Oximorona
Gogoan dut orain urte bete etxeratu gintuztenean, gure zentroan sortu zen iskanbila kolosala izan zela. Nonahi barrunda zitekeen zalaparta hura: institutuko atarian, pasabideetan, komunetan, irakasle-gelan, zuzendaritzan, autobus-geltokian, frontoian, gimnasioan, jantokian, ikasgeletan zein kafe-makinaren aldamenean. Gasteizeko eskolak eta bigarren hezkuntzako zentroak euren ateak ixten aurrenekoak izan ziren, lautadako hiriburuko umeak eta gazteak birusaren kutsatzaile ikusezinak zirelakoan. Usteak erdia ustel. Arin heldu zitzaien itxiera Euskal Herriko, Espainiako eta mundu osoko ikastetxe askori. Beldurrak edota ezjakintasunak sortutako hasierako euforiari, ordea, adio esan genion berehala, eta ordenagailuetako teklatu hotsak gailendu ziren askoren etxean.
Halabeharrez, egunek, asteek eta hilabeteek aurrera egin dute, tantaka, COVID-19a itogin erraldoia bailitzan. Tantakada bakoitzarekin, batzuetan itxaropentsu, beste batzuetan ezkor, mamuari so egiten diote nerabeek erabateko normaltasuna –askatasuna– eskuratzearen zain.
"Askok, niri horrela aitortuta, garrasi egin nahi dute, baina ez dira gai, ez bada kostata eta negar-anpuluka euren miseriak entzuten dituen terapeutaren aurrean"
Joandako ikasturte beltzean tentsioa, estresa, nekea, motibazio eza eta tankera horretako izen ondoak nagusitu ziren ikasleen jarraipena egiten genuen heinean, inor ez baitzen bestelako adjektiboak erabiltzera ausartzen gazteek bizi zuten ataka deskribatzeko. Sarritan Felix Iñurrategik anaia gazteari aspaldi esandako esaldi eder hura gogora ekartzen nuen, eta ikasleei Bihar ere eguna argituko dik errepikatzen nien, lagungarria gerta zekiekeelakoan. Lagungarria ote?
Ilusio hutsa izandako uda agurtu bezain laster, ikasturte berriarekin batera irakasle asko euritako partida banatzen saiatu ginen, sikiera, gorago aipatutako itogin erraldoiak isurtzen zituen tantakadek gehiago higatu ez zezaten gure gazteen adorea. Zoritxarrez, ez da guztientzako adina egon; ez adorerik, ez euritakorik, alegia.
Dagoeneko ikasturtearen azken txanpan gaude, loraila hur dugu, 17 eta 18 urteko gazteentzat maiatza baita udaren ataria, baina, tamalez, gure etorkizuneko kimuen aldartea zabuka dabil.
Ikasgeletan ez dute gehiegi esaten. Beharrik ez, ordea, jakin baitakit dagokien askatasuna eskuratzearen zain daudela. Egia da, bai, azken boladan itxaropenerako tenorean bizi gara datu epidemiologiko baxuei edo berriki hezkuntza sisteman burutuko den txertaketari esker. Hala ere, askok, niri horrela aitortuta, garrasi egin nahi dute, baina ez dira gai, ez bada kostata eta negar-anpuluka euren miseriak entzuten dituen terapeutaren aurrean. Txertoak txerto, soilik espero dut garrasi mutu eta isilak laster amai daitezen.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Palestinan gertatzen ari dena ikaragarria dela erraten du jende orok karrikan barna, “Onartezina da! Genozidioa da!” bilakatu dira azken aldiko entzunenak. Egoera salatzeko elkarretaratzea egin, ordea, eta bidegabekeria dela pentsatzen duten hamar horietatik lau... [+]
Eusko Jaurlaritzak "Eskola inklusibo, ekitatibo eta kalitatezkoaren aldeko mahai" berria osatu duten gizarte-eragileei Euskadiko eskola-segregazioaren hasierako diagnostikoa eta erantzuna izeneko txostena banatu die, eztabaidatu eta adostasunak lortzeko. Debateak, beraz,... [+]
Udan zehar, mobilizazio sozial handia izan da eta herritarren plataformak sortu dira Lizarraldean biometanizazio-plantak direla eta: Viana, Lodosa, Los Arcos, Mendabia... Horietan guztietan erraz identifika daitezke gako berberak: 1/ Nafarroako Aldizkari Ofizialean proiektuak... [+]
Abuztua da. Iratxen bildu gara Jurramendi igotzeko. Gudarienetik baino, gurutzeen bidetik (via crucis) ekiteko gomendatu digute. Berbagai, Gazako egoera. Israelek, genozidioa gauzatzeaz gain, horren kontaketa ere isilarazi nahi du: ia 300 kazetari erail ditu, Al Jazeerako Anas... [+]
Suaren presentzia naturan milioika urtetan izan da (gizakion agerpena baino askoz lehenagotik). Horregatik, ohikoa da landare askok suaren aurrean adaptazio ugari edukitzea. Gure inguruan arruntak diren arteek eta ametzek, adibidez. Baita txilar askok eta otea bezalako sastraka... [+]
Ikasturte berriarekin batera, EHU Palestina plataformako kideok berriro batzen hasi gara, ikasgela, ikerketa eta gainerako unibertsitate-jardueretan Palestinan Israel egiten ari den genozidioa eta horren konplizeak salatu eta baztertzeko. Abiatu ginenean oso bakarti sentitu... [+]
Iraila, errutinara buelta, askorentzat ikasturte berria eta horri dagozkion zirrarak: ikasturtea norekin konpartitu, nor izan alboan, zer ikasi, nola eta nora joan… Batzuentzat, esperientzia berriak bizitzeko lehen aldia.
Aldiz, beste batzuentzat esperientzia berririk... [+]
Ez dakit literatura-ikasketak egin ditudanarengatik den, baina nekez onartzen dut hitzen erranahien deformatze ideologikoa. Azken hilabete hauetan, eta bereziki Frantzian Bruno Retailleau Barne ministro denez geroztik, militante hitza zentzu arrunt peioratiboan erabilia da. Nik... [+]
Genozidioaren faseak, guztiak larriak izanda ere, une batzuetan eskandalagarriak, zaratatsuak, izan ohi dira, baina beste zenbait unetan isilean garatzen dira, ia oharkabean.
Entzutetsuak dira populu indigenen sarraskia Amerikan, Gernikako bonbardaketa, holokausto nazia... [+]
Abuztuaren erdian hasi zen eskubaloira entrenatzen seme zaharrena; irailetik aurrera, astean lau entrenamendu ditu (hiru tekniko, bat fisikoa) eta asteburuetan partida. 15 urte ditu. Erdikoak, eskola-kirolaz gain, futbola eta eskubaloia. 9 urte ditu. Etxeko agendan, leku gehiena... [+]
Grebek laguntzen digute ideologizazioan, kontzientziazioan, kolektibizazioan. Greba prozesu bat da, lanuzteaz harago. Epe motzean emaitzak lortu gabe ere –galdetu bestela Gasteizko lorezainei edota Gipuzkoako erresidentzietako langileei–, borrokarako eta... [+]
Interneteko plataforma boteretsuenek fenomeno bat sortu dute: euren sistemen baitan, negozio eredu “burujabeak” sortzearen ilusioa.
Australiako Glitch estudioak Guiniverreko zaldunak 2D animazio telesaila argitaratu berri du Youtube plataforman. Istorioan, Dana... [+]
Pasa den asteburuaren atarian, eta, oraingoan bai, hainbat hedabidetan Bernedoko udalekuetan gertatutakoa (Dutxa hotz bat denontzat) masiboki hedatu ostean, iritsi zen hezitzaileen adierazpena. Bertan, beraien “oinarri ideologikoak argitzea” eta “egiteko moduen... [+]
Euskal Udalekuetan egondako haur eta gazteen guraso edo/eta tutore legal gisa, babes osoa adierazi nahi dizuegu Bernedoko begiraleoi. Guztiz gaitzesten ditugu hezitzaileak jasaten ari zareten jazarpena eta sare sozialen bidez, publikoki zein maila pribatuan, egin zaizkizuen... [+]