Aitor Esteban EAJko diputatuak adierazi du pandemia eskumenak trukatzeko baliatu behar dela eta pandemia osteko eztabaida esklusiboki ekonomian zentratzea beharrezko dela.
Aitor Esteban EAJko Espainiako Kongresuko diputatua elkarrizketa du Radio Euskadik apirilaren 20an (hemen gazteleraz). Pandemia eskumenak trukatzeko baliatu behar dela adierazi du eta pandemia osteko eztabaida esklusiboki ekonomian zentratzea beharrezko dela esan du: "Eskumenen kartak birbanatu behar dira, pandemiaren zirkustantziak baliatuta saiatu gaitezen bakoitzaren eskumenak aldatzen. Osasun arazoa gainditu behar dugu orain, eta behin hori eginda zentratu gaitezen zentratu behar den horretan: arazo ekonomikoa izango dugu ostean eta erabakiak hartu beharko dira. Ez dut uste horretarako hainbeste aditurik beharko dugunik, bakoitzak kontsultatu ditzakegu egoki jotzen ditugun adituak, ez da beharrezkoa bileretan eternizatzea, horrelako batzuk bizi izan ditut dagoeneko kongresuan".
Kazetariak galdetu dio apirilaren 21eko parlamentuko komisioa izan ote daitekeen adituez osatutakoa. Estebanen erantzuna hauxe izan da: "Nik askotan parte hartu izan dut adituen komisioetan, eta gai bat luzatu nahi bada, horretarako modurik onena da. Ez dakit, izan liteke hori erabili daitekeen moduetako bat, lehenik jende bat eramatea gauzak kontatu ditzan, eta ondoren bideratzea gaia haiei [gehiengoan diren alderdi politikoei buruz ari da] komeni zaien bezala".
"Aurreko egunean hitz egin nuen Sánchezekin bideokonferentziaz eta mahai bat sortzeaz aritu ginen. Mahai politikoa izango zen baina ekonomia errekuperatzera bideratua. Mahai hori gai ekonomikoetan zentratuko zela eta ez zirela beste gai batzuk ukituko esan zen". Ondoren mahai horretan beste gai batzuk landuko zirela jakinarazi zion email bidez Sanchezek, "besteren artean osasuna, dependentzia, Europa eta ekonomia". Azkenik, mahai hori ez da apirilaren 21ean martxan jarriko eta parlamentuko komisio bat izango da egingo dena (Estebanek adierazi du Sanchezek erabaki hori hartu zuela Casadorekin elkartu ostean). Esteban minduta mintzatu da plan aldaketa horrekin, adierazi du egokiagoa litzatekeela Sanchezek diskrezioz egin beharreko elkarrizketa guztiak egitea alderdi denen artean, eta hautatutako bidea ondoren egitea publiko.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
Hego Euskal Herrira pilulaz betetako 722 kaxatxo iritsi dira, COVID-19a larri pasatzeko arrisku handiko gaixoentzat zuzenduta. Europar Patasunak COVID-19arentzako ahotik hartzeko gomendatu duen lehen pilula antibirikoa da Pfizerren Paxlovid eta Espainiako Gobernuak 253 milioi... [+]
Pandemiaren eragina indarkeria matxistan azterketa kaleratu berri du Espainiako Gobernuak. Bertan ondorioztatu dute eraildako emakume kopurua gutxitu egin dela, hauek kontrolatuta eduki dituzten denbora gehitu izanaren ondorioz. Baina emakumeen suizidioak gizonenak baino gehiago... [+]
Merkatura ateratzear den Hipra txertoari patenteak kendu diezazkiola eskatu diote hogei erakundek Espainiako Gobernuari. Izan ere, Kataluniako multinazional honek COVID-19aren aurkako txertoa egiteko entsegu klinikoetarako diru publikotik gutxienez 15 milioi euro jaso ditu.
Eneritz Zubiaurre irakaslea da, eta lan eremu horretan egin zen gizarteko lehenengotako txerto deiari erantzunez, ziztada hartu zuen 2021eko martxoaren 14an. Astra Zeneca egokitu zitzaion. “Inork, ezta txertoa jarri zidan erizainak ere ez zidan ohartarazi izan nitzakeen... [+]