Patxi Ruiz euskal presoak gose greba utzi duela argitaratu du Berria egunkariak. 31 egun zeramatzan jan gabe eta aurreneko hamabi egunetan egarri greba ere egin zuen.
Murtzia II espetxean dago Patxi Ruiz Txantreako (Iruñea, Nafarroa) presoa eta kartzela horretako baldintzen aurka eta euskal preso guztiak Euskal Herriratzearen alde hasi zuen protesta maiatzaren 11n.
31 egun pasa ditu Ruizek jan gabe eta horietatik hamabi egarri greba ere egiten. Borrokaldia uzteko arrazoiak presoak berak esplikatuko ditu, haren gertuko iturriek Berriari esan diotenez.
Gose greba hasi zuenetik mobilizazio ugari izan da Euskal Herrian presoarekin elkartasunez. Asteazken honetarako ere bazeuden mobilizazioak deituta, adibidez Iruñean, Udaletxe Plazan, 20:00etan.
Presoaren egoera salatuz hainbat pintaketa ere egin dituzte azken hilabetean EAJ, PSE-EE, Sortu eta Podemos-Ahal Dugu alderdien egoitzetan.
Espainiako Auzitegi Nazionaleko Manuel Carcía Castellón epaileak sei pertsona epaituko ditu Ongietorrien auzian: Antton López Ruiz Kubati, Kai Saez de Egilaz, Pipe San Epifanio, Haimar Altuna, Oihana Garmendia eta Oihana San Vicente. Guztiak Sortuko kideak... [+]
Astelehenean jakinarazi du albistea Etxerat elkarteak. Otxandioko preso politikoa baldintzapeko askatasunean zegoen 2023ko martxoaz geroztik.
Kontzertuen bidez euskal preso eta iheslariak laguntzea da xedea. Aurten, Rakatapunk, Xutik eta Esne Beltza dira egitarauan.