Otsailaren 16rako mobilizazio nazionala deitu du Ernaik, "prekarietateari ateak ixteko"

  • “Gazteon bizitzak prekarietatez ezaugarritu dizkigute, bizirautera kondenatu. Eta enpleguari lotutako baldintza kaxkarrez haratago, ziurgabetasuna, heldulekurik eza eta segurtasun falta nagusitu dira gure bizitzako eremu guztietan. Ondorioz, emantzipatu eta bizi proiektu duin bat proiektatu eta eraikitzea ezinezkoa bihurtu da".

Artikulu hau CC BY-SA 3.0 lizentziari esker ekarri dugu.

2018ko abenduaren 21an - 09:49
Argazkia: @topatu_eus

Gazteen bizitzak “prekarietatez ezaugarritu” dituztela esan dute Gazte Antolakundeko kideek, eta enpleguari lotutako “baldintza kaxkarrez haratago”, ziurgabetasuna, heldulekurik eza eta segurtasun falta nagusitu direla gazteen bizitzako eremu guztietan: “Emantzipatu eta bizi proiektu duin bat proiektatu eta eraikitzea ezinezkoa bihurtu da eta jakin badakigu hau ez dela trantsitorioa edota koiunturala”.

Horregatik, “prekarietateari ate guztiak lehenbailehen ixtea” beharrezkoa dela azaldu dute eta otsailaren 16rako mobilizazioa deitu dute: “Iberdrola dorre paretik abiatuko da mobilizazio nazionala. Bilboko kaleak hartuko ditugu prekarietatea gelditu eta Euskal Herrian bizi nahi dugula aldarrikatzeko”.

Oraina Borrokatzeko Koordenadak dossierrean egoeraren analisi propioa egin ondoren, Gazte Biran abiatutako harreman sarea handitzen eta zabaltzen joan dela aipatu dute Ernaiko kideek. Euskal Herriko eragile, talde edota norbanako ezberdinekin “egoeraren larritasuna” elkarbanatu ostean, beraien hipotesietan berrestu dute: “gure bizitzen alor guztietako prekarietatearekin amaitzea beharrezkoa da. Argi dugu baina, borroka kolektiboa dela”.

Horregatik, kolektiboki “alarmak piztu” eta prekarietateari “ateak ixtea” tokatzen dela errepikatu dute eta horretarako, herri eta auzoetako lana ezinbestekoa izango dela: eremu lokaletako problematikak landu, egoerak elkarbanatu, bide berriak ireki…

Albiste hau Topatuk argitaratu du eta CC-by-sa lizentziari esker ekarri dugu ARGIAra.


Kanal honetatik interesatuko zaizu: Prekarietatea
2024-03-14 | Gedar
Mercadonak %40 areagotu ditu irabaziak, eta %30 Inditexek

Marka historikoak hautsi dituzte bi enpresek 2023an: Mercadonak lehen aldiz lortu du 1.000 milioi euroko irabaziak gainditzea.


Indarberriturik atera dira sektore publikoko langileak, hirugarren greba egunean

Sindikatu deitzaileen arabera, ikasturte honetan Araba, Bizkaia eta Gipuzkoako sektore publikoan antolaturiko greben artean jendetsuena izan da asteartekoa, eta batez ere garraio publikoan, hezkuntzan eta udal esparruan izan du eragin handiena. Manifestazioetan 30.000 lagunek... [+]


2024-02-27 | ARGIA
Langile bat hil da Arrasaten; urtea hasi denetik, 17

Astelehen arratsean gertatu da ezbeharra, Arrasaten, hiru metroko sakonerara erorita.


2024-02-15 | ARGIA
Langile bat hil da Olaztiko zementu-enpresa batean

Ostegun eguerdian gertatu da ezbeharra Cementos Portland enpresan, Olaztin. Urtea hasi denetik 15 langile hil dira Euskal Herrian.

 


Hiru egunetik behin langile bat hil da Euskal Herrian, urtea hasi zenetik

Durangon 47 urteko langilea hil da asteartean eta jadanik istripuz hildako 14. behargina da aurten Euskal Herrian, LABek emandako datuen arabera. Fumbarri lantegiko teilatuan lanean ari zela erorita hil da langilea eta azpikontrataturiko enpresa batentzat ari zen. Sindikatuek... [+]


Eguneraketa berriak daude