Ordizian denek jantzi behar dituzte musukoak gune publiko orotan
Nekane Murga Eusko Jaurlaritzako Osasun sailburuak jakinarazi ditu Ordizian gaurdanik leku publikoetan koronabirusaren hedatzea oztopatzeko erabiliko diren neurriak. Ostatuetako bezero kopuruak mugatu eta horiei bezala elkarte gastronomikoei iluntzeko itxiera aurreratzeaz gain, leku publiko guztietan edozein herritarrek jantzita eraman beharko du beti maskara. Asteartetik ari zen neurri hori eskatzen herriko alkatea.
Ordiziako kale, plaza, ostatu, komertzio edo beste edozein leku publikotan oraintxe bertan derrigorrezkoa da maskara jantzita eramatea, berdin dio bakarrik joanda ere aire librean. Horixe da asteazken goizean Nekane Murga Osasun sailburuak EAEko koronabirus agerraldi berriaz eman duen informaziorik nabarmenena.
Neurri hori bezperan eskatua zuen Ordiziako alkateak, zeina aldi berean kexu baitzen Eusko Jaurlaritzatik aski informazio igortzen ez diotela eta. Ordiziako udal agintariek baino zorte hobea dute hedabide batzuek, antza, zeren eta gaur goizetik albiste hori egintzat eskaintzen baitzuen Noticias de Gipuzkoa egunkariak. Musukoak, bestalde, ez dira oraingoz derrigorrezkoak Goierriko eskualdeko beste herrietan.
Gainerakoan, Ordizian debekatuta daude gaurtik edozein motatako festa, ospakizun eta jende bilerak. Ostatuetan ezin da zutik kontsumitu eta horietan legez onartuta daukaten bezero kopuruaren erdia eduki dezakete eserita mahaietan. Ostatuek bezala elkarte gastronomikoek derrigor itxi beharra daukate gaueko 23:30erako. Neurriok gehitzen zaizkie jada atzo Udalak hartutako besteei, baserriko produktuen azoka eta haurren udalekuak bertan behera utzi, eta abar. Zahar-etxean ere bisitak etenda daude, eguneko zaintza zerbitzua bezala.
Hedabideei erreparatuz gero, nahasmendu pittin bat egon da Ordiziako kutsadura-fokuarekin lotutako positiboen kopuruetan eta azkenean, kazetarien galderei erantzutean, Murga sailburuak berretsi du uztailaren 8ko eguerdira arte kutsatuak 48 direla.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
Hego Euskal Herrira pilulaz betetako 722 kaxatxo iritsi dira, COVID-19a larri pasatzeko arrisku handiko gaixoentzat zuzenduta. Europar Patasunak COVID-19arentzako ahotik hartzeko gomendatu duen lehen pilula antibirikoa da Pfizerren Paxlovid eta Espainiako Gobernuak 253 milioi... [+]
Pandemiaren eragina indarkeria matxistan azterketa kaleratu berri du Espainiako Gobernuak. Bertan ondorioztatu dute eraildako emakume kopurua gutxitu egin dela, hauek kontrolatuta eduki dituzten denbora gehitu izanaren ondorioz. Baina emakumeen suizidioak gizonenak baino gehiago... [+]
Merkatura ateratzear den Hipra txertoari patenteak kendu diezazkiola eskatu diote hogei erakundek Espainiako Gobernuari. Izan ere, Kataluniako multinazional honek COVID-19aren aurkako txertoa egiteko entsegu klinikoetarako diru publikotik gutxienez 15 milioi euro jaso ditu.
Eneritz Zubiaurre irakaslea da, eta lan eremu horretan egin zen gizarteko lehenengotako txerto deiari erantzunez, ziztada hartu zuen 2021eko martxoaren 14an. Astra Zeneca egokitu zitzaion. “Inork, ezta txertoa jarri zidan erizainak ere ez zidan ohartarazi izan nitzakeen... [+]