Paris 365en elikadura zerbitzuak aurrera jarraituko du Iruñean, “elkartasunari esker”
Urte amaieran adierazi zuten jantoki soziala zabalik mantentzeko 100.000 euroko gutxieneko ekarpena behar zutela, eta bikoiztu egin dute kopuru hori: 234.850 euro jaso dituzte. Hala ere, cateringa itxi egin dute, lanpostuak murriztu dituzte eta etxebizitzen baliabidea beste entitate sozial baten esku utziko dute.
Joan den abenduan urgentziazko laguntza deia egin ondoren, Paris 365 fundazioak eskerrak emateko agerraldia egin du asteartean. Urte amaieran adierazi zuten jantoki soziala zabalik mantentzeko 100.000 euroko gutxieneko ekarpena behar zutela aurtengo otsaila baino lehen, eta bikoiztu egin dute kopuru hori: 234.850 euro jaso dituzte. Diru horrekin, elikadura baliabide guztiekin aurrera jarraitzea lortu dutela jakinarazi dute; alegia, jantokia, despentsa eta zopa beroa mantenduko dituzte.
Oinarrizko zerbitzuei eusteko jasotako ekarpenengatik eskerrak eman nahi izan dizkiote gizarteari. Nafarroako askotariko enpresa, fundazio, elkarte eta taldeek emandako babesa nabarmendu dute, baina, ororen gainetik, herritarrek emandako laguntza azpimarratu dute, herritar anonimoek egin baitituzte ekarpen guztien %65. Diru bilketa “ikaragarria” izan dela esan du Patxi Lasa fundazioko zuzendariak.
Hala eta guztiz ere, zenbait zerbitzu bertan behera utzi behar izan dituzte. Batetik, cateringa itxi egin dute, eta dagoeneko jantokiko sukaldeetan bertan ari dira janaria prestatzen; baina ziurtatu dute aldaketa arazorik gabe gauzatu dutela. Bestalde, administrazioa eta kudeaketako lanpostuen %40 murriztu dituzte. Eta, azkenik, otsail amaierarako 24 etxebizitzen baliabidea itxiko dute; baina, esan dutenez, etxebizitzak beste entitate sozial baten esku geratuko dira. Neurri horiekin, 150.000 euro aurreztea aurreikusten dute.
Aurrera begira, bi helburu finkatu dituzte: Garabato haur eta gurasoentzako ikasketa komunitatea zabalik mantentzea eta eguneroko gastuak eta sarrerak bateratzea. Helburu horiek lortzeko, bazkide gehiago beharko dituztela nabarmendu dute. Zehazki, bi urteko epean mila bazkidera iristeko helburua jarri dute.
Azkenik, jakinarazi dute Paris 365eko kideek Iruñeko Udalarekin elkarrizketak izan dituztela, udal jantokiko zerbitzua osatzeko lankidetza itun bat sinatzeko, eta halaber, Nafarroako Gobernuko zenbait departamenturekin nahiz parlamentuko eskubide sozialetako batzordearekin ere solastatu direla, “inplikazio handiagoa” eskatzeko.
Irailaren 9tik 12ra hamaika ekintza antolatu dituzte, herriko eragile, ekoizle eta merkatariekin elkarlanean. Gure lurra, gure jatekoa lelopean, herritarrak “bertako produktua zaintzera” bultzatu nahi dituzte, besteak beste. Ostiralean da hitzordu nagusia: azokak... [+]
Hamargarren urtemuga ospatuko du aurten Nafarroako Azoka Ekologikoak. Berrogei postuko azokaz gain mintzaldiak, tailerrak, kontzertuak eta erakusketak izanen dira
Herriko Etxeak elikadura burujabetzaren aldeko urrats handia egingo du 380 metro koadroko azpiegitura berriarekin. Sukaldeak haur eta adinekoentzako janari osasungarria eskainiko du, tokiko produktuekin eta tokiko laborantza indartuko du.
109 elkartek adierazi berri dute, tartean Munduko Osasun Erakundeak edo Mugarik Gabeko Medikuek, Gazan gosete masiboa sufritzen ari direla, Israelgo Gobernuak hala erabakita. Bi milioi lagunen kontra gosea arma gisa erabiltzen ari dira, etekin politikoak lortu asmoz. 2025ean,... [+]
Gabezia, pobrezia eta erromestasuna orokortu ziren. Euskal Herri atlantikoa harropuzkeriaren ur gaineko bitsetan bizi zen. Itsasoz haraindiko merkataritzak, arrantzak eta estraperloak gure iparralde osoko jendartea aberasten zuten. XVI-XVIII mendeak ziren. Meatzariak,... [+]
Urtero bezala, aurtengoan ere martxan dira Araban, Bizkaian eta Gipuzkoan Udako Azoka Ekologikoak. Euskadiko Nekazaritza eta Elikadura Ekologikoaren Kontseiluak antolatzen ditu azokak, Gipuzkoako Biolurrekin, Bizkaiko Ekolurrekin eta Arabako Bionekazaritza elkarteekin batera... [+]
Zazpigarren urtez, Adunako (Gipuzkoa) Zabala sagardotegian egin dute Ja(ki)tea sarien banaketa, euskal gastronomia tradizionala oinarri duten jatetxeen artekoa. Besteren artean, Getariako Kosta Aroak irabazi du bertako ekoizle onenaren saria, Tafallako Tubalek plater... [+]
Marurin kokatutako proiektua da Mustai Ortua, Gorka Areitio Elorduik eta Marcela Pava Gomezek bultzatua. Diseinu grafikoko ikasketak egin zituen Areitiok eta horretan ari zen lanean, baina gainezka eginda zebilen. Pava, berriz, abokatua da lanbidez, baina ezin zuen horretan... [+]
Lau astetan 550 hildako eta 4.000 kolpatu egon dira GHF fundazioaren banaketetan. Jakiaz gain, tiroak ere banatzen dabiltzalako sionistak. 170 GKEk dute egitura horren desagerpena galdatzen. Baina Israelek beregain nahi du laguntzaren saila ere –finean, gosetearena... [+]
AEBek eta Israelek kudeaturiko erakundeak ez du Suitzako ordezkaririk ezta helbiderik bertan eta horregatik abiatu du egitura desegiteko bidea Suitzako Zaintza Agintaritza Federalak. Gazarako Israelek kontrolaturiko "laguntza" bideratzen dabil GHF fundazioa, soilik lau... [+]
Ostirala da, bero handia egin du gaur ere. Baserriko lanak bukatu ditugu, belarretan egin dugu. Nekatuta, izerditan, berotuta, baina pozik! Denon artean lortu dugu, denok bat ekinda lana hobeto egiten da.
Lanez lepo harrapatu dugun arren, eskuzabal hartu gaitu Eusko Jaurlaritzako Hezkuntza sailburuak; elkarrizketarako aurrez adostuta genuen denbora luzatzen utzi digu, luze jo baitu solasaldiak. Karguan urtebete egin duelarik, berrikuntzaz aritu gara Begoña Pedrosarekin,... [+]
Hamabost urte baino gehiago daramatza martxan Bizkaiko Kimuak ernamuinduen proiektuak, baina hasierako bultzatzaileak erretiratu dira eta erreleboa hartu berri dute Mikel Landa Luzarragak eta Asier Iñigo Oraindik. Ernamuindutako kimu freskoak ekoizten dituzte batik bat,... [+]
Eusko Jaurlaritzako Hezkuntza sailburuak iragarri duelarik hainbat ikastetxe eta zonaldetan sukaldeak jarriko dituztela, EHIGE gurasoen federazioak dio gaur egun catering-enpresen esku dauden eskola-jantokietako eredua bera aztertzea eta bestelako kudeaketa bat bultzatzea dela... [+]
Ekoizleen eta kontsumitzaileen arteko zuzeneko harremanak sustatzeko asmoz azoka berria jarri du martxan Iruñeko Udalak, INTIA-Reyno Gourmetekin, Nafarroako Nekazal Produkzio Ekologikoaren Kontseiluarekin (NNPEK), Elikagai Artisauen Elkartearekin eta Bizilurrekin... [+]