Paris, abenduaren 8a: data mugarria Jaka Horien bilakabidean

  • Edouard Philippe Frantziako lehen ministroaren hitzak dira: “Erregaien gaineko zergak ezin du nazioaren batasuna kolokan jarri”. Bere proposamen berria, “erregaien emendatzea sei hilabetez atzeratzea” izan da. Jaka horiek ez diote amuari kosk egin haatik. Parisen biharko iragarritako manifestazio deiari eutsi diote.

Mikel Asurmendi @masurmendi
2018ko abenduaren 07a

Abenduaren 1ean, iragan larunbatean, Jaka Horiak Parisen manifestatu ziren, baina euren ondoan casseurs edo “hausleak” deitu taldeek  sutan jarri zuten hiriburua. Macron presidentea jomugan jarri zuten. Eliseo Zelaien hiribidea eta Garaipen Arkuaren inguruan begirunerik gabe jardun zuten.

Abenduaren 8an, gertatutakoa biderkatu liteke eta Errepublika atzera ezinezko krisi politiko batera eraman. Jaka Horiek ez dute Edouard Philippek hitzemana sinesten. Areago, bere aldarrikapenak erregaien zergaz harago doaz: soldaten emendatzea, erosteko ahalmena handitzea, erretretatuen errenta igotzea…

Baina, bereziki, Jaka Horiek Frantziako Errepublikako presidentea publikoki mintzatzea nahi dute, Edouard Philippe-ren hitzek ez dute muntarik. Macronek hitz egitea nahi dute, baita onartu dezan orain arte hartutako neurri politikoak okerrak izan direla.

Jaka Horiek deitutako mobilizazioetara hiri aldirietatik batzen diren gazteak dira, eta poliziaren aurka gogor oldartzen gain, tokiko merkataritza guneak eta eraikin publikoak suntsitzen dituzte. Frantziarrek racaille edo "jendaila" gisa izendatzen dute. Alta bada, sektore horiek sistematik at bizi dira.

Jaka Horiek ez dute bat egiten euren ekintzekin, baina, Frantziako Gobernuak haien jarduera kondenatzeaz gain, haien aurrean jartzea eskatzen die Jaka Horiei. Egiari zor, krisiari irtenbide bat emango baliote, sektore horiek ez lukete aparteko onurarik jasoko. Hitz baten, sistematik at bizi den jendarte gero eta zabalagoa da.

Frantziako Gobernuaren hitzetan, bortxakeriarik gabe krisia gaindituko duen mahai-ingurua osatu daiteke. Alabaina, Jaka Horiak ez dira “solaskide demokratikoak”, eta horrek zailtzen du adostasuna. Alegia, ez dira demokraziaren arauen barnean ari.

Frantziako Gobernuaren hitzetan, bortxakeriarik gabe krisia gaindituko duen mahai-ingurua osatu daiteke. Alabaina, Jaka Horiak ez dira “solaskide demokratikoak”, eta horrek zailtzen du adostasuna. Alegia, ez dira demokraziaren arauen barnean ari

Krisia abiatu zenetik, lehen aldiz, Legebiltzarrean lekua duen ezker erradikalak –Jean-Luc Melénchon-en bitartez– eta eskuin muturrak –Marine Le Pen– jarrera hartu dute krisiaren aurrean. Ezkerraldeko taldeek Macronen dimisioaren eskatu dute. Ez du aurrera egin, Legebiltzarraren gehiengoak Macron babesten baitu.

Fronte Nazionaleko Marine Le Penen ustez, abenduaren 8an, larunbatez, Paris hankaz gora jar ditzaketen mobilizazioak geldiarazi ditzakeen bakarra Emmamuel Macron da. Presidenteak frantziarren aurrean hitz egin behar du, baina bere diskurtsoak ezin du hutsalik izan.

Krisia gaindituko bada, Jaka Horien errebindikazioak –hein handi batean bederen– ez dira honezkero aintzat hartu gabe geratuko. Areago, azken bi egunetan, ikasleek, garraiolariek eta laborariek, besteak beste, bat egin dute “ezer ezetik” jalgi den azken herri mugimenduarekin.

Frantziako sindikatuak bigarren plano batera pasa dira ezinbestean. Jaka Horiak mugimenduan biltzen direnak, sindikatu horietako partaideak dira asko, asko sindikatu gabekoak, baina une honetan sindikatuko buruak ez dira beren ordezkariak balizko negoziazio baten mahaian eseriko. Alea jacta est!    

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Jaka Horien mugimendua  |  Frantzia

Jaka Horien mugimendua kanaletik interesatuko zaizu...
2019-02-15 | Mikel Asurmendi
Espainiako hauteskundeen aurrerapena
Frantziako hedabideetan ia oharkabean pasa da iragarpena

Pedro Sanchezek goizeko 10:00etan iragarri du Espainiako hauteskunde orokorrak apirilaren 28an izanen direla. Frantziako hedabideetan, telebista kateetan –Fr2, LCI, France24 News–, 13.00etan, Espainiako aktualitate politikoa aztoratu duen berria oharkabean "pasa da" Frantzian.


2019-02-12 | Jakes Bortayrou
Nahaste borraste

Apartekoa da bizi dugun garai politikoa. Apartekoa ere militante abertzale eta ezkertiar frango inarrosten dituen sentimenduen zirimola. Hara palto horien mugimenduaren azterketa bat, honen alde baikor eta ezkorren bilduma egiten duena.


Jaka Horien erresuman gobernua mutilatzaile eta boluntarioak sorosle

Jaka Horien mobilizazioei polizia frantsesak emandako erantzunak balantze latza utzi du bi hilabetetan: 100 lagun larriki zauritu ditu, horietatik lauk eskua galdu dute eta hamalau gehiagok begia. Gobernuak orokortu du kautxuzko pilota eta GLI-F4 granaden erabilera, ordenari eusteko estrategia gogortzearekin batera. Erreakzioz, manifestari zaurituak artatu eta laguntzeko boluntario talde berriak zabaldu dira. Urruneko kolonietako matxinada eta errepresio giroa Hexagonoko hirietan.


Jaka horien aurkako Poliziaren indarkeria
MULTIMEDIA - erreportajea

Jaka horien mobilizazioei gogor erantzun die Frantziako Poliziak. Azken bi hilabetean 100 pertsona larri zauritu direla salatu du Mutilés pour l'exemple kolektiboak, hauetatik 14k begia galdu dute eta beste 4k eskua. Kolektibo honek kaleratutako datuekin bideo labur hau osatu dugu.


Jaka Horiak, inork espero ez zituen horiek

Urrian agertu ziren mugimendu sozial espontaneo moduan Frantziako Estatuan, sare sozialetatik zabaldutako protestarako deiek bilduta eta azaroaren 17k aurrera larunbatero mobilizatzen dira, hasieran erregaiei Emmanuel Macronen gobernuak ezarritako zerga berrien aurka, baina geroago azken urteotako politika sozial eta ekonomikoak salatzeko: nola zerbitzu publikoen murrizketak, aberatsei zergak arintzea, enpleguaren prekarizazioa…. eta sistema politikoaren aldaketa eske ere bai, ... [+]


2019-02-03 | Franšois Ruffin
Nire larunbat horia

Banaka hitz egin, ez nabil estereoan!”. Flixencourteko (Frantziako iparraldean) mendebaldeko barrikadan nago azaroaren 17 honetan, jaka horiz inguratua. Eskuinetik, txofer bat larri gida-baimeneko puntuengatik: “Estresatuta bizi gara, beldurrez, hainbeste radar, 80 km-ko abiadurak, familia pila izorratuta”. Semeaz ari zait orain: “Zuzenbidea ikasten zuen, abokatu edo epailetarako, baina orain ezin diogu lagundu, ez zaigu iristen… Auchan-en ari da, a zer... [+]


2019-02-03 | Patrick Farbiaz
Jaka horiak dira lehenbiziko masa-mugimendu sozial ekologista

Jaka horiak azaldu direnean, beste militante askok bezala erreakzionatu dut automatismoz. Metropolietatik begiratuta, bazterren batetik ateratako jende hauek kotxearen zibilizazioa defenditzen zuten, Le Penek sostengatzen zituen, derrigor izan behar zuten arrazista, sexista eta homofoboak. Biribilgune, peaje eta komertzialguneetako parkinetan biltzen zirenok, zergen kontrako antzinako matxinaden tradizioan, ezin zuten zer ikusirik eduki nik XX. mendeko askapen mugimenduen gramatikarekin... [+]


2019-02-01 | ARGIA
Frantziako Legebiltzarrak manifestatzea mugatzen duen legea bozkatu du

Jaka Horien mugimenduarekiko neurriak hartu ditu Frantziako Gobernuak. Diputatuek legea bozkatu zuten Frantziako Legebiltzarrean eta Christophe Castaner barne ministroak aditzera eman.  


2019-01-28 | I˝igo Igartua
Jaka Horietako batek begia galdu du, Frantziako Poliziak jaurtitako gomazko pilota batek kolpaturik

Jaka Horien mobilizazioak hasi zirenetik, 80 ikerketa ireki dira lesio larriak direla eta. Gomazko pilotak debekatzeko aldarri ugari izan diren arren, Frantziako Gobernuak ez du tankerako erabakirik hartu. Debekua ordez, hurrengo neurriaren alde egin du Gobernuak: gomazko pilotak darabiltzaten polizia agenteek bideo-kamerak eraman beharko dituzte, Philippe Castaner Barne Ministroak pasa den astean jakinarazi zuenez.


2019-01-28 | Argitxu Etxandi
Demokraziaren berpiztea

Palto horien mugimenduak ustegabean harrapatu du Frantziako gobernua, baita ere, orokorki, gizartearen zatirik haundiena. Ustegabe ala itsukeriaren poderioz? Protestatzaileen demokrazia zuzenaren eskaera demokraziaren berpiztearen adierazle da.


Azkenak
EGILEA
Eguneraketa berriak daude