Euskara udalen kontratazioetan kontuan har dadila defendatu du Jaurlaritzak
Espainiako Gobernuaren ordezkari Carlos Urquijok udalei eta Gipuzkoako Foru Aldundiari hainbat errekerimendu egin dizkie kontratazioetan hizkuntza irizpideak kontuan hartu dituztelako. Patxi Baztarrika Eusko Jaurlaritzako Hizkuntza Politikarako sailburuordeak atzera egin dezan eskatu dio.
Espainiako Estatuko abokatuak helegiteak ezarriak dizkie Zarautz, Olazagutia, Anoeta, Lezo, Zestoa, Errezil… eta beste hainbat herriri. Gipuzkoako Foru Aldundia eta udal horiek administrazioko kontratazioetarako hizkuntza irizpideak kontuan hartzen hasi dira eta Gobernuko ordezkari Urquijok erabakiaren aurka egin du.
Patxi Baztarrikak El Diario Vasco egunkariari adierazi dioenez, Espainiako Gobernuaren ordezkaria erakusten ari den jarrera ez da onargarria eta atzera egin dezan eskatu dio.
HPSko buruak esan du administrazio guztiak, baita estatuko administrazioa ere, EAEn, behartuta daudela herritarren hizkuntza eskubideak babestera eta kontratazio administratiboak ez direla salbuespen: “Zeharkako kudeaketaren bitartez eskaintzen diren zerbitzu publikoak ere ez daude betebehar honetatik salbu”.
Informazio gehiago:
Gipuzkoako Foru Aldundiaren kontratazio irizpideez ARGIAn egindako artikulua (2343. zenbakia, 2012-11-04)
Eusko Jaurlaritzak EAEko Euskal Sektore Publikoan Euskararen Erabilera Normalizatzeko Dekretua onartu du otsailean. Duela 27 urteko dekretua ordezkatu du. Euskalgintzako eragileen ustez, Jaurlaritzak ez du baliatu “jauzi ausarta” emateko. Dekretu berriak ez du... [+]
23. Korrikaren atarian, udalerri euskaldunetako bizilagun guztiek Korrikaren berri izatea garrantzitsua dela iritzita, diptikoa banatuko du UEMAk hamaika hizkuntzatara itzulita.
Beste urte batez, uda garairako, Salto! udaleku ibiltariak antolatu ditu UEMAk. Udalerri euskaldunetako gazteak elkartuko dira aisialdiaz gozatzeko. UEMAren helburua da “euskaraz bizi diren gazteek inertziatik kontzientziarako saltoa ematea eta horrekin efektu... [+]
EAJren, EH Bilduren eta Azkoitia Bairen aldeko bozkekin hartu dute erabakia. Udalbatza osatzen duten hamazazpi zinegotzietatik hamaseiren aldeko botoa jaso du Udalerri Euskaldunen Mankomunitatera (UEMA) sartzeko eskaerak.
Uliazpi Fundazioa, Laudio, Barakaldo, Irun, Erandio... Edo beste era batera esanda: hizkuntza eskakizunak, Udal Legearen 6.2 artikulua, kontratazioetako klausulak... Sektore publikoaren euskalduntzea urrunegi joan dela esaten ari zaizkigu. Horretara dator oldarraldi judiziala... [+]