Osasunbideak ostegunean hartuko du bere gain Nafarroako Ospitale Guneko sukalde zerbitzua

  • Osasunbideak berriro eskuratuko du Nafarroako Ospitale Guneko elikadura zerbitzua, medio propioekin, UPNk pribatizatu zuenetik lau urtetara, Noticias de Navarrak jaso duenez. Eskainiko dituzten plateren kalitatea frogatu dute, gaixoen berreskuratze prozesuan lagungarriak izan daitezen.

Ane Eslava Serrano @eslavaane
2017ko maiatzaren 29a
Arg.: Noticias de Navarra

Lau urte eta lau hilabeteren ostean, ostegunean Nafarroako ospitaletako sukaldeak berriro publiko izango dira. Osasunbideak zerbitzu osoa bere gain hartuko du: erosketa, janaria prestatzea, plateretan jartzea, banatzea eta garbitzea. Kalitatearen aldeko apustua egingo dute; horretarako, elikagai freskoak lehenetsiko dituzte, janari prozesatua eta kontserbagarriak saihesteko.

140 langile publikok beteko dituzte funtzioak. Profesionalen talde batek 170 plater probatu ditu, fitxa teknikoak frogatzeko, beharrezkoa denean aldatzeko eta minimoak betetzen ez dituzten platerak kentzeko.

Sukaldeen pribatizazioa: urte batean 2.200 kexa

Mediterranea Catering-ek 2013an eskuratu zuen zerbitzua, 22,8 milioi eurorengatik. Pribatizazio prozesuan, ospitaleko langileen mobilizazioak eta sindikatuen kexak etengabeak izan ziren eta enpresa lanean hasi zenean gaixoen kexak hasi ziren. Lehen urtean 2.200 erreklamazio jaso zituzten –aurreko hiru urteetan, berriz, hamabost–. Garai horretan Nafarroako Ospitale Gunean egon ziren pazienteen %43k esan zuen ingresatuta egondako garaian elikaduraren kalitatearekin lotutako arazoak izan zituela.

Nafarroako Osasun Publikoaren eta Lan Osasunaren Institutuak espediente zigortzaileak ireki zituen enpresaren eta Nafarroako Legebiltzarraren aurka, ikuskapenetan aurkitutako arau-hausteengatik. Higieneari, instalazioen funtzionamendu eta mantenuari eta kutsatze gurutzatuaren arriskuari lotutako arazoak ikusi zituzten.  

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Osasunbidea kanaletik interesatuko zaizu...
Azkenak
EGILEA
Eguneraketa berriak daude