Osakidetzak Europar Batasunetik kanpoko medikuak eta erizainak kontratatuko ditu “langileen defizita” estaltzeko
Aldi baterako neurria dela adierazi du Osakidetzak. ESK sindikatuak erabakia kritikatu du, eta adierazi du Osakidetzak migratutako langileekiko “diskriminazio sistematikoa” egin duela.
Osakidetzak EAEko Aldizkari Ofizialean iragarri du Europar Batasunetik kanpoko medikuak eta erizainak kontratatzeko asmoa duela arlo jakin batzuetan langilerik ez dagoela konpontzeko, Berriak jaso duenez. Neurri honen bidez, hautagaiak ez dira nazionalitatea izatera derrigortuta egongo. Nazionalitate-betekizunaren salbuespena aplikatuko da espezialitate bat "defizitarioa" edo "betetzeko zaila" dela identifikatzen denean.
Osakidetzako Administrazio Kontseilua arduratuko da defizitariotzat jotzen diren eta presaz bete behar diren espezialitateak zehazteaz. Bertako ideek azpimarratu dute neurri hori “aldi baterakoa” dela eta “gutxienez” urtean behin berrikusiko dela.
Espezialitate bat "defizitariotzat” hartzeko lau irizpide ezarri ditu Osakidetzak. Lehenengoa “langileen arteko desfasea” litzateke, espezialista kategoria jakin eta zerbitzu erakunde baterako onartutako lantaldearen eta zerbitzuak ematen ari direnen artean sortutakoa. Bigarren irizpidea pazienteen ratio altuak izatea da: hirugarrena, lan karga handituko duten teknologia berriak sartzea; eta laugarrena, Espainiako nazionalitatea duten langileek ez betetzea aldi baterako nahiz lanpostu finkoak.
Osakidetzak 55 espezialitatetan atzerriko medikuak eta erizainak kontratatzeko asmoa du. Medikuei dagozkie espezialitate gehienak, psikiatria, pediatria eta larrialdiak barne. Erizaintzari dagokionez, hiru espezialitate espezifikotan bilatuko dira langileak: lan-osasuneko erizainak, osasun mentaleko erizainak eta emaginak.
Hautaketa-prozesuan parte hartu nahi duten atzerriko herritarrek homologatuta eduki beharko dute titulua. Hala ere, lehentasuna emango zaie Europar Batasuneko nazionalitatea duten pertsonei, baita Europar Batasunetik kanpoko batek titulu homologatua aurkezten badu ere.
Neurri berriari kritikak
Erabakiak kritikak eragin ditu, esaterako, ESK sindikatuaren aldetik. ESK-en salaketaren arabera, migratutako langileekiko “diskriminazio sistematikoa” egin da Osakidetzan enplegu publikoa lortzeari dagokionez, eta adierazi dute neurriak ez dietela erantzuten bertako langileen “egiturazko premiei”.
ESK-eko kideek adierazi dute Osakidetza akordio honen bidez aitortzen ari dela sindikatuek aurretik salatutako “langileen egiturazko defizita”. Araudiak aldatzea eskatu dute, nazionalitateagatiko diskriminazioa ezabatuta enplegu publikora iritsi ahal izateko.
Sindikatuak kritikatu du aldi baterako prozesuetara mugatu dela neurria, eta horrek Lan Eskaintza Publikoetan (LEP) parte hartzea eragozten dietela eta haien lan-baldintzak “prekarizatzen” dituela, “enplegua egonkortzeko” aukerarik gabe. Halaber, adierazi du soilik hiru espezialitateetan (Lan Osasuna, Osasun Mentala eta Emagina) kentzen dela Erkidegotik kanpoko langileak kontratatzeko debekua, eta beste arlo batzuetan, Lehen Mailako Atentzioan esaterako, badirudiela “langilez gainezka” daudela. ESK-k kritikatu egin ditu neurri horren behin-behinekotasuna eta urteko berrikuspenak, eta adierazi du horrek indartzen duela langileak “erabili eta botatzeko modukotzat” hartzea.
Azkenaldian osasun publikoaren egoera kaxkarra justifikatzeko erakunde publikoek gero eta sarriago aipatzen dute mediku eta espezialisten premia dagoela. Ez omen dago eskaria asetzeko nahikoa langilerik. Eusko Jaurlaritzak ardura osoa Espainiako Osasun Ministerioari egozten dio,... [+]
Eskualdeko ospitaleko zerbitzua ixtearen ondoren, ez dira Donostiako Ospitalean ere artatzen. Haurren larrialdietako arreta gabezia ere dirau. Lehen mailako arretako pediatria kolapsatuta dago eta ez dago haur-psikiatrarik.
Civio fundazioak salatu duenez, Osakidetzak darabilen AA sistema batek (Quantus Skin) kontratuan agindutakoa baino askoz efikazia gutxiago dauka. 1.6 milioi euroko inbertsioa da, larruazalaren melanoma minbiziak detektatzea du helburu, eta bere emaitzak eskatu zuen %85eko... [+]
Hizkuntzak osasun arretaren kalitatean duen eragina aztertu dute EHEk eta EHUk. Jon Zarate Sesma EHEko kide eta EHUko ikertzaile doktoreak emaitzen xehetasunak eman ditu.
GIB / HIESA kasuak mantendu dira, baina klamidia, gonorrea eta sifilis kasuak bikoiztu dira. "Osasun publikoko arazo" direla ohartarazi du Jaurlaritzako Osasun sailburuak, "gorakada nabarmena" izan baitute.
Iazko udazkenean egin zuten sinadura bilketa, eta abenduaren 12an entregatu zituzten atxikimendu guztiak Osakidetzaren Gasteizko zerbitzu zentraletan.
Sindikatuak adierazi du bi ospitale horietan behin-behinekotasunean daudela langile gehienak, eta ordezkapenak ez direla bermatzen; ondorioz, langileen lan-karga areagotzen dela. Gehitu du larrialdi zerbitzuetan “gainkarga” dagoela.
“Ea hurrengorako ikasten duzun…”. Horrela agurtzen zuen amak onkologoa, kariñoz eta lotsarik gabe, kontsultatik ateratzen ginen bakoitzean. Hamar bat kontsulta egingo genituen bospasei urteren bueltan, eta agurra beti bera izaten zen. Emakume atsegina... [+]
Jose Ignacio Martinez Ortegak, OPA Herri Plataformako bozeramaileak, salatu du Eusko Jaurlaritzak “azkar” itxi nahi duela osasun mahaiko eztabaida.
Hainbat urtetan jarduera hezitzaileak gazteleraz jaso ostean, bi urte direla Zabalgana ikastetxeak euskara hutsean ematea eskatu zion auzoko osasun zentroari. Osasun zentroko arduradunek diote ez dutela horretarako baliabiderik. Osakidetzak egoera ikasturte honetan... [+]
Hautaketa prozesuetako kudeaketa “geldirik edo kaosean murgilduta” dagoela diote elkarretaratzearen deitzaileek.
Osasungintzako 501 langilek bat egin dute zortzi eskaera zehatz dituen manifestuarekin. Helburua, osasun arreta euskaraz eskaini, eman eta bermatzea, “edonon eta edonoiz, maila guztietan eta ahoz zein idatzizko harremanetan”.
Faltan Botatzen Dugu plataformak eman du gertakariaren berri, eta zaintza aringarrien zerbitzuaren "egoera kritikoa" salatu du. Medikuak haren kontakizuna argitaratu du sare sozialetan, eta jakinarazi du lana utzi duela denbora batez: "Ezinezkoa zait baldintza... [+]
Aspaldian Irunen ikusi den manifestaziorik jendetsuenetakoa izan da larunbatekoa, Bidasoako ospitaleko zerbitzuak desegitearen aurka. Besteak beste, larrialdi pediatrikoak, haur eta gazteentzako psikiatria zerbitzua eta urologia ezabatu dituzte, eta agerikoak dira ondorioak... [+]
Ospitalizatuta dauden pazienteek eskumuturrekoan eramango dute “e” ikurra. Hala, osasun langileek badakite herritar horiek eskatu dutela euskaraz artatua izatea. Osakidetzak dio euskarazko komunikazioa errazteko beste tresna bat gehiago dela. Proiektu zabalago bateko... [+]