Xabier Lujanbio, Maite Linazasoro eta Arkaitz Anza gazte errenteriarrak atxilotu zituen Ertzaintzak pasa den larunbatean Donostian, Segiko kide izateaz akusatuta. Eleak mugimenduak deitutako manifestazioa amaitzean Maria Cristina hotelaren kanpoaldean kateatu ziren hiruak, eta han bildutakoen animoen artean eraman zituzten ertzainek.
Donostiako mobilizazioa eta hiru gazteen atxiloketa ikus dezakezue beheko bideoetan:
Hiru atxilotuak iazko urtarrilean kondenatu zituen Espainiako Auzitegi Nazionalak, Errenteriako beste hiru gazterekin batera. Auzitegi Nagusiak sei kondenetatik bost berretsi zituen geroago. Lujanbio, Linazasoro eta Antza ezkutaturik egon dira hilabetez.
Eraikinetik ateratzeko agindua eman diete Zestoako Gazte Asanbladako kideei, eta prozesuaren gastuak ordaintzera zigortu dituzte. Gaztetxearen defentsan mobilizatzera deitu dute igandean, otsailak 4, Zestoako plazatik.
Zestoako Elizondo eraikina gaztetxe berri gisa okupatu zuen Gazte Asanbladak. Eraikina Elizaren jabetzakoa da, eta gotzaindegiak gaztetxearen aurkako prozedura abian du. Protesta ekintzak nagusitu dira azken asteetan, igandean Zestoako elizan, esaterako. Zestoako Udalak adierazi... [+]
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.