nahi ditu eta Katalunian izandako esperientziak konpartitu... [+]