Patxi Lopez PSOEko primarioetarako lehen hautagaia

  • Patxi Lopez lehendakari ohia PSOEko primarioetara aurkeztuko da. Bere izena eman duen lehen hautagaia da eta Pedro Sanchez idazkari nagusi ohiak duen babesa bereganatu nahi du. Lopezek azaldu du ez duela beste hautagaitzarik oztopatzeko asmorik, “militantziak erabakitzea baizik”.


2017ko urtarrilaren 16an - 09:35

Alderdi sozialistak maiatzean egingo ditu primarioak eta Lopez da oraingoz aurkeztu den bakarra, Pedro Sanchez eta Susana Díazek egingo dutenaren zain. “PSOE berriz eratzeko indarrekin” sentitzen dela adierazi du Lopezek hautagaitzaren xehetasunak eman dituen prentsaurrekoan. Bere proiektua amaierara arte eramango duela gaineratu du, inorekin akordiorik egin gabe.

Sanchezek hautagaitzarako berarekin kontatu ez duen Lopezen alde egin, bera aurkeztu edo “ez ez da” mugimendutik ateratako hautagaitza baten aldeko apustua egin beharko du. Azken bi aukerek gestora eta Díazekiko kritiko direnen botoak zatituko lituzkete.

Sanchez alderdiko idazkari nagusi izandako garaian berarekin egondako kide ugarik egin dute Lopezen alde, besteak beste Sanchezen bigarren izandako Cesar Luena edo Lopezen kabinete buru izango den Oscar Lopez. Ezetzaren alde zeuden autonomia erkidegoetako  idazkari nagusi gehienak ere kongresuko lehendakari ohiaren alde kokatu dira. PSEko Idoia Mendiak hautagaitza “albiste bikaina” dela azpimarratu du.

Sanchezen aldekoen ustez, ordea, buruzagien babesa lortzea jada ez da “giltzarria”. Idazkari ohiaren jarraitzaile den Odon Elorza Donostiako alkate ohiaren iritziz, Lopezek ezingo ditu “ez ez da” mugimenduaren aldeko militanteak bereganatu, “abstentzioaren alde egin baitzuen”.


Kanal honetatik interesatuko zaizu: Patxi Lopez
2023-12-13 | ARGIA
Patxi Lópezek ukatu egin du Iruñeko zentsura mozioa Sánchezen inbestidura baino lehen adostu zenik

Espainiako Kongresuan egiten ari diren eztabaidan oihartzuna izan du Iruñeko alkatetza aldatzeko PSNren eta EH Bilduren arteko akordioak. Alberto Nuñez Feijóok esan du "akordio enkaputxatu" bat dela. Patxi Lópezek, berriz, ukatu egin du... [+]


2021-07-12 | Mikel Asurmendi
Patxi Lopez
«Ez gaude euskal nortasun bakarra dagoela onartzeko prest»
Portugalete (Bizkaia), 1959. PSE-EEko idazkari nagusia. Ibarretxe auzian auzipetua dago. Lasai agertu zaigu halere: “Epaiketa ezerezean geratuko da”. Halaber, Ibarretxek herri galdeketa hobetsi eta Gernikako Estatutuaren heriotza iragarri badu ere, lehendakariari... [+]

2020-06-10 | Mikel Eizagirre
Patxi Lopezek polizia-arrazakeriaren aipamenak ezabatu ditu Espainiako Kongresuko batzorde bateko saioen egunkaritik

Patxi Lopez Espainiako Kongresuko Berreraikuntza Sozial eta Ekonomikorako Batzordeko presidenteak erabaki du ERCko Marta Rosique diputatuak arrazakeria polizialaren inguruan egindako adierazpenak saioen egunkaritik kentzea. Lopezen aburuz, "ez da egia eta iraingarria... [+]


Patxi Lopez proposatu du PSOEk berreraikitze batzordeko presidentetzarako

Ostegunean bozkatuko dute koronabirusak sortutako kalte ekonomiko eta sozialei aurre egiteko Espainiako berreraikitze batzordeko presidentea. Bi hilabeterako proposatutako kargua da, baina luzatzea aurreikusten dute.


Lopezek posible ikusten du EAJk proposatutako bidea, Euskadiren nazio izaera aitortzeko

Patxi Lopez PSE-EEko idazkari nagusi ohiak esan du "hitz egin daitekeela" EAJk “Euskadiren nazio izaera” aitortzeko egindako planteamenduari buruz.


Eguneraketa berriak daude