Palestinarekin elkartasunez, McDonald’s berriari boikota egitera deituko dute Santutxun
Abenduaren 13an mobilizazioa antolatu dute Santutxun (Bilbo), enpresa amerikarra palestinarren aurkako genozidioaren parte dela salatzeko. Auzoko kideek azpimarratu dute ez dutela nahi auzoan sarraskiari sostengua ematen dion enpresa multinazionalik.
aurre egingo dieten hedabide independenteak
Ostiral honetan irekiko dute McDonald’s berria Santutxun, Zabalbide kaleko 51. zenbakian, Bilboko bosgarrena. Horren aurrean, enpresaren aurkako boikot kanpaina abiatu dute Santutxuko auzokideek.
Enpresak Palestinaren aurkako genozidioarekin lotura duten enpresekin dituen harremanak jarri dituzte jo puntuan auzokideek. Adierazi dute mota horretako enpresek “ez dutela lekurik” Santutxun. Akziodunen artean sarraskiari nazioarteko sostengua ematen dioten korporazioetako batzuk daudela kritikatu dute, arma salerosketa egiten dutenak edo Israelekin harreman zuzena dutenak. Hala nola, BlackRock, Vanguard, Capital Group, Wellington, JPMorgan Chase, Morgan Stanley edo Geode Capital.
McDonald’s berriak auzoko beharrei erantzun beharrean, “hedatu nahi duen multinazional baten beharrei” erantzuten diela salatu dute ere.
Hori dela eta, ostiral honetan, lokala irekiko den egun berean, arratsaldeko 19:00etan Santutxuko Ritxi plazatik manifestazioa antolatu dute, Genozidioa gelditu, Israeli boikota! lelopean.
Mundu mailako boikota
Bide beretik, enpresaren aurkako boikot kanpaina globala areagotzeko deia egin du BDS-ek (Boycott, Divestment, Sanctions). Palestinarren giza eskubideen alde eta Israelgo apartheidaren aurka borrokatzen duen eragileak McDonald’s boikotatzeko deia egin du, enpresak Gazako genozidioa babesten duen bitartean.
Konpainiaren Israeleko frankiziak armadari otorduak ematea eta Gazan palestinarren genozidioa babestea salatu ditu. Honek, BDSren arabera, multinazionala zuzenean lotzen du nazioarteko legediaren urraketekin eta giza eskubideen kontrako krimenekin.
Israelen armadarekin loturak izateak eta apartheidaren krimenak babesteak ondorioak izan behar dituela azpimarratu du BDSk. Mundu osoko herritarrei boikotaren bidez presioa areagotzea eskatu die mugimenduak, McDonald’sek Israeleko frankizia-akordioa bertan behera utzi eta giza eskubideen aldeko jarrera argia hartu arte. BDSk nabarmendu du herri-ekimeneko boikotek eragin handia izan dezaketela konpainia handiak bere politika aldarazteko behartzeko.
Espainiako Vuelta abuztuaren 23tik irailaren 14ra izango da, bertan, Israel-Premier Tech taldeak hartuko du parte. Txapelketaren zuzendari Javier Guillének esan du "ezin dituztela kanporatu, puntuazioa dela eta parte hartzeko eskubidea" irabazi baitute.
BDZ Israeli Boikota, Desinbertsioak eta Zigorrak mugimenduko (BDS nazioartean) ordezkaritza bat bildu berri da Donostiako Klasikoa antolatzen duen Oceta erakundeko arduradun batekin. Jakinarazi digu aurten, iaz ez bezala, lasterketara ez dela talde israeldarrik etorriko... [+]
Bilboko Konpartsak osatzen duten 27 taldeetatik hamahiruk erabaki dute AEBetako Coca-Cola multinazionalaren produktu guztiak kenduko dituztela haien txosnetatik, Israel palestinarren aurka egiten ari den genozidioaren konplize izatea leporatuta.
LAB sindikatuak kritikatu du Sidenor enpresako buruari Joxe Mari Korta saria ematea, enpresa hori "Israelgo Armada indartzeko altzairua saltzen" aritu baita orain gutxira arte.
NBEren txosten batek azaldu du Beasaingo enpresak lagundu egiten duela Israelgo legez kanpoko kolonien hedapenean. Amnistia Internazionalek deialdia egin die gobernuei “urgentziaz” esku hartu dezaten txostenaren ondorioekiko.
Astearte eguerdian jakinarazi du Sidenorrek Israelekin harreman komertzialak etengo dituela. Ordu batzuk lehenago ELA, LAB eta ESK sindikatuek, BDZ mugimenduarekin batera, euskal enpresari eskatu diote gaur bertan Bartzelonako portutik Israelera irten den bidalketa bertan behera... [+]
El Salto hedabideak argitaratu zuen Espainiako dozenaka musika jaialdiren Superstruct sustatzailea Israelen aldeko funts batek erosi zuela. Geroztik, musika talde eta bakarlari ugari batu dira KKR-ren aurkako boikot kanpainan, eta Israel Palestinan egiten ari den genozidioaren... [+]
Beasaingo enpresaren akzioen %3ren jabe da Eusko Jaurlaritza, eta adierazi du CAFek nazioarteko legedia errespetatzen duela. BDZ Euskal Herriak gogorarazi dio gobernuak derrigortuta daudela okupazioa bultzatzen duten proiektuen aurka egitera.
Egoitza nagusia Basaurin duen enpresak IMI Systemi egin dio bidalketa. Armagintzan bakarrik aritzen da Israelgo Estatuko konpainia hori.
Azpeitiko Elkar-ekin taldeak protesta ekintza egin du asteazken gauean. 1.000 kilo obra-hondakin utzi dituzte bankuko sarreran, hildakoak irudikatzeko panpinak jarri eta porlanez zikindu dute egoitza.
Mundu guztia Gazari begira ari da orain. Baina Palestina ez da lur hori bakarrik. Bada beste lurralde bat, izen bera duena, ostutako lurren atzean, moztutako gorputz adarra nola begiratzen diona galdutako lurrari: Zisjordania, eta, egoera are bereziagoan, Jerusalem. Lurralde... [+]
Metro Bilbaok I-SEC Aviation Security S.L. segurtasun-enpresa kontratatu zuen apirilean. Horren aurrean, kexak aurkeztu dituzte dozenaka herritarrek Metro Bilbaoren bulegoetan, Bilbo-Palestina Herri Ekimena eta Nodo BDZ-Bizkaiak deituta.
Okupatutako Jerusalemgo Ekintza Nazional eta Zibileko batzordeak jakinarazi du trenaren bigarren fasearen hasiera, eta gaitzetsi egin du kokalekuen arteko komunikazioa indartzea duelako helburu. Zisjordanian 22 kokaleku berri ezarriko dituela adierazi du Israelek.
"Weissman kanpora, sionismo-faxismoa suntsitu" idatzi zuen sarean, palestinarrak erailtzeko deia egin baitzuen Granadako jokalariak. "Arrazakeriaren eta Xenofobiaren Aurkako Legea" ezarrita, isun erraldoia jarri diote Indar Gorriko kide bati.