Osasun larrialdia berriz ere indarrean Araban, Bizkaian eta Gipuzkoan

  • Astelehenean berrezarriko da osasun larrialdi egoera EAEn. Erabakiak hartzeko Jaurlaritzak sortu duen batzordeak asteartean egingo du estreinako bilera, eta orduan ezagutuko dira lehenbiziko neurri zehatzak. Nekane Murgak eta Arantza Tapiak neurri murriztaile berriak aurreratu dituzte asteburuan.


2020ko abuztuaren 17an - 08:53
Nekane Murga eta Arantxa Tapia larunbateko agerraldian. Argazkia: irekia.eus.

Ostiralean jakinarazi zuen Eusko Jaurlaritzak osasun larrialdia ezarriko zuela astelehenetik aurrera. Legebiltzarreko hauteskundeak deitu aurretik indargabetu zuen larrialdi egoerara bueltatuko da EAE, ondorioz. Neurria indarrean egongo da EAEko aldizkari ofizialak iragartzen duen unetik aurrera. Jaurlaritzak erabakiak hartzeko batzorde bat osatuko du, zeinaren buru Iñigo Urkullu lehendakaria egongo den. Krisiaren kudeaketan indar politiko eta sozial gehiagoren parte hartzea ahalbidetzeko espazioak sortzea eskatu diote Jaurlaritzari azken egunetan EH Bilduk edo Ahal Dugu indar politikoek, baina momentuz ez dago berririk norabide horretan. Jaurlaritzak osatutako batzordeak asteartean egingo du estreinako bilera, eta orduan ezagutuko dira hartzen dituen lehenbiziko neurri zehatzak. Espainiako Gobernuak ezartzen dituen mugen barnean hartu ahal izango ditu erabakiak Eusko Jaurlaritzak.

Murrizketa gehiago eta “zuhurtziaz” bizitzeko deia

Larunbatean, edonola ere, Nekane Murga jarduneko Osasun sailburuak eta Arantxa Tapia jarduneko Ekonomiaren Garapen sailburuak agerraldia egin zuten zehaztapen batzuk aurreratzeko. Jakinarazi zuten neurri murriztaile berriak ezarriko direla COVID-19aren hedapenari aurre egiteko. Edukierak murriztuko ditu Jaurlaritzak, besteak beste. Irizpide orokorra hamar pertsona baino gehiago ez batzea izango da, nahiz eta salbuespenak izango diren –zinemak, esaterako–. Ostalaritzan eta garraio publikoan ordutegiak murriztuko dira. Beharren arabera herri edo auzo mailako neurri berezituak hartuko direla iragarri zuten jarduneko bi sailburuek. Herritarren konfinamendu orokorra baztertu zuen Tapiak, baina ez konfinamendu mugatuak.

Osasun larrialdiaren berrezartzea “atzerapausoa” dela onartu zuen Tapiak, baina “ezinbestekoa” dela defendatu zuen. Bere esanetan, hiru dira Jaurlaritzaren helburu nagusienak: osasun sistemak berriz ere gainezka egitea ekiditea; bigarren konfinamendu orokortu bat saihestea; eta “birusarekin bizitzen ikastea”, zeinerako “zuhurtzia” ezinbesteko jo baitzuen.


Kanal honetatik interesatuko zaizu: Covid-19 shockean adi
Hamar milioi euroko komisioak sortu zituzten Koldo García atxilotu duten maskaren operazioan

Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]


2022-03-29 | ARGIA
COVID-19aren aurkako pilulak iritsi dira Hego Euskal Herrira

Hego Euskal Herrira pilulaz betetako 722 kaxatxo iritsi dira, COVID-19a larri pasatzeko arrisku handiko gaixoentzat zuzenduta. Europar Patasunak COVID-19arentzako ahotik hartzeko gomendatu duen lehen pilula antibirikoa da Pfizerren Paxlovid eta Espainiako Gobernuak 253 milioi... [+]


2022-03-15 | ARGIA
Indarkeria matxista pandemian: erailketa gutxiago eta suizidio gehiago

Pandemiaren eragina indarkeria matxistan azterketa kaleratu berri du Espainiako Gobernuak. Bertan ondorioztatu dute eraildako emakume kopurua gutxitu egin dela, hauek kontrolatuta eduki dituzten denbora gehitu izanaren ondorioz. Baina emakumeen suizidioak gizonenak baino gehiago... [+]


2022-02-22 | ARGIA
Hipra txerto katalana merkaturatzear denean, patenteak kentzeko eskatu dute hogei erakundek

Merkatura ateratzear den Hipra txertoari patenteak kendu diezazkiola eskatu diote hogei erakundek Espainiako Gobernuari. Izan ere, Kataluniako multinazional honek COVID-19aren aurkako txertoa egiteko entsegu klinikoetarako diru publikotik gutxienez 15 milioi euro jaso ditu.


Hemen dator Gorillas, kalea hiltzeko makina berria: zuk eskatu eta 15 minutu barru etxean bertan jasoko duzu

Amazon ondoren Glovo, Deliveroo eta Uber Eats-ek gure hiri eta auzoetako bizimodua hankaz gora jarri dutela uste baduzu, adi hurrengo uhinari: heldu dira Cajoo, Flink, Dija, Gorillas, PicNic , Everli... COVID-19 betean sortuta, tximista bezala zabaltzen ari diren banaketako... [+]


Eguneraketa berriak daude