Pentsionisten erosmen ahalmena kolokan Espainiako Estatuan
Espainiako Gobernuak egin nahi duen pentsioen erreforma aurkeztu zuen atzo Fátima Báñez Enplegu eta Segurtasun ministroak. 2014an jarriko dute martxan erreforma eta pentsioak ez dira jada Kontsumoko Prezioen Indizearen arabera kalkulatuko (gauzen prezioen igoeraren arabera, alegia), baizik eta gizarte segurantzako irabazi eta galeren arabera.
aurre egingo dieten hedabide independenteak
Báñezen esanetan, pentsioak ez dira izoztuko edo jaitsiko eta gutxieneko %0,25eko igoera bermatuko da urtero. Gehienezko igoera bat ere ezarri dute: KPI gehi %0,25.
2019tik aurrera, gainera, "jasangarritasun faktorea" deitu dutena hartuko da kontuan eta pentsioak pertsonen bizi itxaropenera egokituko dituzte.
Sindikatuak, kontra
Sindikatuak ez daude erreformarekin ados. Adierazi dutenez, erosteko ahalmen txikiagoa ekarriko du aldaketak, pentsioek ez baitute prezioen igoerarekin bat egingo eta hainbat ekonomia adituren hitzetan, etorkizunean nekez iritsiko da pentsioen balioa KPIaren mailara.
