Arantxa Arza kazetariak eta Felix Zubia medikuak jaso dute Andoainen ospatu den 32. Rikardo Arregi sari nagusia. Euskadi Irratiko saioak, osasun-kontsulta zabaltzen du igande goizero eta entzuleei kalitatezko zerbitzu publiko eredugarria eskaintzen diela azpimarratu nahi du epaimahaiak. Saioaren zeregina ez da koronabirusaren nondik norakoak azaltzera eta argitzera mugatutzen, izan ere, entzuleek beste edozein gaixotasunez sortutako kezka, helarazi eta zalantzei erantzun die, "beti zehaztasunez, erraz ulertzeko moduko hizkera erabiliz eta gizatasunezko tratu pertsonalizatua lehenetsiz". 

Komunikazio saria CodeSyntax enpresak jaso du Egunean Behin aplikazioarengatik. Epaimahaiak azpimarratu du euskara bultzatzeko eta sustatzeko erabilgarria izan dela, haren inguruan sortutako komunitate handia da horren isla.