Pertsona guztien erregularizazioa aldarrikatu dute: "Ez da karitatea, justizia da"

  • Espainiako Kongresuan eztabaidatu eta onartu dadila paperik gabe dauden herritar guztien erregularizazioa, “baldintzarik gabe eta behin betiko”. Hori da Bilbon, Donostian eta Iruñean migratzaileek asteburuan egindako aldarrikapena, Espainiako Estatuko beste hainbat hiritan bezalatsu.


2020ko uztailaren 21an - 17:39
Argazkiak: Ecuador Etxea.

“Pertsona arrazializatu, migratu eta errefuxiatuen borrokak aurrera jarraitzen du eta ez gara geldituko gure eskubideak, askatasuna eta duintasuna aintzat hartu arte”, dio Erregularizazioa Orain plataformak. Pertsona guztiak berehala, behin betiko eta baldintzarik gabe erregularizatzeko eskatu dute eta “agintari guztiek erronka hori modu integralean, inklusiboan eta gizatiarrean har dezatela".

Karitateagatik ez, justiziagatik aldarrikatu dute erregularizazioa, oinarrizko eskubidea dela eta pertsona guztien duintasuna lortzeko lehenengo urratsa dela ulertuta.

Erregularizazioaz gain, baldintzarik gabe Euskal Herrian pertsona guztiak erroldatzea ere eskatu dute, baita guztiz bidegabea eta diskriminatzailea den Atzerritartasun Legea indargabetzea ere.

Emakume migratzaileak, bizitzari eusten diotenak

Indarkeria polizial arrazista salatzeko aprobetxatu dituzte pasa den asteburuko manifestazioak (“profil etnikoaren araberako sarekada arrazisten amaiera eta kale saltzaileen kriminalizarioaren bukaera eskatzen dugu”) eta zaintza lanetan ari diren emakume migratzaileak izan dira protagonista: “Haiek dira, haien gorputzekin, bizitzari eusten diotenak lan baldintza txar eta bidegabeetan”.

Ecuador Etxeak ateratako irudiak Bilboko manifestaziokoak dira. Ehun bat lagun bildu ziren igandean, Atzerritartasun Bulegoaren aurrean.

 


Kanal honetatik interesatuko zaizu: Inor ez da ilegala
Bost urte inor ez da ilegala aldarrikatzen

Bost urtean, Inor ez da ilegala proiektuak lau haizetara zabaldu ditu migratzaileen eskubideen aldeko lelodun kamiseta, jertse eta poltsak; elkarlana eta elkartasuna oinarri dituen ekimenak istorio eta bizipen ugari oparitu dizkigu; eta zoritxarrez, inoiz baino biziago... [+]


2023-07-13 | Ilargi Manzanares
Texasen “harresi flotagarri” bat eraikitzen ari dira, migratzaileei bidea oztopatzeko

Neurria Texaseko (AEB) gobernadore Greg Abbott kontserbadorearen proposamena da. Migratzaileen aurkako beste hainbat politika erasokor aplikatu ditu aurretik: kontzertinen instalazioa, mugako patruilen sorrera, eta migratzaileen deportazioa estatu demokratetara autobusez.


2023-07-07 | Ilargi Manzanares
Irun eta Hendaia arteko mugaren “antzerki lotsagarria” salatu dute

Irungo eta Hendaiako herritarrak elkartu dira Santiago zubian, “Ireki zubiak, elkartasuna eraiki” lelopean ostegunean.


2023-07-05 | Ilargi Manzanares
Irun eta Hendaiaren arteko muga irekitzeko elkarretaratzera deitu dute, migratzaileen eskubideen alde

Uztailaren 6an, 18:00itan, Santiagoko zubian deitu dute kontzentraziora hainbat taldek, hala nola Bidasoa Etorkinekin, Irungo Harrera Sarea, edo Ongi Etorri Errefuxiatuak.


Hör Berlin eta legalitate kontu batzuk

Han agertu zen, Hör Berlinen, Brava DJa, bere txapela gorri eta guzti Inor ez da ilegala leloa zeraman kamiseta jantzita. Orain hilabete pasatako kontua da eta spoilerra egin badizut ere, irakurle, amaiera horixe duen istorio polita kontatuko dizut gaur.


Eguneraketa berriak daude