Osasuna Magna Xotari eta Ribera Navarrari bi kluben eta zaleen arteko “tentsioa jaisteko” lan egitea eskatu die Nafarroako Gobernuak
Atzo bi areto futbol klubetako ordezkariak, Tatono Arregi eta Alberto Remirez, Nafarroako Futbol Federazioko presidente Rafael del Amorekin, Nafarroako Kultura eta Kirol Kontseilari Rebeca Esnaolarekin eta Nafarroako Kirol Institutuko zuzendari Miguel Pozuetarekin bildu ziren
1. mailako Areto Futbol Txapelketan dabiltzan bi talde nafarren arteko harremanak –Osasuna Magna Xota eta Aspil-Jumpers Ribera Navarra– ez dira onenak momentu honetan. Ilbeltzaren hasieran ligako partida jokatu behar zuten bi taldeek Tuteran, eta bezperan talde irurtzundarreko jokalari batek positibo eman zuenez, taldeko gainontzeko jokalariek PCR probak egin zituzten eta bien bitartean klubak partida atzeratzea eskatu zion Espainiako Futbol Federazioari. Hurrengo egunean, Osasuna Magna taldea autobusez Tuterara zihoala, jaso zuten partida atzeratzeko baimena. Egun batzuk beranduago Aspil-Jumpers Ribera Navarra taldeak Osasuna Magna Xotari partida galdutzat ematea eskatu zion Federazioari, Tuterako taldearen iritziz Irurtzungo klubak ustez antigeno testak egiteko data ez omen zuelako bete. Eta gaia aztertzeko espedientea zabaldu zion federazioak talde irurtzundarrari.
Osasuna Magna Xotak, komunikatu bidez, azaldu zuen Ribera Navarraren jarrerak “tristura handia” ematen ziola eta nabarmendu zuen euren jokalari batek positiboa eman zuela jakin bezain pronto gainontzeko jokalariei beharrezko probak eta testak egin zizkiela, “COVID-19 oso serio hartzen dutelako”. Halaber, COVIDa dela eta ligako beste partida batzuk ere atzeratuak daudela gaineratu zuen Tatono Arregik zuzentzen duen taldeak. “Uste dugu Ribera de Navarrak bi taldeen artean dagoen fede oneko harremana gainditu duela, eta guztiak ez du balio. Kantxatik kanpo kirol etekinak lortzeko pandemia erabiltzea oso larria da” salatu zuen talde berdeak.
Tentsioa baretzeko goi mailako bilera
Bi talde nafarren artean sortutako tentsioa baretzeko, atzo, astelehena, Nafarroako Gobernuko Kultura eta Kirol Departamentuko kontseilari Rebeca Esnaola bi klubeko presidenteekin, Osasuna Magna Xotako Tatono Arregirekin eta Ribera Navarrako Alberto Ramirezekin bildu zen. Bilkura horretan ere Nafarroako Futbol Federazioko presidente Rafael del Amo eta Nafarroako Kirolaren Institutuko zuzendari Miguel Pozueta izan ziren.
Lasaitasunerako, errespeturako eta tolerantziarako deia
Esnaolak azaldu zuenez, “aurreko asteetan kluben eta zaleen artean sortutako tentsioaren gaineko kezka” azaldu zien bi presidenteei, eta “lasaitasunerako deia” egin zien, “kirol lehiak nahi ez diren mugak gainditu ez ditzan” eta Nafarroako areto futbolaren irudia bera hobetzeko. Kontseilariak nabarmendu zuen Nafarroako Kirol Institututik defendatzen diren kirol balioak “errespetuarena eta tolerantziarena” direla, eta balore horiek bere egitea eskatu zien bi klubei.
Bileran parte hartu zutenek nabarmendu zuten beharrezkoa dela bi taldeen arteko partidak “areto futbolaren festa gisa izatea, kirolaren balioak ordezkatzen ez dituzten portaeretatik urrun” eta kluben zein zaleen arteko errespetuzko giro hori sortzea ahalbidetuko duten ekintzetan lan egingo dela nabarmendu zuten.
Atxilotuek uko egin diote polizia-etxera joateari. Palestinarekin Elkartasuna plataformak eta BDZ Nafarroak babesa adierazi diete ikertutako pertsonei eta mobilizazioak iragarri dituzte atxiloketak gertatzen badira.
Israel Premier Tech txirrindularitza taldeak datorren denboraldirako “egungo nortasun israeldarretik urruntzera” behartua ikusi du bere burua, Espainiako Vueltan hauspotu ziren protestengatik. Gainera, Sylvan Adams sionista ez da aurrerantzean proiektuaren buru... [+]
Amedspor futbol taldea Turkiaren menpeko Kurdistango Amed hirikoa da. Elastikoan publizitatea kurdueraz idatzita eramateagatik jarri diote isuna.
Abuztuaren erdian hasi zen eskubaloira entrenatzen seme zaharrena; irailetik aurrera, astean lau entrenamendu ditu (hiru tekniko, bat fisikoa) eta asteburuetan partida. 15 urte ditu. Erdikoak, eskola-kirolaz gain, futbola eta eskubaloia. 9 urte ditu. Etxeko agendan, leku gehiena... [+]
Ideia bat argi duenean, oztopoak oztopo aurrera doa Rakel Mateo triatleta (Mungia, Bizkaia, 1975). 2001ean lan istripu bat izan ostean, ezkerreko hanka txikituta geratu zitzaion. Horren ondorioz, kirol egokitua deskubritu zuen eta hiru Paralinpiar Jokotan parte hartu du.
Deialdiak eta asanbladak sare sozialen bidez eginda, protesta jendetsuak ari dira izaten Marokon, hala nola Rabat hiriburuan eta Casablanca eta Tanger hirietan. "Egiturazko erreformak" eskatzen dizkiote gobernuari.
Orain arte ez dugu aipatu, baina bada 6-12 urte arteko umeen kirol jarduerari –aisialdiari, oro har– lotuta dagoen eta azpimarratzea merezi duen beste osagai bat: hizkuntza erabilera. Zentzu horretan, euskararen arnasgune dira Eskola Kiroleko programak, lekuan lekuko... [+]
Aurrerantzean, Gipuzkoako klub batean jokatu nahi duen 8-12 urteko umeak ez du derrigorrez Eskola Kirolean parte hartu beharrik izango, EAEko Auzitegi Nagusiak hala ebatzita. Multikirol ereduaren kontrako errekurtsoa jarri duen familiaren hitzetan, ez da bidezkoa erakundeek... [+]
UEFA Europako futbol erakunde nagusiak Israelgo selekzioa eta klubak hark antolatzen dituen txapelketetatik kanporatu ala ez erabakitzeko bozketa egingo du, hainbat hedabidek publikatu duenez, nahiz eta jakinarazpen ofizialik ez dagoen.
Asteburu honetan jakin dugu, Palestinarekin Elkartasuna plataformako kideen bitartez, Israelek 33. FCI/IGP Munduko Txapelketan parte hartu duela, Gasteizen ospatu den nazioarteko txakur lehiaketa batean. Duela egun batzuk izan genuen txapelketaren berri, baina Israel ez zegoen... [+]
Palestinako Futbol Elkartea eta Euskadiko Futbol Federakundea "lankidetzan" ari dira partida jokatu ahal izateko eta Espainiako Gobernuak oniritzia eman dio egitasmoari, Ser irrati kateak aurreratu duenez. Palestinako arduradunen esanetan, Israelek 355 futbol jokalari... [+]
Espainiako Vueltak zeresan handiagoa eman du aurten Palestinaren aldeko ekintzengatik, ziklisten arteko lehiagatik baino. Bosgarren etapan –taldekako erlojuz kontrakoan– dozena erdi ekintzailek Israel Premier Tech taldeko txirrindulariak geratu zituztenetik,... [+]
Israelgo zazpi jokalariek uko egin diote Sestaoko xake txapelketan jokatzeari, beren parte hartzearen aurka antolatutako protesten ondoren. Antolakuntzak aurretik eskatu zien parte ez hartzeko edota Israelgo banderarik ez erabiltzeko.
Osasuna futbol taldeak bat egin berri du AHTren aldeko enpresarien plataformarekin. Baina, "kirola eta politika ez dira nahastu behar" 'koinatuen' esaldirik gogokoena Bilbon gertatutakoaz besterik ez dugu entzun. 23 hilabetez jarraian estatu genozida batek... [+]