Pandemiari lotutako neurriak kentzen edo arintzen ari diren honetan, Iruñeko kartzelan COVID-19agatik ezarritako murrizketak mantentzen direla kritikatu du Salhaketa kolektiboak. Hala nola, irteteko baimena duten presoek bueltan berrogeialdia egin beharra edo bisean bisak galarazita egotea.
Hainbat adibide eman ditu Salhaketa kolektiboak. Espetxetik ateratzeko baimena duten presoek bueltan berrogeialdia egin behar dute, eta horrek esan nahi du “eguneko 24 orduak bakarrik egotea, inongo pertsonarekin kontakturik izan gabe, lau pareten artean itxita”, alegia “isolamendua erabatekoa, osasun neurri moduan ezarria”.
Halaber, bisean bisik edo aurrez aurrekorik egin ezin izatea ulertezina da Salhaketarentzat, eta presoei aurrez aurreko komunikazio hori galaraztea zein kaltegarria den azpimarratu du.
Espetxeko osasun eskumena Nafarroako Gobernuak du
Horrela ia bi urte daramatzatela gogoratu du kolektiboak, eta Nafarroako Gobernuari eskatu dio pandemiari lotuta Nafarroako gainerako herritarrei aplikatzen zaizkien neurriak aplikatu ditzala presoekin ere, joan den abuztutik foru gobernuak baitu Iruñeko espetxearen osasun eskuduntza.
“Iruñeko kartzelan preso diren pertsonen eta horien senide eta gertukoen eskubideak errespetatzea eskatzen dugu”.
Kartzeletako funtzionarioen protestak aitzakiatzat hartuta, milaka preso erabat giltzapetuta eduki dituzte Kataluniako sei espetxetan.
Iragan astean Oroitz Herrero 26 urteko irundarra hilik aurkitu zuten Arabako Zaballa espetxeko bere ziegan. Eusko Jaurlaritzaren arabera “heriotza naturala” izan zen. Gaztearen senideek ARGIAri adierazi diote, ordea, Herrerori ez diotela arreta mediku egokirik eman... [+]
Eusko Jaurlaritzak espetxeen transferentzia bere gain hartu zuenetik, duela bi urte eskas, laugarren heriotza izan da euskal kartzeletan, hirugarrena Zaballako espetxean.
Salatu du larunbatean bere burua urkatu zuen presoari ez zitzaiola suizidioen aurkako protokoloa ezarri eta ziegan bakarrik zegoela, aurreko egunetan “ondo ez zegoela” adierazi bazuen ere. Azpimarratu du Jaurlaritzak espetxeen eskumena hartu zuenetik bere buruaz... [+]
Salhaketa Arabak eman du heriotzaren berri. Elkartearen arabera, 47 urteko jatorri hegoamerikarreko gizonezkoa da hildakoa, eta bere burua urkatu du. Jaurlaritzak espetxeen eskumena hartu zuenetik Arabako espetxean hiltzen den bigarren presoa da.